लुका15
1सिरमा डुप्नेरं सोनो पापीरं स्यान्टै येसुलो ओपाङ ठैने येसुलेवकं याराज़्याव।2“आव मीये के पापीरंलाई पनि सहिज़्यावरं, होकाम नोरासं ज़्याने ओँने डोज़्याव” वार्डे फरिसीरं सोनो न्याम पैनेरं गनगन यालेव।3होकाम येसुये नोरंलाई आव सात्रो हैओडोवरं,4“जे मड्डेलाम काङ्का ची जेटा के ड, टसय भेडारंलाम टोबो ओङोइकं उनान्सै भेडारंलाई बनलंज़ ख्यानैडे माःव भेडालाई ओमडैया समं हो भेडा माखिमो के?5ङोयो भेडालाई डैडे बनै रेङडे उपुमटं छेनोये,6होकाम ज़ीःमकं राडे ओनैरं सोनो उछिमेकीरंलाई खुलोरं, होकाम होरंलाई हैडोवरं, ‘ङासं रेङच्यो, कडालेकं ङोयो ङाभेडा डैडेङानै।’7ङा जेलाई हैङाडाच्यो, हैजैडेज़ यापापलाम मावोल्ने उनान्सै जना न्यामलं बाने मीराई भन्डा ओपापलाम वोल्ने टोबो पापीलो ओलागिटं स्वर्गटं बनै आनन्ड टानेले।”8“काङ्का मेमा ची टाकेडं जोलो डस गोटा चान्डीलो ओढ्याकरंलाम टोबो यासोङोयोखे भने हो ओमडैया समं भाङ खाङडे ज़ीःम सिडे मेहेनतसं माखिमोके?9होये ङोयो ओढ्याक डैडे ओनैरं सोनो उछिमेकीरंलाई खुल्डे हैडोवरंये, ‘ङासं रेङच्यो, कडालेकं ङा ङोयो ङाढ्याक डैडेङानै।’10ङा जेलाई हैङाडाच्यो, हैजैडेज़ टोबो पापलाम वोल्ने पापीलो ओलागिटं परमेस्वरलो स्वर्गटा ओकटंवालराई याङाःकं आनन्ड टाये।”11येसुये हैओवारो, “टोबो मीलो नेबऱ्याङ खेपाओज़ानि लेवनि।12कान्छाये ओबाबुलाई हैओडोव, ‘बाबु, ङालाई ङाभागलं परिने ङाढन सम्पति गयाङ्के।’ होकाम होये ओढन सम्पति ओज़ानिलाई भाडे ओयोवनि।”13“जामा डिनका कान्छा ओज़ाये ओसम्पति सिप्डे टाडाङा टोबो डेसलं ओनाव, होकाम होलं मोज मजाकला उजीबन बिठैडे स्यान्टै ओसम्पति ओखेमो।14होये स्यान्टै ओढन पैसा खेम्डेओनैज़्याव। हो बेलाकंज़ नो डेसलं बनै घ्योव अनिकाल टाडे नोलाई ज़्याने ओँने माडुमने ओटाव।15होकाम नोये नो डेसला टोबो मी लेवकं नाडे येःन उनीःव। हो मीये नोलाई ओयेःङलं वोरं छाने येःन ओयोव।16नोलाई काङ्कायेज़ कडि पनि मायोरंये, होकाम नोये वोराई याचारोलाम सेम्बेलो ओफोपोटा ज़्याडे उफु सवाङने पानोये।”17नोलो ओचेतं ओराव पाना, “नोये ऐ ओवारो, ‘ङाबाबुलो बनै भ्या ओनौकरराई याफु टसि ज़्याडे पनि येःलये, हैनि पनि ङा आलं ङाकरेये सिने ङापानज़्या।18ङा ङाबाबु लेवङ ङाना, होकाम बाबुलाई हैङाडो, बाबु, ङा स्वर्गलो उबिरोडलं सोनो नङाःकं पाप डोडेङानै।19आबोकाम ङा नज़ा ची हैवार्ने हाडङका ङाम्ले। ङालाई टोबो ननौकर स्यानाव झैडे नैसङ।’”20होकाम नो च्याङसिडे ओबाबु लेवङ ओनाव।
“हैनि पनि नो बनै टाडाङंज़ उलिज़्याकं ओबाबुये ओरोःङो, होकाम बनै उयुङ ओनाव, होकाम ज़ोनाडे होलाई उकुइये नारिडे म्वाइ ओडोव।”21“ओज़ाये होलाई हैओडोव, ‘बाबु, ङा स्वर्गलो उबिरोडलं सोनो नङाःकं पाप डोडेङानै। आबो ङा नज़ा ची वार्ने हाडङका ङाम्ले।’”22हैनि पनि ओबाबुये ओनौकररंलाई हैओडोवरं, “चानो आवलाई स्यान्टैराई भन्डा चाव क्वा रैडे क्वाइच्यो। आवलो उकुइटं उन्ठि, सोनो ओखङटं पनै सजाच्यो23होकाम टोबो सोयो मार पलच्यो, होकामटानि ज़्याडे ओँडे गेरेङके।