Zabuli118kdc_pbt

ZABULI YA 118

1Mshukuluni Mndewa Imulungu kwavija kanoga,na unogelo wake hawishaga osigala milele.2Wanhu wa Izilaeli walonge,“Unogelo wake hawishaga osigala milele.”3Wanhu wa ulelo wa Haluni walonge,“Unogelo wake hawishaga osigala milele.”4Wanhu omdumba Mndewa Imulungu walonge,“Unogelo wake hawishaga osigala milele.”
5Mmagazo gangu nimpula Mndewa Imulungu,heyo kanihulika na kandekesa.6Mndewa Imulungu kahamoja na niye, sidumba kinhu.Munhu konitenda choni?7Mndewa Imulungu kahamoja na niye,heyo konitaza,iwanhu onihila nowona ohumwa.8Vinoga kumkimbilila Mndewa Imulungu,kubanza kuwatamanila wanhu.9Vinoga kumkimbilila Mndewa Imulungu,kubanza kuwatamanila iwakulu wa mwiisi ino.
10Iwanhu wa isi zose wanizunguluka,lakini kwa twaga da Mndewa Imulungu niwakanha wose.11Wanizunguluka kila mwambu,lakini kwa twaga da Mndewa Imulungu niwakanha wose.12Wanimemela kamba nyuki,lakini wasakazwa kamba miba ilukule,kwa twaga da Mndewa Imulungu niwakanha wose.13Nisung'higwa kuchugu na nilonda kugwa,lakini Mndewa Imulungu kanitaza.14Mndewa Imulungu ayo nguvu yangu na lwila lwangu,heyo ayo ukombola wangu.
15Sauti za deng'ho zohulikigwa mvibanda va iwanhu wene haki,“Mkono wa ukudila wa Mndewa Imulungu utenda mbuli ng'hulu!16Mkono wa ukudila wa Mndewa Imulungu uhuma,mkono wa ukudila wa Mndewa Imulungu utenda mbuli ng'hulu!”
17Sidanganika bule ila nokala mgima,na nogasimulila gaja gayatendile Mndewa Imulungu.18Mndewa Imulungu kanikoboza ng'hani,lakini handekile nife.
19Nivugulileni imilango ya haki ya ng'anda ya Imulungu,niye nokwingila na nomshukulu Mndewa Imulungu.
20Uno awo mulango wa Mndewa Imulungu,wanhu wene haki obitila mumo.
21Nokushukulu kwavija kunidika,gweye kwa ukombola wangu.
22Dibwe dilemigwe na wazengaji,diwa dibwe kulu da chandusilo.23Mbuli ayo kaitenda Mndewa Imulungu,na siye yotukanganya.24Ino ayo siku yaitendile Mndewa Imulungu,tudeng'helele na kusekelela.25Go Mndewa Imulungu, tukombole,go Mndewa Imulungu, ututende tumwede.
26Yamwede ayo yokwiza kwa twaga da Mndewa Imulungu!Kulawa mng'anda ya Mndewa Imulungu,tokugwaa nhogolwa.27Mndewa Imulungu ayo Imulungu,kautenda mulangaza wake umwemwese kumwetu.Gogeni mibunho ya nyimwilinyimwili,muchole mbaka muupango wa nhosa.
28Gweye kwa Imulungu wangu,na niye nokushukulu,gweye kwa Imulungu wangu,na niye nokwinula.
29Mshukuluni Mndewa Imulungu kwavija kanoga,na unogelo wake hawishaga osigala milele.
expand_more
Search