1 इतिहास27
1इज़राईले सैना ती बारा दला दी बांडी दी। हर भिन्नैं करा त च़ौबी हज़ार पल़टणो एक-एक दल आपणीं-आपणीं बारी दी राज़े च़ाकरी। इज़राईली टोलीए सैणैं अर कार-करिंदै मांझ़ै हआ तै तिन्नां दला प्रैंदै एकी-एकी भिन्नैं लै ज़ुदै-ज़ुदै सैनाध्यक्ष:2च़ैत्रे भिन्नैं ती च़ौबी हज़ार पल़टणें दला प्रैंदै जबदीएलो शोहरू जाशोबीमे बारी।3सह थिअ यहूदा गोत्रे फिरिस टोली का अर च़ैत्रे भिन्नैं सोभी दलपति अर सैनापति प्रैंदै सैनाध्यक्ष।4बशाहे भिन्नैं लै थिअ च़ौबी हज़ार पल़टणें दुजै दला प्रैंदै अहोह टोली का दोदी सैणअ। मिकलोत थिअ तेऊ दलो सैनापति।5ज़ेठै भिन्नैं लै थिअ च़ौबी हज़ार पल़टणें चिऐ दला प्रैंदै जहोयादा प्रोहतो शोहरू बेनियाह सैनाध्यक्ष।6बेनियाह त राज़ै दाबेदे तिहा जोधै प्रैंदै प्रधान अर तेऊओ शोहरू अमीजाबाद थिअ तेऊ दलो सैनापति।7जोआबो भाई असाहेल थिअ च़ौबी हज़ार पल़टणें च़ौथै दलो सैनाध्यक्ष ज़सरी बारी शाल़्है एछा ती। असाहेलो शोहरू जबदीया थिअ तेऊ दलो सैनापति।8इज्राही टोली का शमहूत थिअ च़ौबी हज़ार पल़टणें पांज़ूऐ दलो सैनाध्यक्ष ज़सरी बारी शाऊंणैं एछा ती।9तकोआ नगरी का इकेशो शोहरू ईरा थिअ च़ौबी हज़ार पल़टणें छ़हुऐ दलो सैनाध्यक्ष ज़सरी बारी भदरै एछा ती10एप्रैमे आद-लुआदा मांझ़ै पेलोन नगरी का हेलेस थिअ च़ौबी हज़ार पल़टणें सातुऐ दलो सैनाध्यक्ष ज़सरी बारी शऊजै एछा ती।11जेराह टोलीओ हुशाई नगरी का सिबकै थिअ च़ौबी हज़ार पल़टणें आठुऐ दलो सैनाध्यक्ष ज़सरी बारी काती एछा ती।12बिन्यामीने आद-लुआदा मांझ़ै अनातोत नगरी का एबीएजेर थिअ च़ौबी हज़ार पल़टणें नहुऐ दलो सैनाध्यक्ष ज़सरी बारी मकशीरै एछा ती।13नतपाह नगरी का जेराह टोलीओ महरै थिअ च़ौबी हज़ार पल़टणें दसुऐ दलो सैनाध्यक्ष ज़सरी बारी पोशै एछा ती।14एप्रैमे आद-लुआदा मांझ़ै पिरातोन नगरीओ बेनियाह थिअ च़ौबी हज़ार पल़टणें गैर्हुऐ दलो सैनाध्यक्ष ज़सरी बारी माघै एछा ती।15ओतनिएले आद-लुआदा मांझ़ै नतपाह नगरी का हेलदाई थिअ च़ौबी हज़ार पल़टणें बार्हूऐ दलो सैनाध्यक्ष ज़सरी बारी फागणै एछा ती।16इज़राईली गोत्रा लै थिऐ ईंयां सैणैं दरोगै डाहै दै: रूबेन गोत्रा लै थिअ बेन-ज़िक्रीओ शोहरू एलीआजर दरोगअ। शमौन गोत्रा लै थिअ शपताहो शोहरू माकाहा दरोगअ।17लेबी गोत्रा लै थिअ बेन-कमूएलो शोहरू हशाबिया दरोगअ। हारणे आद-लुआदा लै थिअ सदोक दरोगअ।