24कडालेकं आव ङाज़ा सिव लेव, फरि ज्युङडा टाडेले, ङोयो लेव, डैडेङानै।” होकाम नोरं बनै यारेङो।25“होबेलाकं नोलो जेठा ओज़ा येःङलं उलिज़्याव, होकाम हो ज़ीःम छ्योकं ओकेराकं यास्याःज़्याव, गीतं यागैज़्याव ओठोयो।26नोये टोबो नौकरलाई ओछ्योकं खुल्डे ‘आव कडि याझैज़्याव?’ वार्डे ओपजोयो।27होये नोलाई हैओडोव, ‘नभाइ राडेले, होकाम नबाबुये ङाडे ओनैज़्याव सोयो मार पल्डेनोयो। कडालेकं नबाबुये नभाइलाई चाव गराङो वोल्डे ओराव ओरोःङो।’”28“होकाम नो रिसिडे ज़ीःमलं नाने माभनये, होकाम ओबाबुये पाखाङ राडे नोलाई बिन्ती डाडे ओसम्झोयो।29हैनि पनि नोये ओबाबुलाई हैओडोव, ‘रःङखेने, आढङ बर्स समं ङा नसेवा ङाडोज़्या, नअरैसोङो येःन स्यान्टैज़ ङाडोये, हैजैडे पनि नङ ङालाई ङानैरासं खुसि मानिने लागिटं टोबो पाठा पनि खर्कज़ नमयाङये।30हैनि पनि स्यान्टै नसम्पति लाङडे बेस्यारासं ओडैडे राने आव नज़ा ओराकं नोलो ओलागिटं ङाडे ननैज़्याव सोयो मार पल्डे नयोखे।’”31“होकाम ओबाबुये जेठा ओज़ालाई हैओडोव, ‘ङाज़ा, नङ के एकसप्ड्या ङासंज़ नलिज़्या, होकाम स्यान्टै ङासम्पति नमीज़ ची।32हैनि पनि गे खुसि टाडे आनन्ड मानिने ठीकंज़, कडालेकं आव नभाइ सिडे उलिज़्याव, फरि ज्युङडा टाडेले, ङोयो लेव डैडेगेनै।’”
“हैनि पनि नो बनै टाडाङंज़ उलिज़्याकं ओबाबुये ओरोःङो, होकाम बनै उयुङ ओनाव, होकाम ज़ोनाडे होलाई उकुइये नारिडे म्वाइ ओडोव।”21“ओज़ाये होलाई हैओडोव, ‘बाबु, ङा स्वर्गलो उबिरोडलं सोनो नङाःकं पाप डोडेङानै। आबो ङा नज़ा ची वार्ने हाडङका ङाम्ले।’”22हैनि पनि ओबाबुये ओनौकररंलाई हैओडोवरं, “चानो आवलाई स्यान्टैराई भन्डा चाव क्वा रैडे क्वाइच्यो। आवलो उकुइटं उन्ठि, सोनो ओखङटं पनै सजाच्यो23होकाम टोबो सोयो मार पलच्यो, होकामटानि ज़्याडे ओँडे गेरेङके।24कडालेकं आव ङाज़ा सिव लेव, फरि ज्युङडा टाडेले, ङोयो लेव, डैडेङानै।” होकाम नोरं बनै यारेङो।25“होबेलाकं नोलो जेठा ओज़ा येःङलं उलिज़्याव, होकाम हो ज़ीःम छ्योकं ओकेराकं यास्याःज़्याव, गीतं यागैज़्याव ओठोयो।26नोये टोबो नौकरलाई ओछ्योकं खुल्डे ‘आव कडि याझैज़्याव?’ वार्डे ओपजोयो।27होये नोलाई हैओडोव, ‘नभाइ राडेले, होकाम नबाबुये ङाडे ओनैज़्याव सोयो मार पल्डेनोयो। कडालेकं नबाबुये नभाइलाई चाव गराङो वोल्डे ओराव ओरोःङो।’”28“होकाम नो रिसिडे ज़ीःमलं नाने माभनये, होकाम ओबाबुये पाखाङ राडे नोलाई बिन्ती डाडे ओसम्झोयो।29हैनि पनि नोये ओबाबुलाई हैओडोव, ‘रःङखेने, आढङ बर्स समं ङा नसेवा ङाडोज़्या, नअरैसोङो येःन स्यान्टैज़ ङाडोये, हैजैडे पनि नङ ङालाई ङानैरासं खुसि मानिने लागिटं टोबो पाठा पनि खर्कज़ नमयाङये।30हैनि पनि स्यान्टै नसम्पति लाङडे बेस्यारासं ओडैडे राने आव नज़ा ओराकं नोलो ओलागिटं ङाडे ननैज़्याव सोयो मार पल्डे नयोखे।’”31“होकाम ओबाबुये जेठा ओज़ालाई हैओडोव, ‘ङाज़ा, नङ के एकसप्ड्या ङासंज़ नलिज़्या, होकाम स्यान्टै ङासम्पति नमीज़ ची।32हैनि पनि गे खुसि टाडे आनन्ड मानिने ठीकंज़, कडालेकं आव नभाइ सिडे उलिज़्याव, फरि ज्युङडा टाडेले, ङोयो लेव डैडेगेनै।’”
The Word for the World International