लुका23
1स्यान्टै कचरिला मीरं याच्याङसिव, होकाम येसुलाई पिलातस लेवकं यारोयो।2नोराई येसुलाई ऐ वार्डे याडोसोयो, “आव मीये गे गेमीरंलाई छेन्डे ओभर्कैरिज़्यावरं गेरोःङो। आवये कैसरलाई सिरमा पनि फोव मायासिवये, ओल ङाज़ ख्रीस्ट ची, ङा के राजा ची वार्डे है वार्ज़्या।”3पिलातसये येसुलाई ओपजोयो, “होकाम नङ यहुडीराई याराजा रो?”
येसुये जबाफ ओयोव, “नङज़ हैनवार्ज़्या?”4होकाम पिलातसये मुख्या सेवा डोनेरं सोनो होला लेव मीरंलाई हैओडोवरं, “ङा आव मीलो ओगल्ति कडिज़ ङाम्डैये।”5हैनि पनि नोरं बनै जोर डाडे हैयावारो, “आवये स्यान्टै यहुडिया, सोनो गालीललाम रैडे आलं समं मीरंलाई पैडे भर्कैरिज़्यावरं।”6होकाम पिलातसये आव रोः ठैडे, “आव मी गालीलला सै” वार्डे ओपजोयो।7होकाम आव राजा हेरोड उलिज़्यावडेङा मी ची वार्डे ठा सन्डे पिलातसये येसुलाई हेरोड राजा लेवङं उपरिःङो। हो बेलाकं हेरोड ओल पनि यरुसलेमलं लेव।8होकाम येसुलाई रःङडे हेरोड चब्बनै ओरेङो। कडालेकं हेरोडये येसुलो ओबारेलं ठैडेओनैज़्याव। हैजैडे ङाडेःकामज़ हेरोड येसुसं डैसिने सोनो अचम्बला येःन ओडोव रःङने बनै आस डाडे ओनैज़्याव।9हेरोडये येसुलाई बनै भ्या रोःरं ओपजोयो, हैनि पनि येसुये कडि जबाफज़ मायोवये।10मुख्या सेवा डोनेरं सोनो न्याम पैनेराई च्याङसिडे कस्सि-कस्सिडे किःडे येसुलाई याडोसोयो।11हेरोडये उसिफाइँरासं मिलिडे येसुलाई हेलारःङडे माचाव बेहोरा ओडोव, होकाम येसुलाई यागिल्लोयो। होकाम येसुलाई बनै चाव क्वा क्वाइडे पिलातस लेवङ सोवोल्डे उपरिःङो।12हो छ्यामकामज़ पिलातस सोनो हेरोड नि फरि नै-नैनि नेटाव, कडालेकं ङाःडे नोनि नेखार्ल माचाव लेव।13होकाम पिलातसये ङाःडे मुख्या सेवा डोनेरं, सासंन डोनेरं सोनो यहुडीरंकाम उरुका मीरंलाई उडुपोरं।14“पिलातसये नोरंलाई हैओडोवरं जे मीरंलाई सज़िरनेरं वार्डे आवलाई ङा-ङाःकं जेरोयो। जेङाःकंज़ आवलाई ङापजैकं जे आवलाई जेडोसोयोटं ङा आवलो ओडोस ङाम्डैये।15हेरोडये पनि डोस माडोयोये, कडालेकं नोये पनि आवलाई गे लेवडेज़ ओसोवोलो। आवलाई सैःने हाडङका डोसि येःन आवये ओडोव माले।16हैजैडे ङा आवलाई पोःडे याज़ राःड्याने ङाले।”17[निस्तार पर्बटं नोराई यालागिटं टोबो कैती पिलातसये राःड्यानेरं चलन लेव।] 18नोरं स्यान्टै टोबो जोर डाडे याकिःव, “आवलाई सैः बुरु गेलागिटं बारब्बालाई राःड्यासी।”19बारब्बा सहरला मीरंलाई भर्कैने सोनो मीरं सैःने येःनलो ओकारनटं झ्याललं ठुनिसिव लेव।20येसुलाई राःड्याने युङ डाडे पिलातसये नोरंलाई फरि ओसम्झोयोरं।21हैनि पनि नोरं ऐ वार्डे किःवका-किःव यालेव, “क्रुसटं टाङ्गि, नोलाई क्रुसटं टाङ्गि।”22होकाम नोये सोङ्खेपका फरि नोरंलाई हैओडोवरं, “कडा? आव मीये माचाव येःन कडि डाडे ओनैज़्याव ड? ङा के आवलाई सैःनेहाढङ्का डन्ड याने कडि ओकारनज़ ङाम्डैये, हैजैडे ङा आवलाई पोःडे याज़ राःड्याने ङाले।”