ABAROOMA15
Kuneezeeza Abandi Atari Ukwineezeeza
1Twebwe abakomeye mu kwizeera tugomba kwihangaanira abafite intege nke mu kwizeera, ntitwineezeeze ubwacu.2Buri muntu muri twe aneezeeze mugenzi we, ashaake ibyiza bimugirira akamaro bikamwubaka mu kwizeera.3Kuko na Kristo ubwe ntiyiishaakiye ibimuneezeeza, ahuubwo byamubeereye nk'uko ibyanditswe bivuga biti, “Ibitutsi baagututse ni nje byahamye.”4Ibyanditswe mbere byose byandikiwe kutwigiisha kugira ngo kwihangaana no guhuumurizwa dukuura muri byo biduheeshe kwiringira ibizaaba.5Nuuko Imaana ari yo sooko yo kwihangaana no guhuumuriza, ibahe guhuuza imitima mukurikije urugero rwa Kristo Yesu,6kugira ngo mwese hamwe no mu ijwi rimwe muheeshe ikuzo Imaana Se w'Umwami waacu Yesu Kristo.Inkuru Nziiza ku Bantu Boose
7Nuuko reero buri muntu aje yaakiira mugenzi we nk'uko na Kristo ubwe yabaakiiriye kugira ngo biheeshe Imaana icuubahiro.8Ndababwira yuuko Kristo yabaaye umuheereza w'Abayuuda, kugira ngo yeerekane ubudahemuka bw'Imaana, mu gusohoza amaseezerano yagiriye ba seekuruza.9Kwari ukugira ngo abanyamahanga baheeshe Imaana icuubahiro ku bw'imbabazi yabagiriye. Nk'uko ibyanditswe bivuga ngo,“Nzaagusingiza mu banyamahanga,kandi nzaakuririmbira indirimbo z'ishimwe.”10Kandi ngo,“Mwa banyamahanga mwese mwe, nimwishiimane n'abantu baayo.”11Kandi ngo,“Mwa banyamahanga mwese mwe, nimusingize Nyagasani,abantu b'amooko yoose nibamusingize!”12Yesaaya na we yarabisongeye ati,“Umuntu ukomooka mu muryango wa Yese azaaza,azaaza gutegeka abanyamahanga,ni we abanyamahanga baziiringira.”13Imaana nyir'ibyiringiro ibuuzuzemo ibyishiimo n'amahoro muheeshwa no kwemera, kugira ngo mubone kwiringira ku bw'imbaraga z'Umwuka Weera.Impamvu Pawulo Yanditse Ashize Amanga
14Bavandimwe, njeewe ubwanje ndeemezwa ko mwebwe ubwanyu mwuzuye kugira neeza, mwuzuye ubumenyi bwose kandi ko mushobora no kwigiishanya.15Icakora hamwe na hamwe muri uru rwandiko nanditse nshize amanga mbiibutsa ku bw'ubuntu bw'Imaana nahaawe,16bwo kuba umukozi wa Yesu Kristo mu banyamahanga nk'umuheerezabitambo watumwe kubwiriza Ubutumwa Bwiza bw'Imaana, kugira ngo abo banyamahanga babone uko baaba ituuro ryemerwa n'Imaana kandi ryejejwe n'Umwuka Weera.17Ni yo mpamvu reero niiraata mu murimo nkorera Imaana mbishobojwe no kuba muri Yesu Kristo.18Ni ukuri sinaatinyuka kugira ico mvuga uretse ibyo Kristo yankoreesheje ngo abanyamahanga bumvire Imaana. Yabikoze mu magambo yanje ndetse no mu bikorwa byanje,19mu mbaraga z'ibimenyeetso n'ibitangaaza kandi no mu mbaraga z'Umwuka w'Imaana. Bityo reero kuva i Yerusaalemu ukiitooroora ukagera muri Iluriko, nahaamamaje Ubutumwa Bwiza bwa Kristo.20Inteego naharaniye kwari ukwamamaza Ubutumwa Bwiza mu bice byo izina rya Kristo ritaari ryakamenyekanyemo, kugira ngo ntuubaka ku rufatiro rwashizweho n'undi.21Nk'uko ibyanditswe bivuga ngo,“Abataariigeze babwirwa ibye bazaabimenya,abataariigeze bamwumva bazaamusobaanukirwa.”Imigambi ya Pawulo yo Kuja i Rooma
22Ku bw'umurimo wo ku bwiriza muri ibyo bice, ni yo mpamvu yambujije kenshi kuuza iwaanyu.23Ariko noone ubwo ndangije umurimo nari mfite mu bice by'ino, nkaba kandi nariifuuje igihe kireekire kuuza iwaanyu,24nooneho, ubwo nzaaba nja muri Sipaniya, niiringira ko nzaabanyuraho nkabasuura, kandi namwe mukampa impamba mu rugendo maze kuneezeezwa no kubazindukira akaanya gato.25Icakora, ubu ngiiye i Yerusaalemu njaaniye abeemera baaho ubufasha.26Kuko amatoorero y'i Makedooniya na Akaya biiyemeje gusorooza imfashanyo zo gufashiisha abakene bo mu beemera b'i Yerusaalemu.27Biishiimiye kubikora, kandi koko baari bafite umwenda wo kubikora. Byari bikwiriye, kuko ubwo Abayuuda basangiye n'abanyamahanga imigisha iva ku Mwuka w'Imaana, na bo bafite umwenda wo gusangira na bo ibyiza imibiri yaabo ikeneye.28Ubwo nzaaba maze kubashikiriza ibyo baashorooje byose, nzaavayo nyure iwaanyu nje i Sipaniya.29Kandi nzi yuuko ninza kubasuura nzaabaazanira umugisha ugwiriye wa Kristo.30Bavandimwe, ndabiihanangiririza ku bwa Nyagasani Yesu Kristo n'urukundo ruva ku Mwuka w'Imaana ngo mumfashe mu masengeesho munsabira ku Maana.31Munsengere, Imaana indinde abo muri Yudeeya batiizeera kandi n'imfashanyo njaanye i Yerusaalemu yakiirwe neeza n'abantu b'Imaana.32Bityo reero nzaashobore kuuza iwaanyu mfite umuneezeero maze Imaana niibishaaka mbone kuruhuuka turi kumwe.33Imaana ari yo sooko y'amahoro, ibaane namwe mwese! Amiina.Bible Society of Uganda