18यहूदा गोत्रा लै थिअ एलीहू दरोगअ ज़ुंण दाबेदो भाई थिअ। इस्साकार गोत्रा लै थिअ बेन-मिकाईलो शोहरू ओमरी दरोगअ।19ज़बलून गोत्रा लै थिअ बेन-ओबेदियो शोहरू इशमाया दरोगअ। नप्ताली गोत्रा लै थिअ बेन-अजरीएलो शोहरू जरमोत दरोगअ।20एप्रैम गोत्रा लै थिअ अजाज्यो शोहरू होशे दरोगअ। मनिश्शे गोत्रा मांझ़ै आधै ज़ुंण जरदण नदी पार पछ़मा बाखा बाढै तै बस्सै दै, तिन्नां लै थिअ पदायो शोहरू जोएल दरोगअ।21मनिश्शे गोत्रा मांझ़ै आधै ज़ुंण जरदण नदी आर पुर्बा बाखा बाढै गलाद तै बस्सै दै, तिन्नां लै थिअ बेन-जकर्यो शोहरू ईदू दरोगअ। बिन्यामीन गोत्रा लै थिअ अबनेरो शोहरू जासीएल दरोगअ।22दान गोत्रा लै थिअ बेन-जेरोहामो शोहरू अजरेल दरोगअ।
ईंयां एतरै सैणैं थिऐ इज़राईली गोत्रा लै दरोगै छ़ांटै दै।23इज़राईला दी ज़ुंण बिहा साला का होछ़ी अमरे थिऐ, तिन्नें निं राज़ै दाबेदै गणांई किई आथी। किल्हैकि बिधाता त इहअ बोलअ द कि इज़राईले आद-लुआद लोल़ी सरगे तारै ज़ेही खास्सी हुई।24सरूयाहो शोहरू जोआब त सोभी इज़राईलीए गणांई करदअ लागअ द पर सह निं तेता पूरी करी सकअ। तैहा गणांई करनै पिछ़ू पल़अ इज़राईली लै बिधातो कोप। इहअ करै निं राज़ै दाबेदै इतिहासे कताबा दी लिखअ द आथी कि पठी इज़राईली असली दी आसा केतरै थिऐ। राज़े ज़ैदाते दरोगै
ईंयां एतरै थिऐ राज़े ज़ैदाता सभाल़दै ज़ुदै-ज़ुदै दरोगै बणाऐं दै:25आदीएलो शोहरू अज़मबेथ राज़े मैहले भढारो दरोगअ। राज़े ज़ुंण भढार सारै इज़राईल देशै नगरी, गहल़ै अर गराऊंऐं थिऐ, तेतो दरोगअ थिअ उज़ियाहो शोहरू जोनातान।26कालूबो शोहरू एज्री थिअ राज़े ज़िम्मीं दी काम करनै आल़ै बेठूओ दरोगअ।27रामाह नगरी का शिमी थिअ राज़े सोभी दाखे बागो दरोगअ। शापाम नगरीओ जबदी थिअ तेऊ संघै दाखे रसे भढारो दरोगअ।28गदेरा नगरीओ बाल-हनान थिअ यहूदा दखण बाखा जैतून अर फेडूए बूटे बागो दरोगअ जैतूने सोभी तेले भढारो दरोगअ थिअ जोआश।29शारोन सऊंऐं मुल्खै गाऊई-बल्दो दरोगअ थिअ शारोन नगरीओ शितराई। शारोन धारा बाखा खागै डागै-धणों दरोगअ थिअ अदलाईओ शोहरू शापात।30सोभी ज़ैगा राज़े ऊँटो दरोगअ थिअ इशमाईली ओबील। सोभी ज़ैगा राज़े ज़ेतरी गाधी थिई, तिन्नों दरोगअ थिअ मरनोत नगरीओ जेहदीया।31हागार नगरीओ जाजीज थिअ राज़ै दाबेदे सोभी भेडा-बाकरीए हेल़्हीओ दरोगअ।32राज़ै दाबेदे च़ाच़ूओ शोहरू जोनातान थिअ शास्त्री अर तेऊओ काईथ बी, सह दैआ त बडी सैणीं सलाह। सह अर हाकमोनीओ शोहरू जेहीएल थिऐ राज़ै दाबेदे बज़ीर अर राज़े शोहरू लै गूरू बी थिऐ तिंयां ई।33आहीतपेल बी थिअ राज़ैओ मंत्री अर अरेकी नगरीए हुशाई संघै थिई राज़ै दाबेदे साथ अर सह बी थिअ तेऊओ खास सलाह दैणैं आल़अ बज़ीर।34आहीतपेला मरनै का बाद तै बेनियाहो शोहरू जहोयादा अर अबतार राज़ै दाबेदे बज़ीर।
