Wakolinto4
1Baho, Mulungu kwa bazi jake kaching'ha sang'hano ino na ivo hachifa moyo.2Chizileka mbuli zose za chinyala na za mchifiso, hachikala kaidi kwa uvwizi hebu kwa kuwagiza usenga wa Mulungu, ila kwa kuilonga ija kweli kwa kutogola wenyego kwa kulongozigwa na wanhu haulongozi ha Mulungu.3Kwavija, kama uno Usenga Unogile chiuligula uifisa, baho uifisa kwa waja wokwaga tu.4Wao hawatogola kwavija ija Mwenembago mlongoza isi ino kaugela ziza umanyi wao sekewaone hazelu bung'hulo da Usenga Unogile wa ukulu wa Kilisito, uja mfano wenele wa Mulungu.5Kwavija hachiiligulila wenyego, ila chomligula Yesu Kilisito kama Mndewa, na cheye wenyego chokua watumigwa wenu kwambuli yake.6Mulungu ija yalongile, “Bung'hulo na dibung'hule mdiziza!” Iyo yoibung'hulila mioyo yetu, na kuching'ha bung'hulo da umanyi wa ukulu wake wobung'hula mchihanga cha Kilisito.7Baho cheye chili na Muhe wa Mulungu uno, chabaha kama via va ulongo vija vitulika tu, ili iyoneke hazelu kua udaho uwo mkulu wolawa kwa Mulungu, wala haulawa kumwetu cheye.8Mala nyingi chodununzika, mbali hawachionela, chopotigwa kutogola mbali chogendelela,9chodununzika mbali Mulungu haleka kuchitaza, hata kama chibwanhigwa hasi mbali chikala ching'hali chigangamale.10Mazua gose chikala muibung'hukila kama viyakomigwe Kilisito, ili ugima wake Yesu ivija uwoneke mzing'huli zetu.11Enaa, mazua gose ga ugima wetu chigubikigwa na ifa ya Yesu, ili ugima wake uwoneke mzing'huli zetu zidanganika.12Ino yooneka kua mazua gose chodununzika na kua behi na kudanganika, na ivo mweye mobokela ugima.13Mayandiko ga Mulungu golonga, “Nimtogola Mulungu iyo maana nilonga.” Nacheye ivija chili na moyo uuja wa kutogola, cholonga kwavija chotogola.14Chovimanya kua ija yamzilibule Mndewa Yesu kokwiza kuchizilibula na cheye ivija kuilumba na Yesu na kuchika haulongozi hake hamwe na mweye.15Gose gano ni kwambuli yenu, hata unovu wa Mulungu wowavikila wanhu wengi ng'hani, na hewela nazo zongezeke ng'hani kwa ukulu wa Mulungu.16Kwambuli ino hachifa moyo, hata kama ng'huli zetu zolala na kubanangika, mbali mgati chotendigwa wa sambi chila zua.17Kugaya kuchipata ni kudodo, kaidi ni kwa chipindi tu, mbali yoching'ha ukulu kubita gaja matamanilo gose na uja ukulu wake ni mkulu ng'hani kubita madununzo.18Baho chobeta kwa kulolela si kwa vinhu tu vioneka ila vija havioneka. Kwavija vija vioneka ni va chipindi tu, mbali vija havioneka ni va mazua gose galibule uhelelo.
The Word for the World International