Zabuli35kdc_pbt
ZABULI YA 35
(Zabuli ya Daudi.)
1Go Mndewa Imulungu, uwaleme iwanhu onilema niye,uwatowe iwanhu onitowa niye.2Usole ngao yako na kikimilo chako,winuke wize unitaze.3Ulave mgoha wako na sime jako uwakimile awo onikweleleza,ilongele loho yangu kamba konikombola.4Waleke wagwe kinyala na wabezigwe,awo okweleleza ugima wangu.Wabwele kuchugu kwa kinyala,awo ogelegeza gehile kumwangu.5Waleke wawe kamba mipepe ihembelusigwa na beho,na imsenga wa Mndewa Imulungu yawawinge!6Leka nzila zao ziwe na ziza na kutelebuka,na msenga wa Mndewa Imulungu yawakweleleze.7Sitendile dihile ila wanitegela lwavu,sitendile dihile ila wanihimbila simo.8Leka gehile gampate kwa kusinhukiza.Leka ulwavu luyategile lumgoge heyo mwenyego,leka yagwile mumo na yafe.9Abaho loho yangu yomdeng'helela Mndewa Imulungu,koninula muukombola wake.10Mizege yangu yose yolonga,“Go Mndewa Imulungu, nani kamba gweye?Komkombola mkiwa kulawa kwa ayo yeli na nguvu,komkombola mkiwa na ngaengae kulawa wa ayo yomwibila.”11Wasindila wa gehile okwima,oniuza mbuli sizijuwile.12Oniliha gehile hanhu ha ganogile,hata loho yangu ina lusikisiki.13Lakini viwakugule hewo, niye nivala magunia kulagusa kuiyalala,niye nifunga kuja, nipula akuno niidulika pala jangu,14nhenda avo kamba mbwigangu hebu ndugu yangu.Niidulika pala jangu kwa lusikisiki,kamba munhu yomuyalalila mamake.15Lakini niye vinigwile waiting'hana kunilonga.Waiting'hana kunivamila,wanhu siwajuwile wanivamila bila kuleka,16bila hishima wanibezeli,na wanidafunila meno gao.17Mbaka lini gweye Mndewa kolola tu?Unikombole kulawa mmagazo,ukombole ugima wangu unogile,kulawa kwa iwanhu onivamila kamba simba.18Nokushukulu mna umting'hano mkulu,mna ikibumbila cha wanhu nokutogola.19Sikuuwaleke iwanhu onihila ng'hani wanilonge vihile,awo onihila bila kilamuso wadeng'helele vinigaya.20Kwavija hawalonga tindiwalo,ila olonga gehile kwa awo iwahole mwiisi.21Na hewo ogubula milomo yao onilonga vihile,olonga, “Amweye! Amweye! Meso getu gona.”22Kona mwenyego gweye Mndewa Imulungu, sikuunyamale!Sikuuwe kutali na niye!23Lamuka, ukale meso ili utaguse mbuli ya ayo onihila,Imulungu wangu na Mndewa wangu.24Unitaguse kwa haki yako,gweye Mndewa Imulungu, Imulungu wangu,na sikuuwaleke wanilonge.25Sikuwalonge mmizoyo yao,Ona, vivo vitulonda,sambi walonge “Tummeza.”26Wagwe kinyala, waumbuke hamoja,awo odeng'helela mbuli zangu vizichola vihile.Wagwe kinyala na kugaya awo oikweza kumwangu.27Iwanhu odeng'helela haki yangu,walonge, “Mndewa Imulungu mkulu,konogezwa na ukumweda kwa msang'hanaji wake.”28Lulimi lwangu lolonga haki yako,na lolonga nhogolwa zako siku zose.