23हैनि पनि नोरं कस्सि-कस्सिडे कीःडे येसुलाई क्रुसटं टाङगिनेज़ ची वार्डे हैयावारो। नोराई हैयावारोज़ ओटाव।24होकाम पिलातसये नोराई हैयावारोज़ झैड्यानेरं फासिला ओसठोयोरं।25पिलातसये बारब्बालाई ओराःड्योवरं, नो मी मीरंलाई भर्कैनेरं सोनो मीरंलाई सैःने येःनटं डोसी टाडे झ्याललं नाव लेव। नोलाईज़ राःड्यासी वार्डे नोराई हैयावारो। हैनि पनि येसुलाई पिलातसये नो मीराई याइछ्यालं सुम्पीडे ओयोवरं।26नोराई येसुलाई नलाम यालाङ्क येम्ट नाङखारलाम राज़्याव कुरेनीला लेने सिमोन उमिन लेव टोबो मीलाई क्योःडे क्रुस सुघुर्डे येसुलो उछिन-उछिन नाव यापरिःङो।27चब्बनै भ्या मीरं येसुलो उछिन-उछिन यानाव, होलं मेमारं पनि लेवरं, नोरं डुखि टाडे बनै याघर्ज़्याव।28नोरं लेवडे न्याःडे येसुये हैओडोवरं, “यरुसलेमलो ओज़ारं, ङालागिटं टाघर्च्यो। जे जेलागिटं सोनो जेज़ाराई यालागिटं घर्च्यो।29कडालेकं नो बेला रारिज़्या, होकाम मीराई हैवार्ने लेरं, ‘बान्जिनीरं, याज़ा माझैनेरं सोनो नुन सोवैने याज़ा मालेव मेमारं ओरेङरंकं।’30नोराई, घ्यो-घ्योव डान्डारंलाई ‘गेतर्ट टेःन’ होसोनो डान्डारंलाई ‘गेलाई राल्सि’ डोने लेरं।31कडालेकं नोरं काचो सिङलाईज़ ऐ झैज़्यारं, ओठङकं कै झैरं के?”32नोराई नेबऱ्याङ अपराडिनीलाई पनि येसुसं सैःने यालाङोरं।33नोरं खप्परे याडोज़्याव डान्डाटं केडे येसुलाई क्रुसटं याटाङगिव, होकाम नेबऱ्याङ अपराडिनीलाई पनि टोबोलाई येसुकाम वोःरडे छुटंलाई डाबऱ्याडे क्रुसटं याटाङगिव।34होकाम येसुये हैओवारो, “ए बाबु, आवरंलाई छेमा डोरं, कडालेकं आवरं कडि याडोज़्याव हो मासनरंये।” होकाम नोराई येसुलो ओक्वा गोला झाडे याभाव।35मीरं च्याङसिडे यारःङज़्याव। न्याम पैने अगंवाराई येसुलाई ख्याल डाडे हैयाडोव, “आवये उरुरंलाई ओजोगोयोरं, आव परमेस्वरलो उख्रीस्ट होसोनो परमेस्वरये उरुजिव मी टावसं आवये ओल्लाईज़ गबचोयोकं।”36सिफाइँरं पनि राडे येसुलाई स्युरो मड्ड याडे ऐ वार्डे यागिल्लोयो,37“नङ यहुडीराई याराजा टावसं नङलाईज़ गबचैके।”38“आव यहुडीराई याराजा” वार्ने डोस पाटी येसुलो ओङैः तरसैज़ाकं लेव।39क्रुसटा टाङ्गिसिव अपराडिनिङाम टोबो अपंराडिये येसुलाई गिल्लैडे हैओवारो, “होकाम नङ ख्रीस्ट माङ्क डोरो? नङ नङलाई पनि बचै, गिनलाई पनि बचैसी।”40हैनि पनि नो टोबो अपराडिलाई हक्लैडे छुटं अपंराडिये हैओवारो, “नङ पनि आव डन्डलंज़ परिडे नले, हैनि पनि परमेस्वरलो ओछ्या नम्डोयेरो?41गिन गेडन्ड के निया अनंसारज़ लिज़्या, कडालेकं गिन के गेडोव येःनलो ओयेः गेडैज़्या, हैनि पनि आव मीये के माचाव येःन कडिज़ माडोवये।”42होकाम नोये हैओवारो, “ए येसु, नङ नराज्यलं नराकं ङालाई चेटैसंङ।”