भज़न113
1बिधाते ज़ै-ज़ैकार करा। ज़ुंण तम्हैं तेऊए च़ाकरी करा, तम्हैं करा तेऊए ज़ै-ज़ैकार।2बिधाते ज़ै-ज़ैकार लोल़ी आझ़ा पोर्ही सारी सदा हुई।3पुर्बा ओर्ही पछ़मा तैणीं करा सोभै बिधाते नाओंए ज़ै-ज़ैकार।4बिधाता करा सोभी देशा प्रैंदै राज़, तेऊओ प्रतप्प आसा सारै भ्रमंडा का बी उछ़टअ।5म्हारै परमेशर बिधाता ज़िहअ निं होर कोहै आथी, सोभी का उछ़टै दी आसा सह ई बेठअ द।6पर सह हआ तिधा का उंधै पृथूई भाल़अ लागअ द।7सह झ़ैऊआ रैनै-गरीबा माट्टै अर छ़ारे रूल़ी जैंदरा का उझै,8ताकि सह तिन्नां आपणीं परज़े सैणैं संघै राज़ करना लै साझ़ू हई सके।9ज़हा बेटल़ीओ हुअ-ज़ाअ निं आथी, तैहा लै दैआ सह लुआद अर तैहा भेटा खुशी। बिधाते करा ज़ोरै-ज़ोरै ज़ै-ज़ैकार।
Beyond Translation