Zabuli94kdc_pbt

ZABULI YA 94

1Go Mndewa Imulungu,Imulungu uwabwezelaga iwanhu gehile,gweye Imulungu uwabwezelaga iwanhu gehile,umwemwese sambi.2Inuka gweye uwatagusaga iwanhu wa isi yose,uwabwezele gaja golondigwa iwanhu wamemile bezi.3Mbaka lini iwanhu otenda gehile odeng'helela?Go Mndewa Imulungu, mbaka lini?4Ogida mbuli za bezi,wose otenda gehile wamema kuitapa.5Go Mndewa Imulungu, lola owahonda wanhu zako,owadununza uhazi wako.6Omkoma mgane na munhu baki,owachinja wana wakiwa.7Na hewo olonga, “Mndewa Imulungu halola,Imulungu wa Yakobo hajuwa bule.”
8Tegelezeni mweye iwabozi hagati ha iwanhu zangu,mweye wabozi lini mokuwa na nzewele?9Vino ayo yekile gwiti sikuyahulike?Ayo yalumbile siso sikuyalole?10Ayo yowazuma iwanhu wa isi yose sikuyakoboze?Ayo yowafunza iwanhu sikuyajuwe?11Mndewa Imulungu kogajuwa magesa ga iwanhu,kojuwa kamba hagafaya.
12Go Mndewa Imulungu,kamweda imunhu yozumwa na gweye,imunhu yofunzwa kwa malagizo gako.13Komtenda yabwihile siku za magazo,mbaka simo vonda dihimbigwe mbuli ya iwanhu wehile.14Kwavija Mndewa Imulungu hawalema wanhu zake,hauleka uhazi wake.15Nhaguso yokwima kabili kuna ihaki,wose wene mizoyo igoloke oikweleleza.
16Nani yonda yanigombele niye mbuli ya iwanhu wehile?Nani yonda yanitaze mbuli ya iwanhu wehile?17Maza Mndewa Imulungu sambi yanitaze himahima,nahakalile tuluu mwiifa.18Vinongile, “Mgulu wangu otelebuka.”Go Mndewa Imulungu, unogelo wako hawishaga unigoga.19Ving'halile nogwaya mmoyo wangu,tamanilo jako dinigwaa deng'ho mmoyo wangu.
20Gweye hudaha kuilumba na watawala olema haki,otunga malagizo ga kugombela gehile.21Oilumba kuwavamila wene haki,kuwatagusa ifa iwanhu hawatendile gehile.22Lakini Mndewa Imulungu kawa ngome yangu,Imulungu wangu kawa dibwe da kuifisila.23Heyo kowaliha kwa nzambi zao,na kowabananga kwa gehile gao,Mndewa Imulungu, Imulungu wetu kowabananga.
expand_more
Search