IBYAHISHUUWE19
Kuneezeerwa mu Ijuru
1Haanyuma yo kuvuga kwa malayika w'igihangange, numva ikimeze nk'amajwi arenga y'inteeko y'abantu mu ijuru, bavuga bati, “Nihasingizwe Imaana! Agakiza, icuubahiro, n'ububaasha ni iby'Imaana yaacu.2Ubucaamanza bwayo ni ubw'ukuri n'ubutabeera. Yaciiriye urubanza ya ndaaya y'icaamamare yahumanyije abo mu isi n'ubusambanyi bwayo. Imaana yayihannye kuko yiishe abagaragu baayo.”3Barongera bati, “Ni hasingizwe Imaana! Umwotsi uva muri iyi tawuni y'icaamamare uzaacumbeeka iteeka ryose!”4Nuuko ba bakuru makumyabiri na bane na bya binyabuzima bine barapfukama maze baramya Imaana yiicaye ku ntebe y'ubwami, bavuga bati, “Amiina. Nihasingizwe Imaana!”Ubukwe bw'Umwana w'Intaama
5Nuuko ijwi rirenga rituruka kuri ya ntebe y'ubwami rivuga riti, “Nimusingize Imaana yaacu, mwa bagaragu baayo mwese mwe, namwe abayuubaha, abooroheje n'abakomeye!”6Nuuko numva ikimeze nk'ijwi ry'inteeko y'abantu benshi, n'irimeze nk'iry'amaazi menshi n'irimeze nk'inkuba ihinda caane, rivuga riti, “Nihasingizwe Imaana! Kuko Nyagasani Imaana yaacu, Ishoborabyose iri ku ngoma.7Nitwishiime tuneezeerwe kandi tumuhimbaaze, kuko ubukwe bw'Umwana w'Intaama busohoye, kandi n'umugeni we akaba yiiteguuye.8Yahaawe kwambara umwenda mwiza w'agaciiro urabagirana kandi utanduye.” (Koko reero uwo mwenda mwiza w'agaciiro ni ibikorwa byiza by'abantu b'Imaana.)9Nuuko malayika arambwira ati, “Andika uti, ‘Hahiirwa abatumiwe mu bukwe bw'Umwana w'Intaama.’ ” Maze yongera kumbwira ati, “Aya ni amagambo y'ukuri y'Imaana.”10Nuuko mfukama imbere ye ngo muramye, ariko arambwira ati, “Reka, ntuubikore! Ndi umugaragu mugenzi waawe hamwe n'abo bavandimwe bamamaza ukuri ko Yesu yagaragaje. Ahuubwo Imaana abe ari yo uramya!Koko reero, ubuhamya bwa Yesu ni umwuka w'ubuuhanuuzi.”
Uwiicaye ku Faraashi y'Umweru
11Haanyuma mbona ijuru rikinguuye, maze mbona ifaraashi y'umweru! Uwari uyiicayeho yiitwa Mudahemuka na Munyakuri, kandi agaca imanza no kurwana intambara akurikije ubutabeera.12Amaaso ye yari nk'ibirimi by'umuriro, kandi yari yambaye amakamba menshi ku mutwe we. Yari afite izina rimwanditsweho, ariko ntaawundi wari uriizi keretse we ubwe.13Yari yambaye ikanzu yiinitswe mu maraso, kandi izina rye yiitwaga Jambo w'Imaana.14Ingabo zo mu ijuru ziramukurikira, ziicaye ku mafaraashi y'umweru kandi zambaye imyenda myiza y'agaciiro y'umweru isukuuwe.15Mu kanwa ke havamo inkoota ityaye, yo kuzaarimbuza amahanga. Azaabategekeesha inkoni y'icuma, kandi azaacundagura imbuto z'imizaabibu mu rwengero havemo divaayi y'uburaakari bukaze bw'Imaana Ishoborabyose.16Ku gishuura ce no kukibero ce haari handitsweho iri zina: “Umwami w'abaami n'Umutegetsi w'abategetsi.”Ikinyamaaswa n'Ingabo zaaco Bitsindwa
17Nuuko mbona malayika ahagaze mu zuuba, maze ahamagara ibinyoni bigurukira heejuru mu kireere mu ijwi rirenga ati, “Nimuuze maze mukoranire gusangira ifunguro ry'Imaana rihebuuje,18murye inyama z'abaami, inyama z'abasirikare bakuru, inyama z'ibihangaage, inyama z'amafaraashi n'iz'abayagenderaho, n'inyama z'abantu boose, baaba abiigenga cangwa imbaata, abooroheje n'abakomeye.”19Nuuko mbona ca kinyamaaswa n'abaami bo ku isi hamwe n'ingabo zaabo bakoraniye kurwanya uwiicaye ku faraashi n'ingabo ze.20Maze ico kinyamaaswa kirafatwa, hamwe n'umuhanuuzi w'ibinyoma wari warakoreye imbere yaaco ibimenyeetso byo yayobeesheje abaashizweho ikimenyeetso c'ico kinyamaaswa n'abaaramyaga igishushaanyo caaco. Ico kinyamaaswa hamwe n'umuhanuuzi w'ibinyoma bajugunywa mu nyenga y'umuriro ugurumana ari bazima.21Abandi biiciishwa inkoota ivuuye mu kanwa k'uwiicaye ku faraashi, maze ibisiiga byose bihaaga inyama zaabo.Bible Society of Uganda