लुका8
1होकाम येसु सहर-सहर सोनो नाङखार-नाङखारयालं प्रचार डावग्यान सोनो परमेस्वरलो ओराज्यलो चाव सोर सठोयोग्यान सहर सोनो नाङखारयालं ओनाव। येसुसं बारं जना उसिसरं पनि लेवरं।2येसुसं कोइ-कोइ मेमारं पनि लेवरं, नोरं माचाव आत्माङाम सोनो रोगोङाम समो लेवरं। नोरं आवरंज़ मग्डलिनी वार्ने मरियम, नो लेवटाम सात गोटा भुतरं पुलैसिवरं लेव,3हेरोडलो उज़ीःमलं येःन डाने खुजासलो ओज्या योअन्ना, सोनो सुसन्ना। आवनि सोनो उरुराई या याढनये येसुलो ओसेवा डोरंये।4होकाम बनै भ्या माहुले मीरं याडुप्सिव होसोनो सहर-सहरलाम मीरं येसुलेवकं याराव, येसुये नोरंलाई टोबो सात्रो हैओडोवरं।5“टोबो ढुर वाने मी ढुर वाने ओनाव, ढुर वावग्यान ओडोकं कोइ येम छ्योयालं ओटेःव, होकाम नो मीराई याखङये यासिव, होसोनो नम्टा बाज़ाराई याज़्योव।6उरु ढुर ढान्डलं ओटेःव, होकाम नो उपरिव पानाज़ सोपो, कडालेकं नो ओबान्डो येःङ लेव।7कोइ ढुर ज़ु घार्लं ओटेःव, होकाम बिरवासं ज़ु पनि ओघ्योव, होसोनो नोलाई घ्योव मायोवये।8कोइ ढुर गमस्यालं ओटेःव, होकाम परिडे घ्योडे सय गुना ओसोयो।” आडङ हैवार्डे येसुये कस्सिडे हैओवारो, “जोलो ठैने ओना ले, होये ओठोयोकं।”9येसुलो उसिसराई आव सात्रोलो ओमाने कडि वार्डे येसुलाई यापंजोयो।10येसुये हैओवारो, “जेलाई के परमेस्वरलो ओराज्यला छुटं रोःर सन्ने ग्यान यासिव लिज़्या, उरुकारासं के ङा सात्रोङामज़ ङापाङ, कडालेकं ‘नोराई रःङडे पनि टारःडुरंकंः, होसोनो ठैडे पनि टाबुझिरंकं।’”11आव ढुर वाने सात्रोलो ओमाने आवज़, ढुर परमेस्वरलो ओबचन ची।12येम छ्योयाला टेःव ढुर नोरंज़, जोराई बचन ठैरंये, होकाम बचन ठैडे बिस्वास टाडोरंकं होसोनो टाबान्चिरंकं वार्डे सैतान राडे नोराई यायुङलाम बचन लाङोये।13ढान्डला टेःनेरं नोरंज़, जोरं परमेस्वरलो ओबचन ठैडे रेङडे नोलाई ग्रहन डोरंये। नोराई याजरा माटाये, जामासमंयाज़ नोराई बिस्वास डोरंये, होकाम परिछ्या राने बेलाकं नोरं बिस्वासलाम याझिन्डे वोलरंये।14ज़ु घार्ला टेःनेरं नोरंज़, जोराई परमेस्वरलो ओपाङ ठैरं, होकाम झिन्डे आव डिनका याजीबनला चिन्ता, ढन, सुखंलं टेःडे घ्योव माडैरंये, होसोनो नोराई यासै मीःनो माडोयो।15चाव गमस्यालं टेःनेरं नोरंज़, जोराई पाङ ठैडे यायुङलं कपंट मानैडे सोनो चाव युङये नोलाई जोगैडे नैरंये, होसोनो ओसमयसं ओसै ठाङोये।