Zabuli86kdc_pbt
ZABULI YA 86
(Kupula kwa Daudi.)
1Gweye Mndewa Imulungu tegeleza na widike,kwavija niye na mkiwa na ngaengae.2Kaliza ugima wangu, kwavija niilava kumwako,gweye ayo Imulungu wangu,mkombole msang'hanaji wako yokutamanila.3Gweye Mndewa, unyonele bazi niye,kwavija nokukema imisi yose.4Mgwelele msang'hanaji wako deng'ho,kwavija kumwako gweye Mndewa,nokwinula loho yangu.5Gweye Mndewa gweye kunoga,na gweye kogela kumgongo,kumema unogelo hawishaga kwa iwanhu wose okukema.6Gweye Mndewa Imulungu, tegeleza vinikupula,tegeleza kililo changu unyonele bazi.7Mna gamagazo gangu nokukema,kwavija gweye konidika.8Gweye Mndewa,hagati ya imilungu haduhu kamba gweye,haduhu yotenda kamba gweye.9Gweye Mndewa,iwanhu wa isi zose ziulumbile okwiza na okutambikila gweye,oditogola twaga jako.10Kwavija gweye ayo imkulu na kotenda mbuli za kukanganya,gweye wiiyeka ayo Imulungu.11Gweye Mndewa Imulungu nifunze nzila zako,na niye nochola mnzila yako ya kweli,nigwelele moyo hauigolile,ili ndahe kudidumba twaga jako.12Gweye Mndewa, Imulungu wangu,nokushukulu kwa moyo wose,noditogola twaga jako milele.13Kwavija unogelo wako hawishaga mkulu kumwangu,kunikombola kulawa kuzimu.14Imulungu iwanhu oitapaga onivamila,bumbila da iwanhu wasede dozahila ugima wangu,hawakugelegeza gweye.15Lakini gweye Mndewa,kwa Imulungu umemile bazi na ng'hekewa,hugevuzika himahima,ila kumema unogelo hawishaga na kutamanilwa.16Nihindukile na nyonele bazi,mgwelele msang'hanaji wako nguvu zako,mkombole mwana wa msang'hanaji wako wa kitwanzi.17Ngwaa kilaguso cha ganogile,ili iwanhu onihila wachone na wagwe kinyala,kwavija gweye Mndewa Imulungu,kunitaza na kunihembekeza.