YEREMAIA12kij_png

Yeremaia la katupoi baisa Guyau

1“Mwa Guyau, kidamwa bakominimani deli yoku paila kwaitala ulo sula,yoku bogwa bukunagi vavagi kala duwosisia.Mitaga ibodi wala bakatupoiyaim paila karaiwaga duwosisia.Avaka paila mina mitugaga saina ikobaluluwa si kaisisu?Avaka paila mina sisasopa iiyubwailasi?2Yoku kuvali matausina e italolasi, ikaitubwasi e iuwasi.Matausina tuta komwaidona kasi udokaiwa bililivalaimsi,mitaga gala ikaiki uwosi paila yoku.3Mitaga yoku Guyau bogwa kunikolaigu;e kugigisi avaka lauvagi,deli ammakawala ayebwailim.Kubititani matausina kulau makawala sipimakateki biyalaisi;e kuiyamati wala matausinatatoula bibudoki si tuta paila bikatumataisi.4Ammakawala kala kaduwonaku meilili bikau oma valusi,deli mnumonu wa bagula bimmwailelasi wala?Mauna nasigisagina deli nayoyowa eikikaligasi wala,paila uula ma tomotasi si mitugaga,matausina goli ikaibigasi kawasi,‘Yaubada gala igigisi avaka leitauvagaisi.’”
5E Guyau ilivala kawala,“Yeremaia, kidamwa tomota bikalisauwaimi sakaula,ammakawalaga bukuvigaki bukukwalisau wosa osi sakaula?Kidamwa gala ibodi bukutuvaluwa olumoulela valu vilouwokuva,ammakawalaga bukuvigaki bukutuvaluwa oudilela Waya Yoridani?6Ilagoli tuwamwa budamwa, matausina goli dalem tatoum bogwa eikoulovaimsi;matausina ikatukwaitalasi bikabiliasi deli yoku.Gala bukudubumi matausina, ilagoli matausina ililivalasi bigabwaila.”

Guyau la ninamwau paila la tomota

7E Guyau ilivala kawala,“Ka yeigu bogwa lasilavi Isireli;matausina goli ulo boda tatougu lanagi bogwa lakoulovi.Yeigu bogwa lakasali matausina ulo tomota ayebwailioyumasi kasi tilaula.8E ulo tomota tatougu bogwa eikosomapwaigusi;makawala natana laiyoni olawodilamatausina eikagotaigusie mapaila yeigu avigaki matausina mina kukologu.9Ka ulo tomota tatougu matausina makawala natana mauna nayoyowa,e mluveka bivaulaisi bivapataisi.Kudouwaisi mauna nagigasisi bimaisi wa paka takamsi!10Bidubadu tokaraiwaga mitawasibogwa eikodidaimisi ulo bagula bigulela waini;matausina eivatutaisi wala ulo bagula eimoiyaisi iligaimwaisi;ulo kwabila bilukumalala ivigakaisi eimila viloupakala.11Matausina eivigakaisi mapilana eimila bidapakala wala;e vilouwokuva wala lagigisi eitotu.Valu pilamwaidona bogwa eimila viloupakala,e gala wala availa ikaiki wowola avaka bivagi.12Okoyala viloupakala pilamwaidonatomotala leimaisi paila bilebwaisi valu.Yeigu labubuli kabilia paila bikodidaimisi valu pilamwaidona;gala availa ibodi bisisu bwaina.13Ulo tomota isapwaisi kasi yagogu, e kabinaila itaiyauwaisi mnumonuwokuva wala;saina tokwaibagula, mitaga si kaibagula gala wala dimlela.Metoya ogu gibuluwa mmayuyulaavigaki komwaidona kasi yagogu tamkwayayogwa wala.Si bagula gala wala kabinaila.”

Guyau la biga katotila baisa mavilousina valu otalila Isireli

14Guyau eilivala kawala, “Ka, balivala paila mavilousina valu otalila Isireli, matausina goli leikodidaimisi mapilana valu lasaiki ulo tomota mina Isireli. Yeigu basabu matausina mina mitugaga metoya osi valu makawala kai leikosabwaisi, e bakoliga mina Yuda metoya baisa matausina.15Mitaga avai tuta bogwa babutugigai matausina, igau tuvaila banokapisi matausina. E yeigu bakaimilivau boda makwaisina kwaitala kwaitala balau osi pwaipwaia deli osi valu tatousi.16E kidamwa bogwa leikatotusi metoya oninasi komwaidona e bidubumaisi si tapwaroru ulo tomota deli bilivalasi biga katotila mwau kawasi, ‘Mokwita goli Guyau Tosivagasi’ - makawala matausina okwaitala eivakadaisi ulo tomota bilivalasi biga katotila mwau oyagala Beali - oluvi yeigu bakommoli matausina e bavigaki ulo tomota tatougu e bisibwabwailasi.17Mitaga kidamwa avai boda mabudosina gala bikabikaulasi, yeigu basabu matausina e bakatumtuwoli wala. Ka, yeigu Guyau bogwa lalivala.”
expand_more
Search