16“काङ्काये पनि भाङ खाङडे जाये माकपोये, होसोनो खाटं ढुङलं मानोयोये, ज़ीःम ज्युङलं रानेरंलाई उज्यालो गटाकं वार्डे डियाटोटं नोयोये।17जो रोः मोःसिव ले हो सटन्सिनेले, जो रोः गुप्तलं ले हो ठा टानेले।18हैजैडे होस्यार लेच्यो, जे कैजैडे जेठैज़्याव, कडावार्क जोसं ले होलाई अजं भ्या यासिने ले, होसोनो जोसं माले, नोसं जो लिज़्या वार्डे नोये हैवार्ज़्या, नो पनि नो लेवङाम नानसिने ले।”19येसुलो वामा सोनो ओभाइरं येसुलेवकं याराव, मीरं बनै भ्या यालेवये येसु लेवकं माराडुरंये।20येसुलाई टोबोये हैओडोव, “नामा सोनो नभाइरं नङसं डैसिने युङ डाडे पाखाकं च्याङसिडे लेरं।”21येसुये नोलाई हैओडोव, “ङामा सोनो ङाभाइरं नोरंज़, जोये परमेस्वरलो ओबचन ठैरंये, होसोनो नो अनंसार डोरंये।”22टछा येसु उसिसरासं डोङ्गाटं यापुलुव, होकाम उसिसरंलाई हैओडोवरं, “बा गे डहं होपंटं गेनाके।” होकाम होरं डोङ्गाटं पुलुडे यानाव।23डोङ्गाटं यानाज़्याकं येसु ओङोःलो। डहंलं घुइरं ओराव। डोङ्गा रीःये ओब्यालो, होकाम नोरं आफंटलं यापरिव।24होकाम नोरं येसुलो ओछ्योकं राडे ऐ वार्डे यासोचोयो, “गुरबा, गुरबा गे गेबुडिरिखे।”
येसुये सोडे घुइरंलाई ओहक्लोयो, होकाम नो स्यान्टै ठकंनिडे चिम ओटाव।25येसुये नोरंलाई हैओडोवरं,
“जे जिबिस्वास कान्डे ओनाव?” नोरं बनै याछेव, होकाम अचम्ब टाडे या-याज़ ऐ यावारो, “आव काङ्का? आवये बतासं सोनो रीःलाई समं अरैज़्याव, नोराई पनि आवलो ओरोः ठैज़्यारं।”26येसुरं गेरासेनस प्रडेसलं याकेरिव, नो गालील डहंलो ओहोपंटं ले।27येसु डोङ्गाटाम उझिरिव पानाज़ टोबो मीलाई ओडोयो, हो मीलाई भुत लागिव लेव। नोये भ्या समयकामज़ क्वा माक्वाइसिडे उलिज़्याव, होसोनो नो ज़ीःमकं मालेडे नो खाडर लेव पो यालं उलिज़्याव।28नोये येसुलाई ओरोःङो, होकाम कस्सिडे कीःडे येसुलो ओङाःकं फुलुप्सिडे हैओवारो, “ए स्यान्टैराई भन्डा घ्योव परमेस्वरलो ओज़ा येसु, नङ ङासं कडि नयेःन? ङा नङलाई है ङाडान, ङालाई डुखं टायाङ।”29कडालेकं येसुये माचाव आत्मालाई नो मी लेवटाम पुलुडे नान हैडाडे ओनैज़्याव। नोलाई भ्या पाला ज़ भुतये ओटंव। नोलाई याखार्ल नैडे यागुज़्याव। नोलाई साङ्गलये सोनो हलालं झाडे किरंये, नोये नो याकिव साङ्गलरं फ्यावये। भुतये नोलाई कडिज़ मालेव बनलं लाङोये।30येसुये नोलाई ओपजोयो, “नमिन कडि?”
