Zabuli141kdc_pbt
ZABULI YA 141
(Zabuli ya Daudi.)
1Go Mndewa Imulungu, nokukema gweye,wize kumwangu himahima,uhulike sauti yangu nahakukema.2Kupula kwangu kuvike kuulongozi wako kamba yosi da ubani usomigwa,kwinula kwangu makono uchanha kuwe kamba nhosa ya ichungulo.3Go Mndewa Imulungu, ika mkalizi kumulomo wangu,ika ukalizi mmulomo wangu.4Sambi uutogolele moyo wangu utende gehile,sambi undeke nhende gehile,sambi niilumbe na wanhu otenda gehile,hebu kuja ndiya mzinyimwilinyimwili zao.5Vinoga munhu mwene haki yanizume kwa kunikoboza,mbuli ayo ya bazi,leka yanikomhokele,mbuli ayo mavuta mdipala jangu,pala jangu hadiilema bule.Lakini kupula kwangu siku zose mbuli ya gehile ga wanhu wehile.6Watawala zao otupigwa hasi kulawa kumibwe,wanhu wehile oifunza kamba mbuli zangu zikala kweli.7Mizege yao yopwililisigwa kuzimu,kamba ngodi zituligwe vihande vihande!8Lakini niye nokutamanila gweye Mndewa Imulungu, Imulungu wangu,nokukimbilila gweye,sambi unileke nidanganike.9Unikalize na mitego iwanitegele,mitego itegigwe na awo otenda gehile.10Wanhu wehile wanamate mmizavu yao wenyego,kipindi niye nobita vinogile.