SAM86kij_png

Nigada paila pilasi

1Mwa Guyau! Kunakaigalaigu e kuvitakaulokaigu,paila gala agu topilasi, deli bogwa eimama wowogu.2Kukolaigu metoya okaliga, paila uula akatilavaigu baisa yoku.Kukwatumovaigu, paila yeigu m towotetila, deli adubumaim goli.
3Yoku ulo Yaubada, mapaila baisa kunokapisaigu.Aninigada baisa yoku yam komwaidona.4Mwa Guyau! Kuyomwasali m towotetila,paila uula ulo nigada imweimwenasi baisa yoku wala.5Yoku kumitukwaibwailimasi, deli kuligaiwa ma mitugagasi.Yoku kumitukwaii availa availa matausina inigadasi baisa yoku.
6Mwa Guyau! Kunakaigali ulo nigada,e kulagi ulo dou paila pilasi.7Adou baisa yoku otutala mwau,paila uula kummapu ulo nigada.
8Mwa Guyau! Gala taitala yaubada makawala yoku,gala taitala eiuvagi makawala yoku lokuuvagi.9Komwaidona boda ituwoli ituwoli okububuliigau bimaisi bikululusi baisa yoku.Matausina biyakawolaisi m tovakaigaga.10Yoku saina topeuligaga, deli kuuvagi vavagi saina kabokatubau.Yoku kammwaleta wala Yaubada.
11Mwa Guyau! Kuvitulokaigu avaka nanom bavagi,e bakabikuwolaim deli ulo kimadagi.Kuvitulokaigu ammakawala bawotitalaim deli ulo ninatotila.12Mwa! Guyau ulo Yaubada, yeigu bayakawolaim metoya onanogu komwaidona,e bakamituli m tovakaigaga tuta gala wala biwokuva.13Ina vakaigaga m mitakwai paila yeigu!Yoku bogwa kukwaliduboli agu laka.
14Mwa Yaubada! Tomota tokaluvalova leimaisi mwada avaka bivigakaigusi,e budotala matausina tovakatutuki eivigikonaisi mwada bikatumataigusi -tomota matausina totuvigaki wala!15Mitaga yoku Guyau Yaubada tonokapisi deli toyebwaili,tuta komwaidona tomanum, tolilalasi deli tokimadagi.16Kutovilakaigu deli kunokapisaigu.Kukwatupewolaigu deli kukwatumovaigu,paila uula lauwotitalaim makawala inagu eivigakaim.17Mwa Guyau! Kuvitulokaigu avai vavagi bibudoki m giyoubwaila.E avai tuta matausina eivigakaigusi tokukolosi yeigubigisaisi kidamwa yoku kuvisimolaigu deli kupilasaigu,matausina bogwa wala bimmosilasi.
expand_more
Search