नोये हैओवारो, “फौजी।” कडालेकं भ्या भुतरं नो लेवटं पसिव लेवरं।31गेलाई बुडाव गाङलं टापरिःङसि वार्डे येसुलाई बिन्ती याडोव।32नजिकका डान्डाटं वोराई बनै घ्योव याबगाल यालाज़्याव। होकाम नोराई वोराई लेवटं नाव गयासिके वार्डे येसुलाई बिन्ती याडोव, होकाम येसुये गनाच्योके हैओडोवरं।33होकाम भुतरं नो मी लेवटाम पुलुडे नो वोराई याक्याङटं यानाव, नो वोराई याबगाल उरालाटं ज़ोःडे डहंलं बुडिडे यासिव।34जो ओटाव नो रःङडे वो छानेरं याढोङो, होकाम नाङखार सोनो आसै होसैयाला पो यालं आव रोः हैयावार्नाव।35नलं जो ओटाव नो रःङने मीरं येसु लेवकं याराव, होसोनो जो मी लेवटाम भुतरं यापुलुव, नो मीलाई क्वा क्वाइसिडे सम्डे येसुलो ओङाःकं चुङडे उलिज़्याव याडैरिव, होकाम नोरं बनै याछेव।36रःङने मीराई नो भुतये ओडापो मी कैजैडे ओसोमो वार्डे राने मीरंलाई हैयाडोवरं।37गेरासेनसलो आसै होसैका नाङखारयाला स्यान्टै मीराई येसुलाई गेनाङखारलाम गनानके वार्डे है याडोव, कडालेकं नोरं बनै याछेव। हैजैडे येसु डोङ्गाटं पुलुडे ओवोलो।38जो मी लेवटाम भुतरं यापुलुव, हो मीये “येसुसं नाव ङाडैकं” वार्डे येसुलाई बिन्ती ओडोव। येसुये नोलाई ऐ डाडे उपरिःङो,39“नङ वोल्डे नज़ीःमडे गनाङन्के, होकाम परमेस्वरये नलागिटं खालु घ्योव येःन ओडोव, हो स्यान्टैरंलाई हैडोरं।”
होकाम नो मी ओनाव, येसुये नोलो ओलागिटं खालु घ्योव येःन ओडोव, हो स्यान्टै नाङखार भरि प्रचार ओडोव।40येसु वोल्डे ओराकं माहुले मीराई येसुलाई बनै ओमान डाडे याखुलो, कडावार्क नोरं स्यान्टैये येसुलाई केन्डे यानैज़्याव।41याइरस उमिन लेव यहुडीरं याडुप्सिने ज़ीःमला टोबो सेःर मी राडे येसुलो ओखङकं उफुलुप्सिव, ङाज़ीःमकं रान वार्डे येसुलाई बिन्ती ओडोव,42कडालेकं नोलो बारं बर्स योव टोबोज़ाज़ मेमा ओज़ा लेव, नो सिने ओपानज़्याव। येसु ओनाज़्याकं मीरं केः-केः छुइसिडे येसुलाई याहुटैज़्याव।43बारं बर्सकामटा झी भोडे डुखं डैज़्याव टोबो मेमा लेव, नोसं जो लेव नो स्यान्टै बैडरासं वासं ओझैसिकं ओखेमो, नोलाई काङ्काये पनि यामसंसमडुज़्याव,44नोये येसुलो उझिनङाम राडे येसुलो ओक्वालो उफुर्का उछुव, होपानाज़ नो मेमालो झी भोने ओसोमो।45येसुये हैओवारो, “ङालाई काङ्काये उछुसोङो?” स्यान्टैये गे माङ्क ची यावारो, होकाम पत्रुस सोनो नोरासं लिज़्यावराई हैयावारो, “गुरबा, माहुले मीराई नङलाई घिरिडे हुटैसंनज़्यारं।”46येसुये हैओवारो, “काङ्काये ङालाई छुडेज़ नैसोङो, कडालेकं सक्ति ङालेवटाम उपुलुव ङा ठा ङासोनो।”47आबो ओल मोःसिडे मालेडुने रोः ठा सन्डे नो मेमा गुये-गुये ओराव होकाम येसुलो ओङाःकं उफुलुप्सिव, होसोनो कडाने नोये येसुलाई उछुव, होकाम कैजैडे होपाना ओसोमो, नो स्यान्टै मीराई याङाःकं ओपानो।48येसुये नोलाई हैओडोव, “ङाज़ा, नबिस्वासये नङलाई ससम्डे नैसोनो, चावसं नान।”49येसु ओपाङज़्याकं, यहुडीरं याडुप्सिने ज़ीःमला सेःर मीलो उज़ीःमङाम टोबो मी ओकेरिव, नोये हैओवारो, “नज़ाके यासिडु। आबो गुरबालाई डुखं टायो।”