भज़न87
कोराह खिंबा आल़ैओ भज़न
1बिधाता च़िणीं आपणीं नगरी पबित्र धारा प्रैंदै,2सह झ़ूरा तैहा नगरी लै ज़िधी याकबे आद-लुआद आसा बस्सै दै।3तूह ज़ुंण परमेशरे नगरी आसा, शुण, तेरी शोभे बारै बोला एही बित्ती-बित्ती गल्ला।4मिसर, बाबेल, पलिश्ती, सूर अर कूश आसा इहै देश ज़ेतो तम्हां का थोघ आसा, इना देशे लोग बोला इहअ, “हाम्हैं आसा एरुशलेम नगरी हुऐ ज़ल्मैं दै।”5परम प्रधान परमेशरा दैणीं सियोन नगरी लै एही बर्गत कि तेखअ बोल़णअ सोभी लोगा इहअ, “हाम्हैं बी आसा इधी हुऐ ज़ल्मैं दै।”6बिधाता डाहणैं आपणैं लोगे नाअं बही दी लिखी, अर तिन्नें ज़ल्म भूमी बी तिधी।7तिंयां बी लागणै सोभै नाच़दै-गांदै अर इहअ बोल्दै, “म्हारी ज़िन्दगीओ मूल़ बी आसा एरुशलेम नगरी।”Beyond Translation