SAM31kij_png

Nigadela dubumi baisa Yaubada

1Mwa Guyau! Lamakaiam paila bukukolaigu.Gala avai tuta bukutagwala bikalisauwaigusi.Yoku Yaubada saina tomitukwaibwaila.Anigadaim kukwatumovaigu!2Kulagaigu, e kukwatumovaigu tuta baisa!Bukuvigakaim agu tokwala e bukukolaigu,deli bukuvigakaim agu taboda yokue bukukwatumovaigu.
3Yoku agu tokwala deli agu taboda.Kuvakadaigu deli kukugwaiyaigumakawala m biga katotila.4Kuyamataigu metoya wa sikula makainaeileiyasi paila yeigu,e kukolaigu metoya okabosilagi.5Atugwalaigu baisa yoku kidamwa bukuyamataigu.Yoku Guyau bukukwatumovaigu.Yoku Yaubada saina tokimadagi.
6Yoku kukoulovi availa availa matausinaitapwarorusi baisa minasina yaubada sasopa.Mitaga yeigu adubumaim wala.7Yeigu goli bamwasawa deli bakaimwanapaila uula m mitakwai.Yoku kugisi kagu mmayuyue kunikoli agu mwau.8Yoku gala kutagwala agu tilaula bikatupipaigusi.E yoku bogwa kutanekwaigue bala wala ambaisa magigu.
9Mwa Guyau! Kunokapisaigu,paila uula yeigu bogwa laboda mwau.Matagu bogwa eisomata saina auvalam,e yeigu mokwitatoula wala bogwa eimitaki wowogu10Yeigu bogwa leisomitakaigu wala ninamwau,e valam wala iutupwi ulo momova.Bogwa wala lamama metoya komwaidona agu mwau,e ivigaki goli tutuwanegu isisilasi wala iwokuva.
11Komwaidosi wala agu tilaula ikaluwouwaigusi,e isiligaga goli segwaia ikaluwouwaigusi makawala.Matausina availa availa inikolaigusibogwa wala eikukolaigusi.Avai tuta bigisaigusi wa keda bisakaulasi wala.12Komwaidosi wala bogwa eilumwelavaigusi,makawala idokaigusi bogwa lakaliga.Yeigu makawala kwaitala vavagi bogwa talavi.13Alilagi bidubadu tilaula ikikasilamsi.Ikikeiwalaigusi paila bikatumataigusi,e kokola itavinaigu itapataigu.
14Mwa Guyau! Yoku wala adubumaim.Yoku wala ulo Yaubada.15Yeigu tuta komwaidona kuiyamataigu.Kukolaigu metoya agu tilaula,e metoya baisa matausina ilamidadaigusi.16Kugisaigu yeigu m towotetila deli m ninabwaila,e kukwatumovaigu metoya om mitakwai.17Mwa Guyau! Adou baisa yoku.Gala bukutagwala yeigu bammosila.Kuvigaki tomitugaga bimmosilasi,e bivasilamsi bilosi Tuma.18Kukwatupatu udosi matausina tosisasopa.Komwaidosi matausina ninasi walakaiwadeli matausina ikaiveka ninasi,matausina ikikaluwouwaisi tomitukwaibwaila.
19Isa bwainigaga makwaisina vavagi bwainayoku kukwatubiasi paila matausinaavaila availa ititemmalaimsi.Komwaidosi wala inikolaimsi yoku saina bwaina,e inikolaisi ammakawala lokukoli matausinaavaila availa idubumaimsi.20Kukwatupwani matausina ikwalasi baisa yoku,e gala bisilagisi metoya tomota matausina ikikeiwalaisi.Kukwatupwani matausina okabokwala bwainamwada kasi tilaula gala bikavilakaisi matausina.
21Kala yakaula Guyau!Avai tuta tilaula eivaulaigusi e iwaigusi,Guyau saina bwainigaga eimitukwaiyaigu.22Yeigu agu kokola adoki walabogwa eibokavilaigu metoya omatala.Mitaga avai tuta ladou baisa matauna paila pilasi,matauna ilagi ulo dou.
23Komwaidomi yokomi la tomota tokimadagi,kuyebwailisi Guyau.Guyau matauna ikoli tokimadagi matausina,mitaga imipuki matausina ninasi walakaiwa,makawala avaka bibudoki kasi mipuki.24Komwaidomi yokomi availa availa kupikwakusi baisa Guyau,bukutotusi peula, e bukutuvaluwasi.
expand_more
Search