50येसुये आव ठैडे याइरसलाई हैओडोव, “टाछेङंन, बिस्वासया मान्त्रा डो, नो सम्नेले।”51येसु ज़ीःमकं ओकेरिव पाना येसुये पत्रुस, याकुब, युहन्ना सोनो लुज़ालो ओबाबु सोनो वामारंकाम उरु काङ्कालाई पनि ओल्स ज़ीःम ज्युङलं राव मायोवरंये।52स्यान्टैरं बनै डुखं मानिडे याछाती पिटि-पिटि याघरज़्याव, होकाम येसुये हैओडोवरं, “टाघर्च्यो, नो मासिये, नो के ङःल्डे उलिज़्याव ची।”53नो सिडेले वार्ने सन्डे नोराई येसुलाई यागिल्लोयो।54होकाम येसुये नो लुज़ालो उकुइटं क्योडे ऐवार्डे ओसंपाङो, “ए बची, गोसोङनके।”55होकाम नो लुज़ालो ओपोहोन वोल्डे ओराव, नो पःल ओसोव, होसोनो येसुये नोलाई ज़्याव याच्यो वार्डे ओअरोयोरं।56नोलो वामा-ओबाबुनि अचम्ब नेटाव, होकाम येसुये जो ओटाव हो काङ्कालाई पनि हैटाडाच्योरं वार्डे येसुये नोरंलाई हैओडोवरं।
येसुये सोडे घुइरंलाई ओहक्लोयो, होकाम नो स्यान्टै ठकंनिडे चिम ओटाव।25येसुये नोरंलाई हैओडोवरं,
“जे जिबिस्वास कान्डे ओनाव?” नोरं बनै याछेव, होकाम अचम्ब टाडे या-याज़ ऐ यावारो, “आव काङ्का? आवये बतासं सोनो रीःलाई समं अरैज़्याव, नोराई पनि आवलो ओरोः ठैज़्यारं।”26येसुरं गेरासेनस प्रडेसलं याकेरिव, नो गालील डहंलो ओहोपंटं ले।27येसु डोङ्गाटाम उझिरिव पानाज़ टोबो मीलाई ओडोयो, हो मीलाई भुत लागिव लेव। नोये भ्या समयकामज़ क्वा माक्वाइसिडे उलिज़्याव, होसोनो नो ज़ीःमकं मालेडे नो खाडर लेव पो यालं उलिज़्याव।28नोये येसुलाई ओरोःङो, होकाम कस्सिडे कीःडे येसुलो ओङाःकं फुलुप्सिडे हैओवारो, “ए स्यान्टैराई भन्डा घ्योव परमेस्वरलो ओज़ा येसु, नङ ङासं कडि नयेःन? ङा नङलाई है ङाडान, ङालाई डुखं टायाङ।”29कडालेकं येसुये माचाव आत्मालाई नो मी लेवटाम पुलुडे नान हैडाडे ओनैज़्याव। नोलाई भ्या पाला ज़ भुतये ओटंव। नोलाई याखार्ल नैडे यागुज़्याव। नोलाई साङ्गलये सोनो हलालं झाडे किरंये, नोये नो याकिव साङ्गलरं फ्यावये। भुतये नोलाई कडिज़ मालेव बनलं लाङोये।30येसुये नोलाई ओपजोयो, “नमिन कडि?”
नोये हैओवारो, “फौजी।” कडालेकं भ्या भुतरं नो लेवटं पसिव लेवरं।31गेलाई बुडाव गाङलं टापरिःङसि वार्डे येसुलाई बिन्ती याडोव।32नजिकका डान्डाटं वोराई बनै घ्योव याबगाल यालाज़्याव। होकाम नोराई वोराई लेवटं नाव गयासिके वार्डे येसुलाई बिन्ती याडोव, होकाम येसुये गनाच्योके हैओडोवरं।33होकाम भुतरं नो मी लेवटाम पुलुडे नो वोराई याक्याङटं यानाव, नो वोराई याबगाल उरालाटं ज़ोःडे डहंलं बुडिडे यासिव।34जो ओटाव नो रःङडे वो छानेरं याढोङो, होकाम नाङखार सोनो आसै होसैयाला पो यालं आव रोः हैयावार्नाव।35नलं जो ओटाव नो रःङने मीरं येसु लेवकं याराव, होसोनो जो मी लेवटाम भुतरं यापुलुव, नो मीलाई क्वा क्वाइसिडे सम्डे येसुलो ओङाःकं चुङडे उलिज़्याव याडैरिव, होकाम नोरं बनै याछेव।36रःङने मीराई नो भुतये ओडापो मी कैजैडे ओसोमो वार्डे राने मीरंलाई हैयाडोवरं।37गेरासेनसलो आसै होसैका नाङखारयाला स्यान्टै मीराई येसुलाई गेनाङखारलाम गनानके वार्डे है याडोव, कडालेकं नोरं बनै याछेव। हैजैडे येसु डोङ्गाटं पुलुडे ओवोलो।38जो मी लेवटाम भुतरं यापुलुव, हो मीये “येसुसं नाव ङाडैकं” वार्डे येसुलाई बिन्ती ओडोव। येसुये नोलाई ऐ डाडे उपरिःङो,39“नङ वोल्डे नज़ीःमडे गनाङन्के, होकाम परमेस्वरये नलागिटं खालु घ्योव येःन ओडोव, हो स्यान्टैरंलाई हैडोरं।”