43येसुये नोलाई हैओडोव, “ङा नङलाई डस्साज़ हैङाडानज़्या, आछिमज़ नङ ङासं सुखं लेव पोलं लेने नले।”44लाकं बार बजेयाकाम तीन बजे समं स्यान्टै डेसलाई अन्ड्यारोये ओकपो।45निमीलो उज्यालोज़ कम ओटाव, प्रार्ठना डोने ज़ीःमला क्वालो बार ओमान्जलाम चिडे नेफेसा ओटाव।46कस्सिडे किःडे येसुये हैओवारो, “ए बाबु, ङा ङाआत्मा नकुइटं ङासुम्पि।” आडङ पाङ्डे येसुलो ओसं ओफ्याव।47नो स्यान्टै घटना ओटाव रःङडे कप्तानये ऐ वार्डे परमेस्वरलो ओमहिमा ओडोव, “पक्काज़ आव मी सहि ओलेव लेव।”48आव ओटाव रःङडे होला डुप्सिव स्यान्टै मीराई याछाती पिटिडे ज़ीःम्डे यावोलो।49हैनि पनि येसुलाई सःरेनेरं सोनो गालीललाम येसुलो उझिन्ट राने मेमारं टाडाङाम च्याङसिडे नो स्यान्टै घटनारं रःङडेज़ यानोयो।50योसेफ उमिन लेव टोबो चाव सहि मी लेव। नो घ्योव कचरिला सडस्या पनि लेव।51होराई यासल्ला सोनो यायेःनटं नो सामेल मालेव। नो यहुडीराई अरिमाठिया याडोज़्याव सहरला मी लेव। नोये परमेस्वरलो ओराज्य राने बेला ओकेनज़्याव।52नोये पिलातस लेवङ नाडे येसुलो ओक्याङ उनीःव,53येसुलो ओक्याङ नाम्ल झारैडे नपो क्वाटं ओपोव होकाम पहरटं खुपिडे झैसिव टोबो खाडरलं ओनोयो, नलं खर्क काङ्कालाईज़ नैसिव मालेव।54नो छ्याम तयार टाने डिन लेव, होकाम नाःसिने डिन पनि सुरु ओटारिज़्याव।55गालीललाम येसुसं राव मेमारं उछिन-उछिन यानाव, होकाम हो खाडर यारोःङो, होलं येसुलो ओक्याङ कैजैडे यानोयो हो यारोःङो।56होकाम वोल्डे नाडे चाव मङ-मङ बासिने बस्त सोनो अत्तर तयार याझोयो। होकाम न्यामटा आग्या अनंसार नाःसिने छ्याम नोरं यानाःसिव।
येसुये जबाफ ओयोव, “नङज़ हैनवार्ज़्या?”4होकाम पिलातसये मुख्या सेवा डोनेरं सोनो होला लेव मीरंलाई हैओडोवरं, “ङा आव मीलो ओगल्ति कडिज़ ङाम्डैये।”5हैनि पनि नोरं बनै जोर डाडे हैयावारो, “आवये स्यान्टै यहुडिया, सोनो गालीललाम रैडे आलं समं मीरंलाई पैडे भर्कैरिज़्यावरं।”6होकाम पिलातसये आव रोः ठैडे, “आव मी गालीलला सै” वार्डे ओपजोयो।7होकाम आव राजा हेरोड उलिज़्यावडेङा मी ची वार्डे ठा सन्डे पिलातसये येसुलाई हेरोड राजा लेवङं उपरिःङो। हो बेलाकं हेरोड ओल पनि यरुसलेमलं लेव।8होकाम येसुलाई रःङडे हेरोड चब्बनै ओरेङो। कडालेकं हेरोडये येसुलो ओबारेलं ठैडेओनैज़्याव। हैजैडे ङाडेःकामज़ हेरोड येसुसं डैसिने सोनो अचम्बला येःन ओडोव रःङने बनै आस डाडे ओनैज़्याव।9हेरोडये येसुलाई बनै भ्या रोःरं ओपजोयो, हैनि पनि येसुये कडि जबाफज़ मायोवये।10मुख्या सेवा डोनेरं सोनो न्याम पैनेराई च्याङसिडे कस्सि-कस्सिडे किःडे येसुलाई याडोसोयो।11हेरोडये उसिफाइँरासं मिलिडे येसुलाई हेलारःङडे माचाव बेहोरा ओडोव, होकाम येसुलाई यागिल्लोयो। होकाम येसुलाई बनै चाव क्वा क्वाइडे पिलातस लेवङ सोवोल्डे उपरिःङो।12हो छ्यामकामज़ पिलातस सोनो हेरोड नि फरि नै-नैनि नेटाव, कडालेकं ङाःडे नोनि नेखार्ल माचाव लेव।