1 Corinthians11
1Păl sơlôh gôjîng tơmpôl cro jăt krơh ăñ, gư̆ptî ăñ kŭng la cro jăt krơh Yang Dŏng-Klàs.2Ăñ mơnê oh mi rôh lŏ bơh oh mi rôh lŏ sŏng sơdơ trôh ăñ nơ̆m kơp bră, î oh mi rôh lŏ prăp jư bơkhê lơ̆gay jơno ờs yo, jăt gư̆ptî ăñ sŏng tơs wăl ma oh mi rôh lŏ.3Mơya, ăñ kơñ oh mi rôh lŏ gư̆t lah Yang Dŏng-Klàs la găl lơ̆gay tơmpôl cro-klo, mà cro-klo la găl tơmpôl cro-ua, hôm Yang Tơm Trồ la găl Yang Dŏng-Klàs dê.4Lơ̆gay tơmpôl cro-klo hôi-dăn hala tơs hwơr, dilah tom jơno găy gư̆n kơlum cŭngsî găl, gừn lơh tơngyŏ găl gô.5Mơya lơ̆gay tơmpôl cro-ua hôi-dăn hala jơno tơs hwơr î găl bư̆ng kơlum găl wăl, gừn kŏng lơh tơngyŏ găl gô, bơh jơno dô la du jơno î bră sŏng kŏng kàc găl.6Bơh dilah du hôi cro-ua ơ̆ kơlum găl, gừn ua rơ̆ kŭng păl koh sŏ cĕ. Hôm dilah jăt î cro-ua koh sŏ hala kàc găl la jơno tơngyŏ-tơnghiel, gừn cro-ua rơ̆ păl kơlum găl wăl.7Cro-klo ơ̆ dî păl kơlum găl gô bơh ƀòn gô añ rồp-să î jơno ang tơcrà Yang Tơm Trồ dê. Pơnah nde, cro-ua la jơno ang tơcrà cro-klo dê.8Bơh klo gừn ơ̆-iyŏ tơlôh bơh cro-ua, mà la cro-ua tơlôh bơh cro-klo.9Kŭng bơh ơ̆-iyŏ cro-klo dî mon bơjîng bơh cro-ua, mơya la cro-ua dî mon bơjîng bơh cro-klo.10Bơh jơno gư̆n, cro-ua păl dî têl gơnoăr bră nơ̆m găl mơ̆n, tài bơh lơ̆gay cro gơndrơh.11Bulah tîgư̆n, nơ̆m Yang, cro-ua ơ̆ dî ơ̆ kơñ ăm î cro-klo, cro-klo kŭng ơ̆ dî ơ̆ kơñ ăm î cro-ua.12Bơh, cro-ua tơlôh bơh cro-klo tîgay, gừn cro-klo kŭng bơh cro-ua mà tơlôh gư̆p tîrơ̆, mơya kơp jơno tơlôh bơh Yang Tơm Trồ.13Swì lăng cĕ nơ̆m nhòng să tơm oh mi rôh lŏ: Cro-ua hôi-dăn î Yang Tơm Trồ ơ̆ kơlum găl gừn tom dî păl ờ?14Ơ̆-iyŏ ƀăt băl î jơno ờs dờm bơtău oh mi rôh lŏ lah du pơnah nde, dilah cro-klo lơi sŏ lơmŏng, gừn rơ̆ la jơno lơh ƀasmăt ma gô ya?15Pơnah nde, dilah cro-ua dî sŏ lơmŏng, gừn rơ̆ la ang tơcrà ăn lơi ma cro-ua rơ̆ ya? Bơh sŏ lơmŏng sŏng dî dờp e ma cro-ua gư̆n sơntu gư̆ptî thơk kơlum găl.16Hôm dilah cro găy gôlơh gư̆ptî dî nùs tơmbơkai bơh bră dô, gừn ƀòn hî ơ̆ tom jơno ờs dờm jăt gư̆p tîrơ̆, lơ̆gay Hîh Jư̆m Goh Yang Tơm Trồ dê kŭng ơ̆.17Mơya tơm tô̆ tơs e tơlôh jơno pơđơ bơlăm ma-ngkơi dô, ăñ ơ̆ mơnê oh mi rôh lŏ, bơh oh mi rôh lŏ bơjư̆m băl î găp ơ̆ iyŏ rơndôh trôh ma jơno niem rlo, mơya la blăc trôh lêh jơno bờk rlo.18Bơh lai ngăn, tơm tô̆ oh mi rôh lŏ bơjư̆m wăl nơ̆m Hîh Jư̆m Goh, ăñ kơnău bơh khăi jơno tơmcơlah nơ̆m nhòng tơmpôl oh mi rôh lŏ, gừn ăñ don nơ̆m jơno gư̆n mađah pơnah găy gư̆n.19Bơh păl tom lơ̆gay tơmpôl tơmklăc jơnư̆m nhòng tơmpôl oh mi rôh lŏ, lơi tơmpôl cro găy sŏng kŏng têl lòng kŭng digơlăn e sơđah nê̆-năn nhòng tơmpôl oh mi rôh lŏ.20Bơh rơ̆, tơm tô̆ oh mi rôh lŏ bơjư̆m wăl băl nơ̆m du-anẵu, ơ̆-iyŏ bră rơ̆ la lơi mơ̆t băl nơ̆m jơno sa Ƀăñ Kah Sơdơ Yang dê.21Bơh nơ̆m jơ sa, kơp să cro sơbăc-sơbăng ngui sa dêh mơ̆n lai, gư̆n-jîng bulah tom cro mƀà gừn jơgloh ngăn, mơya tom cro mƀà gừn mañơ̆l-lơmbẵy.22Jơno oh mi rôh lŏ ơ̆ dî hîh lơi sa î ñô nơ̆m gư̆n ya? Hala oh mi rôh lŏ khi-mờc Hîh Jư̆m Goh Yang Tơm Trồ dê, gừn lơh ƀasmăt tơmpôl cro ơ̆ tom dî jơno găy? Ăñ păl tơs jơno găy î oh mi rôh lŏ dô? Păl mơnê oh mi rôh lŏ bơh bră dô ya? Ăñ rơp ơ̆ mơnê oh mi rôh lŏ ờ!23Bơh ăñ sŏng dưñ-lăñ bơh Yang jơno ăñ kŭng sŏng bơtău wăl ma oh mi rôh lŏ, rơ̆ la Yang Jesu, nơ̆m brê tơmăng mà Kơnràñ kŏng cro tơmdră kơ̆p lơboh, sŏng dưñ ƀăñ,24gừn ma-ngkơi jơ ưnngai, Kơnràñ pêh blieng ƀăñ, gừn tơs lah: “Dô la să-jăn ăñ jê, ala ma oh mi. Lơh cĕ jơno dô nơ̆m jơno kah sơdơ bơh ăñ.”25Kŭng jăt dubă gư̆p tîrơ̆ î woan ma-ngkơi jơ sŏng sa, lah: “Woan dô la jơno hăư-băl mhăy nơ̆m mham ăñ. Bulah jơ găy oh mi rôh lŏ ñô woan dô, lơh cĕ jơno dô nơ̆m jơno kah sơdơ trôh ăñ.”26Bơh dilah jơ găy oh mi rôh lŏ sa ƀăñ dô î ñô woan dô, gừn oh mi rôh lŏ tơs bơtău jơno kŏng sơ̆t Yang dê trôh dî jơ Kơnràñ trôh wăl.27Gư̆n-jîng, bulah cro găy sa ƀăñ hala ñô woan Yang dê dubă ơ̆ dî păl gừn rơp tìs-glài î să-jăn gư̆m mham Yang dê.28Tơblơ̆ wăl, kơp cro păl swì lăng dêh să mơ̆n, sŏng gư̆n jăt gư̆p tîgư̆n sa cĕ ƀăñ î ñô woan.29Bơh cro găy sa î ñô mà ơ̆ tơmcơlah să-jăn Yang, rơ̆ la sa î ñô jơno cahrña ma mơ̆n.30Tài bơh jơno gư̆n, khăi cro nơ̆m oh mi rôh lŏ lơbăn-lơñô, kòp jê î khăi cro bĭc.31Mơya dilah ƀòn mơ̆n swì lăng dêh să tơm mơ̆n, gừn nên-nôn ngăn ƀòn mơ̆n ơ̆ kŏng cahrña.32Hôm tơm tô̆ kŏng Yang cahrña, ƀòn mơ̆n kŏng lơh-glài tơmal, lơi ơ̆ kŏng lơh nên glài băl î dunya.33Gư̆n-jîng, ơ oh mi rôh lŏ ăñ jê, tơm tô̆ bơjư̆m wăl lơi sa, ăm cang cĕ găp.34Dilah cro găy jơgloh, gừn sa cĕ nơ̆m hîh, lơi oh mi rôh lŏ ơ̆ bơjư̆m băl nơ̆m jơno kŏng cahrña. Hôm bơh lơ̆gay bră nde, ăñ rơp e sơđah jơno sơđah bơlăm ƀăt jơ găy ăñ trôh.
FAR EAST BROADCASTING COMPANY