1Uno awo ulonzi wa Sulemani.Mwana yeli na ubala kogala deng'ho kwa tatake,lakini mwana mbozi kogala lusikisiki kwa mamake.2Ugoli upatikana kwa gehile haufaya,lakini haki yokombola kulawa mwiiifa.3Mndewa Imulungu hawaleka wene haki wafe na nzala,lakini kokwasila kutali kusulukila kwa munhu yehile.4Unyeke ogala ukiwa,lakini mkono wa munhu yosang'hana sang'hano omgwaa ugoli.5Yeli na nzewele kolundiza hamoja kipindi cha kusenga,lakini yowasa kipindi cha kusenga, mwana yoigela kinyala.6Kumweda kokala kudipala da mwene haki,lakini mulomo wa munhu yehile umema usede.7Yeli na haki kokumbukigwa kwa ganogile,lakini yehile kosemwigwa kabisa.8Yeli na ubala mmoyo wake kobokela malagizo,lakini mbozi yeli na mbuli nyingi kobanangigwa.9Munhu yotenda mbuli zigoloke kokala goya,lakini yosagula nzila ihile kotangika.10Yokonyeza kwa nzila ihile kogala madununzo,na mbozi yeli na mbuli nyingi kobanangigwa.11Mulomo wa munhu yeli na haki nzasa ya ugima,lakini mulomo wa munhu yehile umema usede.12Kwiihila kogala ugomvi,lakini unogelwa ogubika ubananzi wose.13Mulomo wa munhu yotanga goya una ubala,lakini waja hawagelegeza goya ochapigwa mbalati mumgongo.14Weli na ubala okwika ngama ya kutanga vinhu,lakini lomo da mbozi dogala kunangika himahima.15Ugoli wa munhu, ayo ngome yake,ukiwa wa mkiwa awo umbananga.16Nhunza ya munhu yeli na haki awo ugima,lakini munhu yehile kohelela mwiifa.17Yotogola kuzumigwa kolongozela muugima,lakini yolema kuzumigwa kowalongoza wayagwe kwihile.18Yomwihila munhu kinyelegezi mtapitapi,na munhu kidelenya ayo mbozi.19Heli na mbuli nyingi hokuwa na gehile,lakini youkimila lulimi lwake kana nzewele.20Mbuli za munhu yeli na haki kamba shaba inogile,nzewele za munhu yotenda gehile haifaya kinhu chochose.21Mbuli za munhu yeli na haki zowafaya wengi,lakini wabozi ofa kwa kuleka kugelegeza goya.22Ganogile ga Mndewa Imulungu gago gogala ugoli,na hagahanganya na lusikisiki.23Munhu mbozi kosang'hana gehile kamba mdawalo,lakini munhu mwene nzewele kodeng'helela ubala.24Choodumba munhu yotenda gehile acho chonda kimulawilile,lakini choosulukila munhu yeli na haki acho chonda yagweleligwe.25Vulavumbi dahabita domsegesa munhu yehile,lakini yeli na haki kokala milele.26Kamba viili siki mgameno hebu yosi mgameso,vivo viyeli munhu mnyeke kwa mkulu wake.27Kumdumba Mndewa Imulungu kokwengeza siku za kuwa mgima,lakini miyaka ya wanhu osang'hana gehile yokuwa midodo.28Tamanilo da munhu yeli na haki dogala deng'ho,lakini tamanilo da munhu yehile dokwaga bule.29Mndewa Imulungu ayo ngome ya wanhu wang'alile,lakini kowabananga wanhu osang'hana gehile.30Wanhu wene haki honda wasegesigwe mwiisi,lakini watenda gehile honda wakale mwiisi.31Mulomo wa munhu mwene haki olava mbuli za ubala,lakini lulimi lwa munhu yehile lokanhigwa.32Milomo ya wanhu wene haki yotanga mbuli zonda zitogoligwe,lakini milomo ya wanhu osang'hana gehile yolonga gehile.