Nongezi16kdc_pbt
1Munhu kopanga mipango yake mmoyo,lakini majibu ga lulimi golawa kwa Mndewa Imulungu.2Munhu kokona nzila zake zose zinoga mgameso gake,lakini Mndewa Imulungu ayo yopima gaja geli mmoyo wa munhu.3Mtamanile Mndewa Imulungu mzisang'hano zako,na heyo koivikiza mipango yako yose.4Mndewa Imulungu kalumba kila kinhu kamba viyalondile,hata wanhu wehile kwa siku ya gehile.5Kila munhu yeli na moyo wa kibuli, ngevuzo kwa Mndewa Imulungu,kweli munhu kamba ayo honda yalekigwe kutagusigwa.6Kwa unogelo hawishaga na kutamanilwa munhu kosegesiligwa nzambi,kwa kumdumba Mndewa Imulungu koinega na gehile.7Mndewa Imulungu yahanogelwa na nzila za munhu,kowatenda waja omwihila wawe mbwiga zake.8Vinoga kupata vinhu kidogo kwa haki,kubanza kuwa na vinhu vingi kwa uzulumati.9Moyo wa munhu ogelegeza nzila yake,lakini Mndewa Imulungu kolongoza hatuwa zake.10Mndewa kosang'hana mbuli kwa kulongozigwa na Mndewa Imulungu,yahalava nhaguso habananga.11Vipimo na mizani ya haki volawa kwa Mndewa Imulungu,mabwe gose geli mmifuko yakupimila ayo sang'hano yake.12Ngevuzo kwa wandewa kutenda gehile,kwavija kigoda cha undewa chogangamala kwa haki.13Mndewa konogelwa na munhu yolonga haki,na komnogela munhu yolonga ukweli.14Ng'hasiliki ya mndewa kamba msenga wa ifa,lakini munhu yeli na ubala koihoza.15Kihanga cha mndewa chahang'ala kuna ugima,unogelwa wake kamba wingu da masika.16Kuwa na ubala kunoga kubanza zahabu,kuwa na nzewele kunoga kubanza shaba.17Nzila ya wanhu weli na haki yoinega na gehile,yoilola goya nzila yake koulola goya ugima wake.18Kibuli chogala kubanangigwa,kuitapa kogala kugwa.19Vinoga kuwa muhole hamoja na wakiwa,kubanza kuigolela vinhu va ubokaji hamoja na weli na kibuli.20Yogagoga malagizo komweda,kamweda munhu ija yomtamanila Mndewa Imulungu.21Yeli na ubala muumoyo wake kokemigwa munhu mwene nzewele,umulile wa mbuli zake owakema wanhu.22Nzewele ayo nzasa ya ugima kwa munhu yeli nayo,lakini wabozi otagusigwa kwa ubozi wao.23Moyo wa munhu yeli na ubala omulongoza kugelegeza yang'hali hanalonga,kosang'hana mbuli zake zikeme wanhu.24Mbuli zinogile ziigala na uki,zamulile muumoyo na zolugwaa nguvu lukuli.25Hana nzila yokoneka kamba inoga kwa munhu,lakini uhelelo wake mwiiifa.26Kusulukila ndiya komtenda munhu yasang'hane sang'hano,kwavija nzala yake yomtenda yagendelele kusang'hana.27Munhu yehile kogelegeza kusang'hana gehile,mbuli zake kamba moto usakaza.28Munhu mvizi kogala ndwagi,kidelenya kowagola mbwiga.29Munhu msede komuhembekeza miyage,yamulongoze mwiinzila ihile.30Yombwibwidula siso katanda gehile,na yominula mulomo kolonda kusang'hana gehile.31Kulawa uhenga taji da ukulu,okoneka mwiinzila ya haki.32Yoleka kugevuzika himahima vinoga kubanza munhu yeli na nguvu,yoitawala loho yake kanoga kubanza munhu yodiboka buga.33Simbi yobwanhigwa ili gatangigwe gonda galawilile,lakini Mndewa Imulungu ayo yolamula.