2 Timothy1
1Pol, cro gơnoăr bơtău dơng Yang Dŏng-Klàs Jesu bơh nùs-kơñ Yang Tơm Trồ dê, jăt jơno hăư bơh jơno jîng nơ̆m Yang Dŏng-Klàs Jesu,2pơyoa ma Timôthe, kon kơñ-kơloh ăñ dê: Dăn kon dî jơno sơmah, jơno kơloh-kơlài î jơno lơngăp-lơnge bơh Yang Tơm Trồ, la Bàp î Yang Dŏng-Klàs Jesu, Yang ƀòn mơ̆n.3Ăñ ăn jơno ưnngai Yang Tơm Trồ, Bơtao ăñ duh bră pơnjăt ông-pang ăñ î nùs-nhơ̆m sang-goh, tơm tô̆ ang tơmăng ăñ ơ̆ bơdê sơdơ trôh kon nơ̆m lơ̆gay jơno hôi-dăn ăñ dê,4kơp kơñ tơmtom kon, sơdơ trôh dà măt kon, lơi ăñ dî bîng-jut jơno sơhờp,5bơh dî jơno kah sơdơ bơh jơno don ngăn nơ̆m kon, la jơno don bơh sơm ăm nơ̆m Lôit, pang ua đah mơi kon, î Ơnit, mơi kon, ăñ don lah jơno don gư̆n kŭng ndăng ăm nơ̆m kon.6Mà bơh jơno gư̆n, ăñ tơngkah kon păl prăp wăl cĕ jơno sơmah Yang Tơm Trồ la jơno sơmah ăm nơ̆m kon bơh jơno ăn tê ăñ dê.7Bơh Yang Tơm Trồ ơ̆ e ma ƀòn mơ̆n hwîng-nùs kơ̆mbrit-kơ̆mbròt, mà la hwîng-nùs pran-kơdăng, kơñ-kơloh î gư̆t kơhea.8Gư̆n-jîng, kon bư̆ng ƀasmăt bơh bră lơh cư̆ng ma Yang ƀòn mơ̆n, kŭng bư̆ng ƀasmăt bơh ăñ, cro ăm jam Kơnràñ dê, ala sơgư̆n, kŏng sơòs-sơngeh băl cĕ bơh Jơno Niem, kơnơm gơnăp-gơnoăr Yang Tơm Trồ dê.9Bơtao sŏng dŏng ƀòn mơ̆n î hôi jà ƀòn mơ̆n băl î jơno hôi jà sang-goh, ơ̆-iyŏ jăt bră lơh ƀòn mơ̆n, mơya jăt jơno rơndăp lai î jơno sơmah sătan Kơnràñ dê, la jơno Kơnràñ sŏng e ma ƀòn mơ̆n nơ̆m Yang Dŏng-Klàs Jesu bơh lai miek miek ơ̆ lơ̆ ơ̆ lŭi,10mà jơ dô sŏng dî rang sơđah bơh jơno tơlôh sơđah Yang Dŏng-Klàs ƀòn mơ̆n, la Yang Dŏng-Klàs Jesu, tơm tô̆ sŏng lơh jơno sơ̆t gôjîng ơ̆ kwơ, mà iyà tơlôh makin jơno jîng băl î jơno hôm miek kơnơm bơh Jơno Niem,11bơh Jơno Niem gư̆n mà ăñ sŏng dî pồ tơngñă lơh jîng cro tơs bơtău, cro gơnoăr bơtău dơng, î cro bơtău,12kŭng bơh jơno gư̆n mà ăñ kŏng sơòs-sơngeh lơ̆gay jơno dô. Mơya ăñ ơ̆ ƀasmăt bơh ăñ gư̆t Bơtao ăñ don gừn ăñ dî bơtău mơ̆ndơm lơi don nên lah Kơnràñ dî gơnoăr prăp jư jơno Kơnràñ sŏng jao ma ăñ trôh dî nge gư̆n.13Kon prăp jư cĕ jơno lơh krơh bơh lơ̆gay jơno bơtău tơpăt-ngăn mà kon sŏng kơnău bơh anẵu ăñ, î jơno don gư̆m jơno kơñ-kơloh nơ̆m Yang Dŏng-Klàs Jesu.14Lăng jư cĕ jơno niem sŏng jao ma kon kơnơm bơh Yang Hwîng Goh, la Bơtao jîng nơ̆m ƀòn mơ̆n.15Kon gư̆t jơno dô, rơ̆ la lơ̆gay tơmpôl cro nơ̆m Asi sŏng lơi căư ăñ, mà nơ̆m gư̆n tom Phigelus î Hermôgen.16Dăn Yang e jơno sơmah kơloh-kơlài ma hîh nhă Ônesiphôrus, bơh gô ờs mơ̆ndơm-mơ̆nieng ăñ î ơ̆ ƀasmăt bơh jơno ăñ kŏng căp î săy-srê̆,17tơblơ̆ wăl, tơm tô̆ ăm nơ̆m Rôma, gô sŏng lơ̆ nùs jôi lùp bơh ăñ î jôi tom.18Dăn Yang e jơno sơmah ma mê lơi jôi dî jơno kơloh-kơlài bơh anẵu Kơnràñ nơ̆m nge gư̆n. Hôm mê gư̆t nê̆ cro rơ̆ sŏng duh bră khăi amơh nơ̆m Ephesô.
FAR EAST BROADCASTING COMPANY