YOBI19kij_png
1Avaka paila kuyomiyuyaigusi metoya omi biga?3Tuta tuta kukwaluwouwaigusi,e gala kami mmosila paila kubigigagaigusi.4Ka, kidamwa yeigu avagi sula,ammakawala ulo sula biyogagaimi?5Kudokaisi yokomi tobubwaila, e yeiguga sitana wala,deli kudokaisi agu mwau baisa kabosimokwita paila agu pakula.6Ki, gala kugisaisi Yaubada eivagi baisa?Matauna ileiya sikula biyosaigusi.7Adoudou kawagu, “Bogwa laboda lamadada!”mitaga gala taitala inakaigalaigu.Gala taitala ilagi ulo dou paila karaiwaga duwosisia.8Yaubada bogwa eipilibodi keda, e gala gagabila baluvapela,e ikatupwani ulo keda odudubila.9Matauna bogwa eikau komwaidona ulo guguwa,deli bogwa eikatudidaimi komwaidona agu kwamaiaba.10Matauna iwogigai wowogu.Matauna ilulu ulo pikwaku,deli iligaimwaigu bayagi deli bamata.11Yaubada igibuluwa deli kala leiya baisa yeigu.Matauna ivigakaigu makawala kala tilaula mokwita.12Matauna iwitali la tokwabilia biwaigusi.Matausina ikelaisi nobwala deli isiulaisi isipataisi ulo bwala.13Yaubada ivigaki budagwa ileiligusi.Yeigu makawala taitala tomitawasi baisa matausina inikolaigusi.14Veyagwa deli lubaigwa ibutusi.15Matausina lavauli ogu bwala eilumwelavaigusi.Minasina ulo nawotetila eivigakaigusi makawala taitala tomitawasi deli togilagala.16Avai tuta badou taitala towotetila, matauna gala bitama,ilagoli avai tuta akayubabai mwada bipilasaigu.17Ulo kwava gala magila maiinela wodogu,deli budagwa tatougu gala magisi bimaisi katitaikinegu.18Gugwadi ikaluwouwaigusi, deli avai tuta bigisaigusi bigigilaigusi wala.19Lubaigwa mokwita bikasilalaigusi.Matausina saina ayebwaili bogwa eitotubulokaigusi.20Yeigu bogwa lamila totuwana wala,e wowogu bogwa eideli, e makateki wala bakaliga.21Yokomi segwaia goli! Kunokapisaigusi!Yaubada yamala eikatukululaigu.22Avaka paila yokomi kuwaigusi makawala Yaubada leivigakaigu?Ki gala kugisaisi agu mmayuyu bogwa eibodaigu?23Magigu sainela taitala biluluwai ulo biga,deli bigini makwaisina wa buki!24Kaina deli kaitala kaiwawa biteyasi ulo biga odakuna,e biginaisi mabigasina bikanuvagasi.25Mitaga anikoli taitala guma labuma isisu,matauna igau bima mwada bikabwailigu.26Kaina goli lelia bogwa eikapwasi wowogu,mitaga makagu gigisa wala bagisi Yaubada.27Yeigu bagisi matauna omatagu,deli gala badoki matauna tomitawasi.Ulo tuvaluwa bogwa eimama paila kukwaibigasi, kawami,28“Ammakawala bitavigakaisi bitayomiyuyaisi matauna?”Bogwa lokunainevisi mi vitoki paila bukuwaigusi.29Mitaga ka, tuta baisa bukukukolaisi puluta,paila puluta makaina bimai Yaubada la gibuluwa paila mitugaga,mapaila bukunikolaisi taitala toyakala isisu.
No translations available.