1 Corinthians16
1Bơh bră rê̆ jên tơnggom e ma lơ̆gay cro sang-goh, oh mi rôh lŏ păl lơh-jăt gư̆ptî ăñ sŏng pơđơ lơh e ma lơ̆gay Hîh Jư̆m bơlao Galati, kŭng gư̆ptî rơ̆ ya.2Kơp nge sơm nơ̆m du-poh, kơp să cro nơ̆m oh mi rôh lŏ păl ăn lơi dêh gô makin, tơm tô̆ prăp lơi jini-jơno găy rơ̆, dilah cro rơ̆ dî dờp công nha bră lơh, lơi tơm tô̆ ăñ trôh, jơ gư̆n rơp ơ̆ kă păl rê̆ jên găy te.3Pơnah nde, tơm tô̆ ăñ trôh, dilah oh mi rôh lŏ niem-nùs lơ̆gay cro găy, gừn ăñ rơp pơđơ ƀòn gô iyà jên e gời oh mi rôh lŏ dê, băl î sră pơyoa trôh Jerusalem.4Hôm dilah bră rơ̆ kŭng la jơno dî păl ngăn lơi ăñ păl swà, gừn ƀòn gô rơp swà nơ̆m gung î ăñ.5Mơya ăñ rơp trôh còp-să î oh mi rôh lŏ ma-ngkơi jơ să tơm ăñ sŏng swà găn lêh Maseđoan, bơh ăñ ndăng swà găn tơpăt lêh Maseđoan.6Sŏng gư̆n digơlăn ăñ rơp ăm wăl î oh mi rôh lŏ, hala tien gơs rlo lơ̆ nơ̆m kơnnhe lơngềt, lơi oh mi rôh lŏ digơlăn lơboh ăñ swà gung, dilah ăñ kơñ swà anẵu găy.7Tai bơh ăñ ơ̆ kơñ tơmtom oh mi rôh lŏ jơ dô nơ̆m gung swà găn ma gư̆n, bơh ăñ cang-kơnơm kư̆ ăm wăl î oh mi rôh lŏ dư̆ng-iè jŏ nge, dilah Yang e gơnoăr.8Mơya ăñ rơp ăm wăl nơ̆m Ephesô trôh dî bơjư̆m-sa Nge Prăm-Jư̆t,9bơh du đah mpông sŏng pẵư dơng ơnàng gừn niem-nùs ma ăñ, mà khăi jơno nde gừn ndăng tơmdră cơkhă ăñ.10Pơnah nde, dilah Timôthe trôh, kơhea cĕ lơi cro pơnu rơ̆ ăm î oh mi rôh lŏ jăt dubă ơ̆ jơno găy păl kơ̆mbrit, bơh cro pơnu rơ̆ ndăng lơh gơnoăr bră Yang, gư̆ptî ăñ ya.11Bơh rơ̆ ơ̆ du hôi cro găy lăng ơ̆săp-ơ̆său pơnu rơ̆. Mơya păl dŏng cĕ pơnu rơ̆ swà gung lơngăp-lơnge, lơi pơnu rơ̆ digơlăn trôh î ăñ; bơh ăñ ndăng ăm cang pơnu rơ̆ trôh băl î lơ̆gay oh mi nde.12Hôm bơh cro oh mi Apôlôs, ăñ sŏng e pran ayua tơs tơngkah amî rơ̆ băl î du pơnah oh mi trôh còp-să oh mi rôh lŏ, mơya amî rơ̆ hôm dahrăư kơñ swà nơ̆m jơ dô. Amî rơ̆ rơp swà tơm tô̆ dî tô̆ lơm pah13Kơhea cĕ; ñă bơkhê cĕ nơ̆m jơno don; păl dî jơ-nhăm să dî păl gư̆ptî pơnah cro dơng; pran-kơdăng cĕ.14Lơi cĕ oh mi rôh lŏ dê lơ̆gay bră dî gôjîng nơ̆m nùs kơñ-kơloh.15Pơnah nde, ơ oh mi rôh lŏ, oh mi rôh lŏ gư̆t cro hîh nhă Stephanas dê, lah ƀòn gô la ple sơm găl năm anẵu Acai, gừn ƀòn gô sŏng ăn dêh să mơ̆t lơh jơno tơmdŏng bră lơ̆gay cro sang-goh. Ăñ kơñ tơngkah oh mi rôh lŏ,16Don-duh cĕ lơ̆gay cro tîrơ̆, gư̆m lơ̆gay jơno lơ̆gay cro lơi e oh mi rôh lŏ kŭng ndăng mơ̆t lơh băl gừn kŏng băl gleh-glăr nơ̆m gơnoăr bră Yang.17Ăñ sơhờp-sờhơn bơh bră Stephanas, Phôtuna î Acaikơ trôh; bơh ƀòn gô sŏng ăn crăm wăl te jơno găy hôm prŏi bơh anẵu oh mi rôh lŏ dê.18Bơh ƀòn gô sŏng lơh niem mhăy wăl hwîng-nùs ăñ jê î oh mi rôh lŏ dê. Tîgư̆n, păl đăl gư̆t lơ̆gay cro gư̆ptî rơ̆ ya.19Lơ̆gay Hîh Jư̆m Goh ƀòn dơng Asi pơyoa jơno còp-să trôh ma oh mi rôh lŏ. Akwila î Prissil, băl î Hîh Jư̆m Goh bơjư̆m anẵu hîh ƀòn gô dê, lơ̆ nùs sơhờp còp-să oh mi rôh lŏ nơ̆m Yang.20Jơh lơ̆gay oh mi còp-să oh mi rôh lŏ. Păl còp-să găp bơh î jơno cư̆m sang-goh.21Jơno còp-să dô la bơh tê să tơm ăñ jê — Pol cêh.22Dilah cro găy ơ̆ kơñ-kơloh Yang, gừn cro rơ̆ păl kŏng jơno wac-rma! Khoai Yang ƀòn kon dê, dăn Kơnràñ trôh cĕ!23Dăn jơno sơmah Yang Jesu dê ăm băl î oh mi rôh lŏ.24Dăn nùs kơñ-kơloh ăñ jê ăm băl î lơ̆gay oh mi rôh lŏ nơ̆m Yang Dŏng-Klàs Jesu. Amen.
FAR EAST BROADCASTING COMPANY