भज़न67
तारा आल़ै बाज़ै संघै गाज़ै-बाज़ै आल़ेए सैणैं लै भज़न, गिह
1हे बिधाता, हाम्हां लै दै जश अर बर्गत, हाम्हां बाखा भाल़ हास्सदी अर प्रैश्शै मुंहैं।2सारै संसारा का लोल़ी थोघ लागअ कि तूह किज़ै च़ाहा, सोभी देशा का लोल़ी हाम्हां बच़ाऊंणे तेरी तागत शुझुई।3हे बिधाता, सोभी देशे लोगै लोल़ी तेरी ज़ै-ज़ैकार किई, अर सोभी लोल़ी तेरअ शूकर किअ।4सोभी देशै लोल़ी तेरी ज़ै-ज़ैकारे भज़न बोलै, किल्हैकि तंऐं किअ सोभी लोगो नसाफ, अर सोभी देशा लै सलाह बी दैआ तूह ई।5हे बिधाता, सोभी देशे लोगै लोल़ी तेरी ज़ै-ज़ैकार किई, अर सोभी लोल़ी तेरअ शूकर किअ।6ज़ैगा-ज़िम्मीं हेरी फसल दैई, म्हारै परमेशर बिधाता दैनी हाम्हां लै बर्गत।7आजू बी भेटणीं हाम्हां बिधाता का बर्गत ई, संसारे सोभी लोगै लोल़ी बिधातो अदर किअ।Beyond Translation