YOWELI3kij_png

Yaubada biyakali boda ituwoli ituwoli

1Guyau ikaibiga, kawala,“Wa tuta matutona bakaimilivau kala kabinaisi valu mina Yuda deli mina Yerusalem.2Bavayouli komwaidona boda ituwoli ituwolie komwaidosi bamai oItayatilela Yakala.Baisa bayakali matausina,paila komwaidona avaka avaka eivigakaisi ulo tomota.Eiyobutubutaisi mina Isireli ilosi isivagelusi valu ituwoli ituwoli,e eivilaisi mapilana Isireli, mapilawena ulo pwaipwaia goli.3Ikowobobutasi paila binagaisiavaila availa biyosisi matausina tokwatupipi.Igimolaisi gugwadi tauwau deli vivila mwada magudisina bivigaki ulapaila bimapwaisi minasina nakakalimwala deli kasi waini.
4“Ammakawami, yokomi mina Taia deli mina Saidoni, deli viloumwaidona Pilisitia? Avaka mwada bukuvigakaigusi? Ki kuvigikonaisi mwada bukukeulasi kami lugwa baisa yeigu paila avaka? Kidamwa makawala, e ka! — yeigu bananakwa bakeula agu lugwa baisa yokomi.5Bogwa lokukwauwaisi ulo siliba e ulo goula, e lokukwauwaisi ulo veiguwa kweminibwaita kulauwaisi olopola mi bwala kwebumaboma.6Lokulauwaisi mina Yuda deli mina Yerusalem opiliyuwelʹo, e lokugimolaisi matausina baisa mina Girisi.7E tuta baisa bakaimilivau matausina metoya mapilasina valu eigimolaisi matausina. E bogwa bavigakaimi makawala yokomi lokuvigakaisi matausina.8Bogwa batagwala tomota bigimolaisi litumia tauwau deli vivila baisa mina Yuda. E matausina bigimlovauwaisi magudisina baisa mina Sabiaosi valu opiliyuwela. Ka, yeigu Guyau bogwa lalivala.
9“Kukwamitulaisi ulo biga oluwalaisi boda ituwoli ituwoli, kawami,‘Kukwatubaiasasi paila kabilia.Kudouwaisi mi tokwabilia mina gigasisi.Kukougugulaisi mi tokwabilia e bukukwatudelisi.10Mi daima bukuvigakaisi mi puluta,e mi kaivatam bukutasaisi paila mi kaiyala.Mina mamama tuvaila ibodi bikabiliasi goli.11Yokomi komwaidomi boda lokutoulaisi Yuda,kunanakwasi e bukumaisi.Kusigugulasi oitayatila!’”Mwa Guyau! Kuwitali mabudona m tokwabilia bibusisi bikabiliasi deli matausina.
12E Guyau kawala, “Ibodi mabudosina boda bikatubaiasasi,e bimaisi baisa oItayatilela Yakala.Baisa goli yeigu Guyau basili paila bayakalimabudosina boda leitoulaisi baisa.13Saina tomitugaga matausina.Kuteyasi matausina bikapusisi makawala yonitaituotutala tayoyuwa.Kukwatupupoiyaisi matausinamakawala kabopola kwekikasewa ikapupoi kaiuwala wainitatoula wala waini bilupuseula.”
14Saina bidugaga lakatuluwovila tomota isisuaisioItayatilela Yakala.Mapilawena goli Guyau la yameimati bima.15Kalasia deli tubukona bidudubilasi,e utuyam gala wala bikatasi.

Yaubada bimitukwaii la tomota

16Guyau kaigaveka idoudou metoya wa Koya Saiyoni.Kaigala ibutupilapala metoya mapilana Yerusalem.Valu watanawa e walakaiwa iyegasi.Mitaga bogwa bikoli la tomota.17“E mina Isireli, wa tuta matutona bukunikolaisi wala kidamwa yeigu goli Guyau mi Yaubada.Yeigu masisiki mapilana Saiyoni, baisa ulo koya kwebumaboma.Mapilana Yerusalem igau bavigaki valu viloubumaboma,e tomitawasi gala avai tuta tuvaila biyoulisi mapilana.
18“Wa tuta matutona koya bikasewoki bigulesi waini,e bitabani bulutuvalu wa koya kwaitala kwaitalasopi bidubadu bisisu, kala bawa bibodi komwaidona sakalela Yuda.Kaduyotala sakala bititayelu metoya Guyau ola Bwala Kwebumaboma,e makaduyona biyopututu Itayatilela Akakia.
19“Mapilana Itipita bimila viloupakala,e mapilana Edom biviloububu wala,paila uula iyoulisi viluwela Yudae ikatumataisi matausina tobubwaila goli.20Bakau kasi lugwa matausina eikatumataisi.Gala wala banokapisi matausina isim kasi pakula.Mitaga tomota bisigagasi wala olopola Yuda deli Yerusalem, tuta gala biwokuva.E yeigu Guyau basivagasi wala wa Koya Saiyoni.”
expand_more
Search