SAM24kij_png

Guyau matauna Giyouveka

1Valu watanawa deli uvagila komwaidona, baisa Guyau la vavagi.Valu valu komwaidona deli kala tosisu komwaidosi, baisa matauna la vavagi.2Eikaliai valu watanawa odabala sopi osikowala pwaipwaia,e isaim tumilela otulubwabwau.
3Ki, availa ibodi bimwena ola koya Guyau,e availa ibodi bisuvi ola Bwala Kwebumaboma?4Kidamwa matauna kweyamigileu yamala e la nanamsa migileuwokuva wala,kidamwa gala eitapwaroru baisa avai tokolu,e gala ilivala katotila sasopa,5e Guyau bimitukwaii deli bikoli matauna.Yaubada bidoki matauna tobwaila wala.6Tomota makawala matauna ibodi bilokaiasi Yaubada,deli bisuvisi bimaisi omatala Yekobe la Yaubada.
7Kuulaimwaisi kalapisila bikabauwaiasi,e lulu kaduyobubogwa bikapogegasi,e matauna Giyouveka bogwa bisuvi.8Ki, availaga matauna Giyouveka?Matauna goli Guyau, Topeuligaga sainela.Matauna Guyau, Tokwalisewa otutala kabilia.
9Kuulaimwaisi kalapisila bikabauwaiasi,e lulu kaduyobubogwa bikapogegasi,e matauna Giyouveka bogwa bisuvi.10Ki, availaga matauna Giyouveka?Matauwena Guyau Totomgwaga, matauwena goli Giyouveka.
expand_more
Search