Zabuli115kdc_pbt

ZABULI YA 115

1Go Mndewa Imulungu, sikututogoligwe siye,ila ditogole twaga jako,mbuli ya unogelo wako hawishaga,na mbuli ya kutamanilwa kwako.
2Habali iwanhu wa isi ziyagwe olonga,“Imulungu wao kakwahi?”3Lakini Imulungu wetu ka kuulanga,kotenda chochose kimnogela.
4Milungu yao itendigwa kwa shaba na zahabu,azo sang'hano za makono ga iwanhu.5Vina milomo lakini havilonga,vina meso lakini havilola,6vina magwiti lakini havihulika bule,vina mhula lakini havinusa bule,7vina makono lakini havigoga kinhu,vina magulu lakini havigenda bule,havidaha kulava sauti kulawa mmitundu melo yao.8Wose ovitenda waigala navo,vivija na iwanhu ovitamanila.
9Mweye iwanhu wa Izilaeli, mtamanileni Mndewa Imulungu,heyo ayo yowataza na ngao yenu.10Mweye ulelo wa Haluni,mtamanileni Mndewa Imulungu,heyo ayo yowataza na ngao yenu.11Mweye mumdumba Mndewa Imulungu,mtamanileni Mndewa Imulungu,heyo ayo yowataza na ngao yenu.
12Mndewa Imulungu kotukumbuka na kotutenda tumwede,kowatendela ganogile iwanhu wa Izilaeli,kowatendela ganogile ulelo wa Haluni.13Kowatendela ganogile wose omdumba,kowatendela ganogile wakulu na wadodo.
14Mndewa Imulungu yawatende mwengezeke,yawatende mwengezeke mweye na ulelo wenu.15Mndewa Imulungu yalumbile ulanga na isi yawatendele ganogile.16Ulanga wake Mndewa Imulungu,ila isi kawagwaa iwanhu.17Iwanhu wafile hawamtogola Mndewa Imulungu,awo iwanhu ochola mwiisi ya kunyamala tuluu.18Ila siye tuli wagima tomtogola Mndewa Imulungu,tomtogola sambi na milele.Mndewa Imulungu yatogolwe.
expand_more
Search