1 Thessalonians5
1Ơ oh mi rôh lŏ, bơh tô̆ jơ î tô̆ tơnge, oh mi rôh lŏ ơ̆ cang ƀòn hî cêh ma oh mi rôh lŏ.2Bơh sătan oh mi rôh lŏ gư̆t nê̆-năn lah nge Yang dê trôh mơmơh tîgay — gư̆ptî cro kơntô̆ng nơ̆m brê tơmăng.3Tơm tô̆ cro tơs lah: “Lơngăp-lơnge î niem-lơnge,” gừn jơno tơngroh sơni-sơna trôh jư cŭngsî ƀòn gô, gư̆ptî jơno jê bơda cro-ua ndăng buơn, gừn nên-nôn ngăn ƀòn gô ơ̆ pleh dî.4Mơya, ơ oh mi rôh lŏ, oh mi rôh lŏ ơ̆ ăm nơ̆m jơno ñô̆ng kơnăm lơi bơh gư̆n nơ̆m nge gư̆n jơno tơngtrôh ma oh mi rôh lŏ sơni-sơna gư̆ptî cro kơntô̆ng.5Bơh oh mi rôh lŏ la kon jơno ang lêh î kon brê tơnge. Ƀòn mơ̆n ơ̆-iyŏ kon brê tơmăng hala ñô̆ng kơnăm.6Gư̆n-jîng ƀòn mơ̆n bư̆ng bĭc gư̆ptî tơmpôl cro nde. Tơblơ̆ wăl, ƀòn mơ̆n păl kah-rngăl î ngăc-măt.7Bơh cro bĭc la bĭc nơ̆m brê tơmăng, î cro mañơ̆l gừn mañơ̆l nơ̆m brê tơmăng.8Mơya bơh ƀòn mơ̆n gôtrê mađah brê tơnge, gư̆n-jîng ƀòn mơ̆n păl ngăc-măt, cù ao lòs jơno don dê î jơno kơñ-kơloh, î mu lòs, la jơno cang-kơnơm jơno dŏng-klàs.9Bơh Yang Tơm Trồ ơ̆ rcăng ma ƀòn mơ̆n kŏng jơno tơcao dơng, mà lơi dờp jơno dŏng-klàs kơnơm bơh Yang ƀòn mơ̆n, la Yang Dŏng-Klàs Jesu.10Bơtao sŏng sơ̆t bơh ƀòn mơ̆n, lơi ƀòn mơ̆n bulah lôh hala bĭc, ƀòn mơ̆n kŭng dî jîng î Kơnràñ.11Gư̆n-jîng, mơ̆ndơm-mơ̆nieng cĕ găp, cro dă băt-tơngñă cĕ cro năy, gư̆ptî oh mi rôh lŏ kŭng hôm ndăng lơh.12Ơ oh mi rôh lŏ, ƀòn hî dăn oh mi rôh lŏ gư̆t ưnngai cĕ tơmpôl cro kŏng sơòs-sơngeh nhòng tĕdơ oh mi rôh lŏ, tề-lăm oh mi rôh lŏ nhòng Yang, bơtău tơngkah oh mi rôh lŏ,13gư̆m kơlôi trôh cĕ ƀòn gô dubă kingam nơ̆m jơno kơñ-kơloh bơh gơnoăr bră ƀòn gô dê. Jîng tơmrơm cĕ băl î găp.14Pơnah nde, Ơ oh mi rôh lŏ, ƀòn hî pơjô̆ bơtrôt oh mi rôh lŏ: păl bơtău tơngkah cĕ cro alah-atà, păl mơ̆ndơm-mơ̆nieng cro ơ̆ khơ̆n-sa, păl dŏng-kơl cro lơbăn-lơñô, păl ăt-ăl î lơ̆gay kơp cro.15Kơhea cĕ, bư̆ng cro găy dưñ jơno bờk kla jơno bờk ma cro găy, tơblơ̆ wăl, jôi jăt cĕ jơno niem ăn lơi ma găp î ma lơ̆gay cro.16Sơhờp-sờhơn miek miek cĕ.17Păl hôi-dăn ơ̆ bơdê.18Nơ̆m lơ̆gay bră găy, păl ưnngai, bơh jơno gư̆n la nùs-kơñ Yang Tơm Trồ ăn lơi ma oh mi rôh lŏ nhòng Yang Dŏng-Klàs Jesu.19Bư̆ng tơngsơ̆t oềs Yang Hwîng Goh.20Bư̆ng lăng ơ̆ săp lơ̆gay jơno tơs cro gơnoăr hwơr21Lăng swì cĕ lơ̆gay jơno. Dưñ prăp cĕ jơno găy la lơbăn-niem.22Pleh wĭc bơh lơ̆gay jơno lăng la bờk-mơsăk.23Dăn să tơm Yang Tơm Trồ lơngăp-lơnge lơh lơhiê oh mi rôh lŏ wêl-tăl, gư̆m dăn jơh lơ̆gay hwîng-nùs, hwîng-soan, să-jăn oh mi rôh lŏ dê dî prăp jư bîng-tăl ma ơ̆ anẵu ƀoah-đas dî tơm jơ Yang ƀòn mơ̆n, la Yang Dŏng-Klàs Jesu trôh wăl.24Don tơpăt ngăn la Bơtao hôi-săc oh mi rôh lŏ kŭng la Bơtao rơp lơh-jăt jơno hăư gư̆n.25Ơ oh mi rôh lŏ, kŭng hôi-dăn cĕ ma ƀòn hî te.26Dăn còp-să lơ̆gay oh mi rôh lŏ bơh î jơno cư̆m sang-goh.27Ăñ e sơnăn Yang pơđơ ma oh mi rôh lŏ păl lơi sră pơyoa dô dî đŏk ma jơh lơ̆gay oh mi rôh lŏ.28Dăn jơno sơmah Yang ƀòn mơ̆n la Yang Dŏng-Klàs Jesu, ăm băl î oh mi rôh lŏ.
FAR EAST BROADCASTING COMPANY