13होकाम पिलातसये ङाःडे मुख्या सेवा डोनेरं, सासंन डोनेरं सोनो यहुडीरंकाम उरुका मीरंलाई उडुपोरं।14“पिलातसये नोरंलाई हैओडोवरं जे मीरंलाई सज़िरनेरं वार्डे आवलाई ङा-ङाःकं जेरोयो। जेङाःकंज़ आवलाई ङापजैकं जे आवलाई जेडोसोयोटं ङा आवलो ओडोस ङाम्डैये।15हेरोडये पनि डोस माडोयोये, कडालेकं नोये पनि आवलाई गे लेवडेज़ ओसोवोलो। आवलाई सैःने हाडङका डोसि येःन आवये ओडोव माले।16हैजैडे ङा आवलाई पोःडे याज़ राःड्याने ङाले।”17[निस्तार पर्बटं नोराई यालागिटं टोबो कैती पिलातसये राःड्यानेरं चलन लेव।] 18नोरं स्यान्टै टोबो जोर डाडे याकिःव, “आवलाई सैः बुरु गेलागिटं बारब्बालाई राःड्यासी।”19बारब्बा सहरला मीरंलाई भर्कैने सोनो मीरं सैःने येःनलो ओकारनटं झ्याललं ठुनिसिव लेव।20येसुलाई राःड्याने युङ डाडे पिलातसये नोरंलाई फरि ओसम्झोयोरं।21हैनि पनि नोरं ऐ वार्डे किःवका-किःव यालेव, “क्रुसटं टाङ्गि, नोलाई क्रुसटं टाङ्गि।”22होकाम नोये सोङ्खेपका फरि नोरंलाई हैओडोवरं, “कडा? आव मीये माचाव येःन कडि डाडे ओनैज़्याव ड? ङा के आवलाई सैःनेहाढङ्का डन्ड याने कडि ओकारनज़ ङाम्डैये, हैजैडे ङा आवलाई पोःडे याज़ राःड्याने ङाले।”23हैनि पनि नोरं कस्सि-कस्सिडे कीःडे येसुलाई क्रुसटं टाङगिनेज़ ची वार्डे हैयावारो। नोराई हैयावारोज़ ओटाव।24होकाम पिलातसये नोराई हैयावारोज़ झैड्यानेरं फासिला ओसठोयोरं।25पिलातसये बारब्बालाई ओराःड्योवरं, नो मी मीरंलाई भर्कैनेरं सोनो मीरंलाई सैःने येःनटं डोसी टाडे झ्याललं नाव लेव। नोलाईज़ राःड्यासी वार्डे नोराई हैयावारो। हैनि पनि येसुलाई पिलातसये नो मीराई याइछ्यालं सुम्पीडे ओयोवरं।26नोराई येसुलाई नलाम यालाङ्क येम्ट नाङखारलाम राज़्याव कुरेनीला लेने सिमोन उमिन लेव टोबो मीलाई क्योःडे क्रुस सुघुर्डे येसुलो उछिन-उछिन नाव यापरिःङो।27चब्बनै भ्या मीरं येसुलो उछिन-उछिन यानाव, होलं मेमारं पनि लेवरं, नोरं डुखि टाडे बनै याघर्ज़्याव।28नोरं लेवडे न्याःडे येसुये हैओडोवरं, “यरुसलेमलो ओज़ारं, ङालागिटं टाघर्च्यो। जे जेलागिटं सोनो जेज़ाराई यालागिटं घर्च्यो।29कडालेकं नो बेला रारिज़्या, होकाम मीराई हैवार्ने लेरं, ‘बान्जिनीरं, याज़ा माझैनेरं सोनो नुन सोवैने याज़ा मालेव मेमारं ओरेङरंकं।’30नोराई, घ्यो-घ्योव डान्डारंलाई ‘गेतर्ट टेःन’ होसोनो डान्डारंलाई ‘गेलाई राल्सि’ डोने लेरं।31कडालेकं नोरं काचो सिङलाईज़ ऐ झैज़्यारं, ओठङकं कै झैरं के?”32नोराई नेबऱ्याङ अपराडिनीलाई पनि येसुसं सैःने यालाङोरं।33नोरं खप्परे याडोज़्याव डान्डाटं केडे येसुलाई क्रुसटं याटाङगिव, होकाम नेबऱ्याङ अपराडिनीलाई पनि टोबोलाई येसुकाम वोःरडे छुटंलाई डाबऱ्याडे क्रुसटं याटाङगिव।