YOHAANA5
Yesu Akiza ku Munsi w'Isaabato
1Nyuma y'ibi, haba iminsi y'ibirori by'Abayuuda, nuuko Yesu aja i Yerusaalemu.2Ubwo i Yerusaalemu haafi y'irembo ryitwa Irembo ry'Intaama haari ikidendeezi, mu ru Heburaayo ciitwa Beetsayida, kizengurutswe n'amabaraza ataanu.3Muri ayo mabaraza haabaga haryamye abarwayi benshi caane, barimo impumyi, abarema n'abandi bamugaye.4 Kuko rimwe na rimwe malayika yamanukaga akaja muri ico kidendeezi, agahindura amaazi. Amaazi akimara guhinduka, umurwayi wabanzaga kukijamo yakiraga indwara iyo ariyo yoose.5Aho haari umugabo wari ufite indwara ayimaranye imyaka mirongo itatu n'umunaane.6Yesu aboonye aryamye, amenya ko ahamaze igihe kireekire, aramubaza ati, “Mbese urashaaka gukira?”7Uwo murwayi aramusubiza ati, “Daatabuja, ntaabwo mfite uwo kunshira mu kidendeezi amaazi ahinduwe, kandi iyo ngerageza kujamo, undi muntu antanga kugeramo.”8Yesu aramusubiza ati, “Haguruka, wiikorere akarago kaawe ugende.”9Muri ako kaanya uwo murwayi arakira, azinga akarago ke aragenda.Ibyo byabaaye ku munsi w'i Saabato.10Nuuko Abayuuda babwira uwo muntu wari umaze gukira bati, “Dore ni ku Saabato, ntaabwo itegeko rikwemerera kwikorera akarago kaawe.”11Ariko arabasubiza ati, “Uwankijije ni we wambwiye ati, ‘Ikorere akarago kaawe ugende.’ ”12Baramubaza bati, “Uwo ni nde wakubwiye ngo, ‘Ikorere akarago kaawe ugende’?”13Ariko uwo mugabo wari umaze gukira ntiyamenye uwamukijije uwo ari we, kuko Yesu yari amaze kuburira mu bantu benshi baari aho.14Nyuma yaho, Yesu amusanga mu Nzu y'Imaana aramubwira ati, “Dore waakize, ntukongere gukora icaaha ukundi kugira ngo utazaabona ishano rirutaho.”15Uwo mugabo aja kumenyeesha Abayuuda yuuko ari Yesu wamukijije.16Nuuko Abayuuda batangira gutooteza Yesu kuko yakoraga ibintu nk'ibyo ku Saabato.17Ariko Yesu aravuga ati, “Daata aracaakora kugeza n'ubu, kandi nanje ndigukora.”18Ibi bituma Abayuuda barushaho gushaaka kumwica, kuko ntiyishe itegeko ry'i Saabato gusa, ahuubwo yavuze ko Imaana ari Se, ubwo akaba ari kwigereranya na Yo.
Yesu Afite Ububaasha Buva ku Maana
19Yesu arabasubiza ati, “Ni ukuri, ndababwira yuuko Umwana w'Imaana ntaaco akora na kimwe ku bwe, kitari ico abona Se akora. Kuko ico Se akora ni co Umwana na we akora.20Daata akunda Umwana, akamwereka ibyo akora byose Kandi azamwereka n'ibirenze ibyo kugira ngo bibatangaaze.21Ni koko, nk'uko Daata azuura abaapfuuye akabaha ubugingo, ni ko n'Umwana aha ubugingo abo ashaaka.22Nta n'umwe Daata aciira urubanza ahuubwo ububaasha bwo guca imanza zoose yabuhaaye uwo Mwana,23kugira ngo boose buubahe Umwana nk'uko buubaha Se. Umuntu weese utuubaha uwo Mwana, aba atuubashe na Se wamutumye.24Ndababwira ukuri yuuko, uwumva ijambo ryanje akizeera uwantumye aba afite ubugingo buhoraho, kandi ntaabwo azaaciirwa urubanza, ahuubwo aba avuuye mu rupfu ageze mu bugingo.25Ndababwira ukuri yuuko igihe kigeze, kandi ubu kirasohoye, ubwo abaapfuuye bazumva ijwi ry'Umwana w'Imaana, maze abazaaryumva bazaabaho.26Nk'uko Daata ari we sooko y'ubugingo, ni na ko yabuhaaye Umwana we kuba isooko y'ubugingo.27Kandi amuha n'ububaasha bwo guca imanza, kuko ni Umwana w'Umuntu.28Ibyo ntibibatangaaze kuko igihe kigiiye kuuza ubwo abari mu bituuro boose bazumva ijwi rye29bakavamo. Abaakoze ibyiza, bakazuukira ubugingo, naho abaakoze ibibi bakazuukira guciirwa urubanza rw'iteeka.Abahamya ba Yesu
30Ntaaco nshobora gukora ku bwanje. Uko numviise ni ko nca imanza, kandi imanza zo nca ni iz'ubutabeera kuko ntakurikiza ibyo nkunda ubwanje, ahuubwo nkurikiza ibyo uwantumye akunda.31Ndamutse niitanzeho ubuhamya, ubwo buhamya bwaba atari ukuri.32Ariko hariho undi uhamya ibyanje, kandi nzi neeza ko ibyo ahamya kuri nje ari ukuri.33Mwohereje intumwa kuri Yohaana, na we ahamya ukuri.34Si uko nkeneye ubuhamya bw'abantu nk'ubwo, ahuubwo mbivugiye kugira ngo mukizwe.35Yohaana yari nk'itaara ryaka rikamurika, na mwe mwishiimiye umuco we kumara akaanya gato.36Nyamara njeewe, mfite ubuhamya busumba ubwa Yohaana. Imirimo yo Daata yampaaye kurangiza, ni na yo mirimo ndigukora, akaba anariyo impamiriza ko natumwe na Daata.37Kandi Daata wantumye ni we ubwe untangaho ubuhamya. Ntimwigeze kumva ijwi rye, cangwa ngo mubone ishusho ye,38kandi ntimufite ijambo rye muri mwe, kuko ntimwemeye uwo yatumye.39Mushishooza Ibyanditswe kuko mwibwira yuuko muri byo harimo ubugingo buhoraho, kandi ari byo bintangaho ubuhamya.40Ariko mukanga kunsanga kugira ngo muhaabwe ubugingo buhoraho.41Simparanira gushimwa n'abantu.42Ariko nzi yuuko ari nta rukundo rw'Imaana rubarimo.43Naaje mu izina rya Daata, ntimwanyemera, ariko hagize undi uza ahagarariye izina rye, muzamwemera.44Mbese mwakwemera mute, kandi muharanira guhaabwa icuubahiro na bagenzi baanyu, ariko mudashaakiisha icuubahiro gituruka kuri uwo wenyine uri Imaana?45Ntimuteekereze ko ari nje uzaabarega kuri Daata, uzaabarega ni Moose wo mwashizemo ibyiringiro.46Niiba mwariizeeye Moose, nanje mwagombaga kunyiizeera, kuko yanditse ibinyerekeyeho.47Ariko niiba mutiizeera ibyo Moose yanditse, muziizeera mute ibyo mbabwira?”Bible Society of Uganda