Zabuli108kdc_pbt
ZABULI YA 108
(Lwila na Zabuli ya Daudi.)
1Gweye Imulungu, moyo wangu ugangamala,nokwimba lwila lwa nhogolwa kwa moyo wangu wose.2Lamuka gweye bango na kilimba,noulamusa imitondo.3Gweye Mndewa Imulungu nokushukulu hagati ha iwanhu,nokwimbila lwila hagati ha iwanhu wa isi zose.4Kwavija unogelo wako hawishaga uvika mbaka uchanha kuulanga,na kutamanilwa kwako mbaka mmawingu.5Gweye Imulungu utogolwe uchanha kuulanga,na hasi mwiisi ukale ukulu wako.6Awo wauwanogela wakomboligwe,ukombole kwa mkono wako wa ukudila na unidike.7Imulungu kalonga kwa ukung'ala kwake,“Kwa kuhuma noigola isi ya Shekemu,na nodipima vihande vihande bonde da Sukoti.8Isi ya Gileadi yangu niye na isi ya Manase yangu niye,isi ya Efulaimu ayo kamba kofia yangu ya zuma,isi ya Yuda ayo kamba fimbo yangu ya utawala.9Isi ya Moabu ayo kamba bakuli jangu da kunawila,kwa isi ya Edomu notupa kilatu changu,na niye nodeng'helela kwa kuwahuma Wafilisiti.”10Nani yonda yanigale kudibuga dizungulukwe na luwa lwa mabwe?Nani yonda yanilongoze mbaka Edomu?11Gweye, Imulungu siyo gweye utulemile siye?Gweye Imulungu hucholile na siye kuing'hondo.12Ututaze mbuli ya iwanhu otwihila,kwavija msaada wa munhu haufaya kinhu.13Imulungu yahakala na siye tohuma,na heyo kowabojoga hasi iwanhu otwihila.