YOHAANA21
Yesu Abonekera Abiigiishwa Barindwi
1Nyuma y'ibyo, Yesu yongera kubonekera abiigiishwa be ku nyanja ya Tibeeriya, maze ababonekera atya.2Simooni Peetero, na Tomasi witwaga Mahasa, na Natanayeli w'i Kaana y'i Galileeya, beene Zebedaayo, n'abandi biigiishwa babiri baari bari kumwe.3Simooni Peetero arababwira ati, “Ngiiye kuroba.” Baramusubiza bati, “Turajaana.” Barasohoka maze baja mu bwato, ariko muri iryo joro ntihaagira ico bafata.4Bukimara guca, Yesu ahagarara ku nkengeero, ariko abiigiishwa ntibamenya ko ari we.5Yesu arababaza ati, “Nshuti zanje, hari isamaaki mwafashe?”Baramusubiza bati, “Ntaazo.”6Arababwira ati, “Nimujugunye agatimba kanyu iburyo bw'ubwato, muragira ico mubona.” Nuuko barakajugunya, ariko bananirwa kugakururira mu bwato kuko isamaaki zaari nyinshi.7Wa mwigiishwa Yesu yakundaga abwira Peetero ati, “Ni Nyagasani.” Simooni Peetero yumviise ko ari Nyagasani, akenyera umwenda kuko yari yambaye ubusa, maze yiiroha mu nyanja.8Abandi biigiishwa baaza ku nkengeero mu bwato, bakurura agatimba kuuzuye isamaaki. Ntaabwo baari kure y'inkengero, ahuubwo haari nka mita ijana.9Bageze imusozi, babona umuriro w'amakara, uriho isamaaki, hamwe n'umugaati.10Yesu arababwira ati, “Nimuuzane kuri izo samaaki mumaze gufata.”11Simooni Peetero yinjira mu bwato maze akururira agatimba kuuzuye isamaaki nini imusozi. Zoose zaari ijana na mirongo itaanu n'itatu kandi n'ubwo zaari nyinshi, agatimba ntaabwo kaaciitse.12Yesu arababwira ati, “Nimuuze dufungure ibya mugitondo.” Ntihaagira n'umwe muri abo biigiishwa utiinyuka kumubaza ati, “Uri nde?” Kuko baari baamenye ko ari Nyagasani.13Yesu yiigira imbere afata umugaati maze arawubaha, n'isamaaki azigenza atyo.14Ubwo bwari ubwa gatatu Yesu abonekera abiigiishwa be, amaze kuzuuka mu baapfuuye.
Yesu na Peetero
15Barangije kurya amafunguro ya mugitondo, Yesu abwira Simooni Peetero ati, “Simooni mwene Yohaana, urankunda kurusha aba ngaaba?”Aramusubiza ati, “Yeego Nyagasani, uzi ko ngukunda.”
Yesu aramubwira ati, “Ragira abaana b'intaama zanje.”16Yesu yongera kumubaza ubwa kabiri ati, “Simooni mwene Yohaana, urankunda?”
Peetero aramusubiza ati, “Yeego Nyagasani, uzi ko ngukunda.”
Yesu aramubwira ati, “Ragira intaama zanje.”17Yongera kumubaza ubwa gatatu ati, “Simooni mwene Yohaana, urankunda?”
Peetero ababazwa n'uko Yesu amubajije ubwa gatatu ati, “Urankunda?” Nuuko aramusubiza ati, “Nyagasani, umenya byose, uzi ko ngukunda.”
Nuuko Yesu aramubwira ati, “Ragira intaama zanje.18Ndakubwira ukuri yuuko, ubwo wari ukiri muto, wariikenyezaga kandi ukaja aho ushaaka. Ariko nuumara gusaaza, uzaateega amaboko undi agukenyeze, kandi akujaane aho udashaaka.”19(Yesu yavuze ibyo, ashaaka kwerekana urupfu Peetero azaapfa, bikuubahiisha Imaana.) Amaze kuvuga atyo, aramubwira ati, “Nkurikira.”
Yesu na wa Mwigiishwa Yakundaga
20Peetero areebye inyuma, abona wa mwigiishwa Yesu yakundaga abakurikiye, kandi ni wa wundi wegamiye Yesu bafungura akamubaza ati, “Nyagasani, ni nde ugiiye kukugambaanira?”21Peetero amaze kumubona, abaza Yesu ati, “Nyagasani, uyu we kandi ibye bigende bite?”22Yesu aramusubiza ati, “Niiba ari ubushaake bwanje ngo akomeze kubaho kugeza igihe nzaagarukira, bigutwaye iki? Wowe nkurikira!”23Kuva ubwo inkuru yaamamara mu muryango w'abeemera ko uwo mwigiishwa atazaapfa. Nyamara Yesu ntaabwo yabwiye Peetero yuuko uwo mwigiishwa atazaapfa, ahuubwo yaramubwiye ati, “Niiba ari ubushaake bwanje ko agumaho kugeza aho nzaazira, bigutwaye iki?” 24Uyu ni we wa mwigiishwa wemeza ibyo byose kandi ni we wabyanditse, kandi tuuzi yuuko ubuhamya bwe ari ukuri.Umusoozo
25Hari n'ibindi byinshi Yesu yakoze, nyamara byose byanditswe, ngira ngo ibitabo byakwandikwamo ntibyakwirwa mu isi.Bible Society of Uganda