YOBI28kij_png

Kabitam kala yakaulaGala tanikoli availa ililivali biga mabigasina.

1Mimilisi valu ikikelaisi siliba metoya opwaipwaia;mimilisi valu goula kala kabokatumigileu isisu.2Tomota ikelaisi tanumnumta aiyani metoya opwaipwaia.e ikaliulaisi tanumnumta kopa metoya odakuna.3Tomota bogwa eisisavalaisi ambaisa saina dubilikitakita.Matausina inainevisi ambaisa tikutakula valu watanawae ikikelaisi dakuna ambaisa saina dubilikitakita.4Saina kaduwonaku olumoulela pwaipwaia tomota gala isisikaisi,kaina tomota ililokaisi,tomota ikelaisi nobwala paila si keda bibubusi bilolosi ambaisa osikowala pwaipwaia,e baisa ipupaisewasi wala kasimwaleta,gala wala sesia.E metoya oyuwoyoula imwemwenasi ibubusisi onobwala.5Kaula tabigulaisi odabala wala pwaipwaia,e pwaipwaiaga makwaina wala, mitaga osikowalaikelisasaisi wala imoiyaisi iligaimwaisi.6Dakuna makwaisina olumoulela pwaipwaia ikalumoli deli dakuna sapaya.E dakuna makwaina tubumyoula olumoulela isisu goula.7Kilakila gala ibodi bigisi kedala bila ambaisa eikilikelisi,deli gala avai tuta natana mluveka ikukwaiyoba odubasi matausina.8Gala avai tuta laiyoni kaina avai mauna minasina nagigasisi bisukwaisi kedamakadasina tuta komwaidona kadaukuwokuva wala.
9Tomota ikusovaisi dukumaga,tuvaila koya ikusovaisi wala ikelisauwaisi.10Avai tuta bikilikelisi oluwalaisi dakuna,matausina ibubanaisi dakuna makwaisina kwaivivivila saina mwau mipusi.11Matausina ikilikelisi wala ilosi isakailasi ambaisa waya eivitouulae matausina ivisunupuloiyaisi vavagi makwaisina kwekatupwana omilakatila.12Mitaga kabitam ambaisa ibodi bitabanaisi?Availa ibodi bivitulokaidasi gagabila bitakatetasi?
13Kabitam gala bitabani metoya baisa tomota;gala availa inikoli kabitam mapula mokwita.14Tilibwabwau deli bolita komwaidona iyakalibwabwailasi wala,kawasi, “Kabitam gala kasisiaisi.”15Kabitam gala ibodi bitagimloki metoya siliba kaina goula.16Goula saina kwevivivila deli soulava mapusigala wala ibudoki mapula kabitam.17Kabitam saina vavagi kwaiveka, ikalisau goula.Ikalisau kwelatala bolu eibubulokaisi metoya goula deli kwelatala viga kwelavivivila.18Kabitam mapula ikalisau mapusi lada, dakuna yasipa,deli dakuna kwevivivila yagala rubi.19Dakuna yagala topasi saina kwevivivila deli goulatoula mapusigala wala ibodi kabitam mapula.
20E mitaga kabitam uulotoula ambaisa ibodi bitabani?Ambaisa ibodi bitakeulasi da nikolaisi gagabila bitapuloki ninadaisi?21Bubuli kwemmomova gala kwaitala ibodi bigisi kabitam,ilagoli mauna biyoyowa mitaga gala wala bigisi.22Makawala goli kaliga deli kabomwausi kamatula, bulogala wala ilagaisi.
23Yaubada wala kalamwaleta inikoli kedala.Matauna inikoli ambaisa kabitam eikikanaki.24Paila matauna matala la gigisa bilai bila walaobusibusila valu watanawa.Bubuli komwaidona osikowala labuma igigisi wala iwokuva.25Avai tuta Yaubada isaiki yagila la peuladeli ivitobu bolita kala vakaila;26avai tuta Yaubada leinagi ammakatupona kuna bikuna,deli lowalowa si keda mapilasina pilapala biwawai;27e metoya baisa matauna igisi kabitam e iwakoli ammakawala la peula -e matauna ikabwaili makwaina.
28Yaubada iluki tomota kawala,“Kidamwa magimi bukukwabitamsi,e ibodi wala bukutemmalaigusi yeigu Guyau.Kidamwa magimi bitalapula ninamie ibodi wala bukusivilasi metoya omi mitugaga.”
expand_more
Search