34होकाम येसुये हैओवारो, “ए बाबु, आवरंलाई छेमा डोरं, कडालेकं आवरं कडि याडोज़्याव हो मासनरंये।” होकाम नोराई येसुलो ओक्वा गोला झाडे याभाव।35मीरं च्याङसिडे यारःङज़्याव। न्याम पैने अगंवाराई येसुलाई ख्याल डाडे हैयाडोव, “आवये उरुरंलाई ओजोगोयोरं, आव परमेस्वरलो उख्रीस्ट होसोनो परमेस्वरये उरुजिव मी टावसं आवये ओल्लाईज़ गबचोयोकं।”36सिफाइँरं पनि राडे येसुलाई स्युरो मड्ड याडे ऐ वार्डे यागिल्लोयो,37“नङ यहुडीराई याराजा टावसं नङलाईज़ गबचैके।”38“आव यहुडीराई याराजा” वार्ने डोस पाटी येसुलो ओङैः तरसैज़ाकं लेव।39क्रुसटा टाङ्गिसिव अपराडिनिङाम टोबो अपंराडिये येसुलाई गिल्लैडे हैओवारो, “होकाम नङ ख्रीस्ट माङ्क डोरो? नङ नङलाई पनि बचै, गिनलाई पनि बचैसी।”40हैनि पनि नो टोबो अपराडिलाई हक्लैडे छुटं अपंराडिये हैओवारो, “नङ पनि आव डन्डलंज़ परिडे नले, हैनि पनि परमेस्वरलो ओछ्या नम्डोयेरो?41गिन गेडन्ड के निया अनंसारज़ लिज़्या, कडालेकं गिन के गेडोव येःनलो ओयेः गेडैज़्या, हैनि पनि आव मीये के माचाव येःन कडिज़ माडोवये।”42होकाम नोये हैओवारो, “ए येसु, नङ नराज्यलं नराकं ङालाई चेटैसंङ।”43येसुये नोलाई हैओडोव, “ङा नङलाई डस्साज़ हैङाडानज़्या, आछिमज़ नङ ङासं सुखं लेव पोलं लेने नले।”44लाकं बार बजेयाकाम तीन बजे समं स्यान्टै डेसलाई अन्ड्यारोये ओकपो।45निमीलो उज्यालोज़ कम ओटाव, प्रार्ठना डोने ज़ीःमला क्वालो बार ओमान्जलाम चिडे नेफेसा ओटाव।46कस्सिडे किःडे येसुये हैओवारो, “ए बाबु, ङा ङाआत्मा नकुइटं ङासुम्पि।” आडङ पाङ्डे येसुलो ओसं ओफ्याव।47नो स्यान्टै घटना ओटाव रःङडे कप्तानये ऐ वार्डे परमेस्वरलो ओमहिमा ओडोव, “पक्काज़ आव मी सहि ओलेव लेव।”48आव ओटाव रःङडे होला डुप्सिव स्यान्टै मीराई याछाती पिटिडे ज़ीःम्डे यावोलो।49हैनि पनि येसुलाई सःरेनेरं सोनो गालीललाम येसुलो उझिन्ट राने मेमारं टाडाङाम च्याङसिडे नो स्यान्टै घटनारं रःङडेज़ यानोयो।50योसेफ उमिन लेव टोबो चाव सहि मी लेव। नो घ्योव कचरिला सडस्या पनि लेव।51होराई यासल्ला सोनो यायेःनटं नो सामेल मालेव। नो यहुडीराई अरिमाठिया याडोज़्याव सहरला मी लेव। नोये परमेस्वरलो ओराज्य राने बेला ओकेनज़्याव।52नोये पिलातस लेवङ नाडे येसुलो ओक्याङ उनीःव,53येसुलो ओक्याङ नाम्ल झारैडे नपो क्वाटं ओपोव होकाम पहरटं खुपिडे झैसिव टोबो खाडरलं ओनोयो, नलं खर्क काङ्कालाईज़ नैसिव मालेव।54नो छ्याम तयार टाने डिन लेव, होकाम नाःसिने डिन पनि सुरु ओटारिज़्याव।55गालीललाम येसुसं राव मेमारं उछिन-उछिन यानाव, होकाम हो खाडर यारोःङो, होलं येसुलो ओक्याङ कैजैडे यानोयो हो यारोःङो।56होकाम वोल्डे नाडे चाव मङ-मङ बासिने बस्त सोनो अत्तर तयार याझोयो। होकाम न्यामटा आग्या अनंसार नाःसिने छ्याम नोरं यानाःसिव।
The Word for the World International