1 Corinthians13
1Bulah ăñ digơlăn tơs lơ̆gay jơno tơs kon-mơnùs dê î cro gơndrơh, mơya ăn ơ̆ dî jơno kơñ-kơloh, gừn ăñ sŏng gôjîng gư̆ptî du-lăm cư̆ng kơ̆ntàs ndrăm-ndròm hala bơmôm ndrăt nggua.2Bulah ăñ dî jơno sơmah tơs hwơr gừn digơlăn wơng lơ̆gay jơno ndăp-ndơ băl î kơp jơno gư̆t jăk, gừn bulah ăñ dî tăl lơ̆gay jơno don tien gơs bŭi yŏk yồ grồi, mơya dilah ăñ ơ̆ dî jơno kơñ-kơloh, gừn ăñ ơ̆-iyŏ la jini-jơno găy ờ.3Tien gơs bulah tơm tô̆ ăñ e cĕ lơ̆gay jini-jơno dêh ăñ, gừn bulah ăñ phi să-jăn mơ̆n lơi ăñ digơlăn tơngyeh să, mơya dilah ăñ ơ̆ dî jơno kơñ-kơloh gừn ăñ ơ̆ dî jơno găy ờ.4Jơno kơñ-kơloh gừn dî nùs kŏng-ăt gư̆m e sơđah jơno lơbăn-niem, jơno kơñ-kơloh ơ̆ tơmngañ, jơno kơñ-kơloh ơ̆ tơngyơng să, kŭng ơ̆ pơnhừ-să.5Jơno kơñ-kơloh ơ̆ lơh tìs jơno, ơ̆ jôi jơno ƀoah-yoam, ơ̆ jôi công nha dêh mơ̆n, lơ̆gay jơno ơ̆ khơñ dôh nùs, ơ̆ rong-siem jơno bờk-mơsăk.6Jơno kơñ-kơloh ơ̆ sơhờp bơh jơno ơ̆ tơpăt-durư̆ng, mơya sơhờp-sờhơn nơ̆m jơno tơpăt-ngăn.7Jơno kơñ-kơloh ăt-ăl lơ̆gay jơno, don kơnơm lơ̆gay jơno, cang-kơnơm lơ̆gay jơno, kŏng-ăt lơ̆gay jơno.8Jơno kơñ-kơloh ơ̆ jơ găy làt buh. Pơnah nde, bulah la jơno sơmah tơs hwơr, ƀòn gô rơp kŏng ha-ău thơ̆t; bulah la jơno e gời lơ̆gay jơno tơs ƀòn gô rơp lơ̆ lŭi; bulah jơno khu tơngoh jăk-sai, gô rơp kŏng lơi căư.9Bơh ƀòn mơ̆n bơtê gư̆t du pơnah găy, î ƀòn mơ̆n tơs hwơr pơnah găy.10Mơya tơm tô̆ jơno wêl-tăl trôh, jơno hôm dahrăư wêl-tăl nơ̆m pơnah rơ̆ rơp kŏng lơi căư cĕ.11Tơm tô̆ ăñ hôm la cro kơmom, ăñ tơs gư̆ptî cro kơmom, ăñ kơlôi-sơnư̆ng gư̆ptî cro kơmom, ăñ răk-sa jơno tơs gư̆ptî cro kơmom. Tơm tô̆ ăñ sŏng gôjîng dơng să, ăñ lơi căư lơ̆gay bră cro kơmom dê.12Bơh jơ dô, ƀòn mơ̆n lăng tơmpơl bơh krơh î dubă bli blu, mơya trôh dî jơ rơ̆ gừn măt tơmtom măt. Jơ dô, ăñ dî gư̆t wơng pơnah găy, mơya trôh dî jơ rơ̆, ăñ rơp đăl gư̆t dubă wêl-tăl lơ̆, kŭng gư̆ptî ăñ sŏng dî đăl gư̆t Yang dubă wêl-tăl.13Mơya jơ dô hôm wăl păy-lăm jơno dô: jơno don, jơno cang-kơnơm gư̆m jơno kơñ-kơloh. Mà jơno dơng mang rlo lơ̆ nơ̆m păy-lăm jơno rơ̆ la jơno kơñ-kơloh.
FAR EAST BROADCASTING COMPANY