Zabuli10kdc_pbt

ZABULI YA 10

1Go Mndewa Imulungu,habali kokwima kutali?Habali koifisa mna ikipindi cha magazo?
2Mkibuli chake munhu yehile komsaka munhu yonyolila,munhu yonyolila konamatwa mumtego wa munhu yehile.3Munhu yehile koigodela kusulukila mmoyo wake,munhu mmelo komduwila na komuliga Mndewa Imulungu.4Munhu yehile, koitapa na hamzahila Imulungu,heyo kogelegeza, “Haduhu Imulungu.”
5Nzila za munhu yehile zogendelela goya,kumwake heyo nhaguso zako za kutali na magesa gake,na kowabezeli iwanhu omwihila.6Kogelegeza mmoyo wake, “Haduhu kinhu chonda kingaze,sigaya bule muugima wangu.”7Mulomo wake umema kuduwila na uvizi na kunanga,hakawa kulonga mbuli za kugevuza na gehile.
8Koifisa ili yavamile kuna ivijiji,hanhu ha kinyelegezi kowakoma iwanhu hawatendile dihile.Kokala meso ili yamvamile mkiwa.9Koifisa kinyelegezi kamba simba yosaka,koifisa ili yamvamile mkiwa.Komgoga mkiwa yahamkwesela behi mna ulwavu lwake.
10Mkiwa kovamiligwa na kobwanhigwa hasi,kobwanhigwa kwa usede wa munhu yehile.11Kolonga mmoyo wake, “Imulungu kaisemwa,kaifisa kihanga chake, na halola kinhu!”
12Go Mndewa Imulungu winuke,inula mkono wako uwakoboze,sikuuwasemwe iwanhu odununzwa.13Habali imunhu yehile yambezeli Imulungu na kulonga mmoyo wake,“Honda yanikeme nimpetele zinhendile.”14Lakini gweye kowalola iwanhu ogaya na kudununzwa,na gweye kowataza siku zose.Mkiwa kokutamanila gweye Imulungu,gweye kowataza wana wakiwa.
15Uzibene zinguvu za munhu yehile na imunhu yotenda ganyolodoke,ugakoboze gehile gake mbaka sikuugone kabili.16Mndewa Imulungu ayo Mndewa siku zose na milele!Iwanhu wa isi obanangigwa wasegele mwiisi yake.
17Gweye Mndewa Imulungu, kuhulika viyopula imunhu mkiwa,komgangamiza na komgwaa nguvu,kotegeleza kililo chake.18Kowatendela ganogile iwana wakiwa na iwanhu odununzwa,ili imunhu yeli ulongo tu sikuyawadumbize iwanhu.
expand_more
Search