होकाम नो मी ओनाव, येसुये नोलो ओलागिटं खालु घ्योव येःन ओडोव, हो स्यान्टै नाङखार भरि प्रचार ओडोव।40येसु वोल्डे ओराकं माहुले मीराई येसुलाई बनै ओमान डाडे याखुलो, कडावार्क नोरं स्यान्टैये येसुलाई केन्डे यानैज़्याव।41याइरस उमिन लेव यहुडीरं याडुप्सिने ज़ीःमला टोबो सेःर मी राडे येसुलो ओखङकं उफुलुप्सिव, ङाज़ीःमकं रान वार्डे येसुलाई बिन्ती ओडोव,42कडालेकं नोलो बारं बर्स योव टोबोज़ाज़ मेमा ओज़ा लेव, नो सिने ओपानज़्याव। येसु ओनाज़्याकं मीरं केः-केः छुइसिडे येसुलाई याहुटैज़्याव।43बारं बर्सकामटा झी भोडे डुखं डैज़्याव टोबो मेमा लेव, नोसं जो लेव नो स्यान्टै बैडरासं वासं ओझैसिकं ओखेमो, नोलाई काङ्काये पनि यामसंसमडुज़्याव,44नोये येसुलो उझिनङाम राडे येसुलो ओक्वालो उफुर्का उछुव, होपानाज़ नो मेमालो झी भोने ओसोमो।45येसुये हैओवारो, “ङालाई काङ्काये उछुसोङो?” स्यान्टैये गे माङ्क ची यावारो, होकाम पत्रुस सोनो नोरासं लिज़्यावराई हैयावारो, “गुरबा, माहुले मीराई नङलाई घिरिडे हुटैसंनज़्यारं।”46येसुये हैओवारो, “काङ्काये ङालाई छुडेज़ नैसोङो, कडालेकं सक्ति ङालेवटाम उपुलुव ङा ठा ङासोनो।”47आबो ओल मोःसिडे मालेडुने रोः ठा सन्डे नो मेमा गुये-गुये ओराव होकाम येसुलो ओङाःकं उफुलुप्सिव, होसोनो कडाने नोये येसुलाई उछुव, होकाम कैजैडे होपाना ओसोमो, नो स्यान्टै मीराई याङाःकं ओपानो।48येसुये नोलाई हैओडोव, “ङाज़ा, नबिस्वासये नङलाई ससम्डे नैसोनो, चावसं नान।”49येसु ओपाङज़्याकं, यहुडीरं याडुप्सिने ज़ीःमला सेःर मीलो उज़ीःमङाम टोबो मी ओकेरिव, नोये हैओवारो, “नज़ाके यासिडु। आबो गुरबालाई डुखं टायो।”50येसुये आव ठैडे याइरसलाई हैओडोव, “टाछेङंन, बिस्वासया मान्त्रा डो, नो सम्नेले।”51येसु ज़ीःमकं ओकेरिव पाना येसुये पत्रुस, याकुब, युहन्ना सोनो लुज़ालो ओबाबु सोनो वामारंकाम उरु काङ्कालाई पनि ओल्स ज़ीःम ज्युङलं राव मायोवरंये।52स्यान्टैरं बनै डुखं मानिडे याछाती पिटि-पिटि याघरज़्याव, होकाम येसुये हैओडोवरं, “टाघर्च्यो, नो मासिये, नो के ङःल्डे उलिज़्याव ची।”53नो सिडेले वार्ने सन्डे नोराई येसुलाई यागिल्लोयो।54होकाम येसुये नो लुज़ालो उकुइटं क्योडे ऐवार्डे ओसंपाङो, “ए बची, गोसोङनके।”55होकाम नो लुज़ालो ओपोहोन वोल्डे ओराव, नो पःल ओसोव, होसोनो येसुये नोलाई ज़्याव याच्यो वार्डे ओअरोयोरं।56नोलो वामा-ओबाबुनि अचम्ब नेटाव, होकाम येसुये जो ओटाव हो काङ्कालाई पनि हैटाडाच्योरं वार्डे येसुये नोरंलाई हैओडोवरं।
The Word for the World International