जोआब थिअ इज़राईले सारी सैना प्रैंदै सैनापति।
ईंयां एतरै सैणैं थिऐ इज़राईली गोत्रा लै दरोगै छ़ांटै दै।23इज़राईला दी ज़ुंण बिहा साला का होछ़ी अमरे थिऐ, तिन्नें निं राज़ै दाबेदै गणांई किई आथी। किल्हैकि बिधाता त इहअ बोलअ द कि इज़राईले आद-लुआद लोल़ी सरगे तारै ज़ेही खास्सी हुई।24सरूयाहो शोहरू जोआब त सोभी इज़राईलीए गणांई करदअ लागअ द पर सह निं तेता पूरी करी सकअ। तैहा गणांई करनै पिछ़ू पल़अ इज़राईली लै बिधातो कोप। इहअ करै निं राज़ै दाबेदै इतिहासे कताबा दी लिखअ द आथी कि पठी इज़राईली असली दी आसा केतरै थिऐ। राज़े ज़ैदाते दरोगै
ईंयां एतरै थिऐ राज़े ज़ैदाता सभाल़दै ज़ुदै-ज़ुदै दरोगै बणाऐं दै:25आदीएलो शोहरू अज़मबेथ राज़े मैहले भढारो दरोगअ। राज़े ज़ुंण भढार सारै इज़राईल देशै नगरी, गहल़ै अर गराऊंऐं थिऐ, तेतो दरोगअ थिअ उज़ियाहो शोहरू जोनातान।26कालूबो शोहरू एज्री थिअ राज़े ज़िम्मीं दी काम करनै आल़ै बेठूओ दरोगअ।27रामाह नगरी का शिमी थिअ राज़े सोभी दाखे बागो दरोगअ। शापाम नगरीओ जबदी थिअ तेऊ संघै दाखे रसे भढारो दरोगअ।28गदेरा नगरीओ बाल-हनान थिअ यहूदा दखण बाखा जैतून अर फेडूए बूटे बागो दरोगअ जैतूने सोभी तेले भढारो दरोगअ थिअ जोआश।29शारोन सऊंऐं मुल्खै गाऊई-बल्दो दरोगअ थिअ शारोन नगरीओ शितराई। शारोन धारा बाखा खागै डागै-धणों दरोगअ थिअ अदलाईओ शोहरू शापात।30सोभी ज़ैगा राज़े ऊँटो दरोगअ थिअ इशमाईली ओबील। सोभी ज़ैगा राज़े ज़ेतरी गाधी थिई, तिन्नों दरोगअ थिअ मरनोत नगरीओ जेहदीया।31हागार नगरीओ जाजीज थिअ राज़ै दाबेदे सोभी भेडा-बाकरीए हेल़्हीओ दरोगअ।32राज़ै दाबेदे च़ाच़ूओ शोहरू जोनातान थिअ शास्त्री अर तेऊओ काईथ बी, सह दैआ त बडी सैणीं सलाह। सह अर हाकमोनीओ शोहरू जेहीएल थिऐ राज़ै दाबेदे बज़ीर अर राज़े शोहरू लै गूरू बी थिऐ तिंयां ई।33आहीतपेल बी थिअ राज़ैओ मंत्री अर अरेकी नगरीए हुशाई संघै थिई राज़ै दाबेदे साथ अर सह बी थिअ तेऊओ खास सलाह दैणैं आल़अ बज़ीर।34आहीतपेला मरनै का बाद तै बेनियाहो शोहरू जहोयादा अर अबतार राज़ै दाबेदे बज़ीर।
जोआब थिअ इज़राईले सारी सैना प्रैंदै सैनापति।
Beyond Translation