Wakolinto13
1Ino iyo mala yangu ya kadatu kwiza kumwenu. Mayandiko gandikigwa, “Chila mbuli yolamuligwa kwa ulonzi wa wanhu waidi hebu wadatu waonile.”2Nimala kulonga, na kama viiwile muumwanza wa kaidi, sambi nolonga kaidi nihawa kutali, vondanize siwaonela bazi waja wose watendile ubananzi mbali hawalondile kugalonga na kugaleka malozo gao na kumhindukila Mulungu, na ivija kwa waja wamwenga.3Moionela wenyego kua Kilisito kolonga mgati yangu. Kumwenu Kilisito si mzidilwa, baho udaho wake wosang'hanika hagati yenu.4Kwavija hata yahawa kawambigwa muumsalaba kwambuli ya uzidilwa, mbali sambi kana ugima kwa udaho wa Mulungu. Cheye ivija kwa uzidilwa choilumba nayo mbali chokala kwa udaho wa Mulungu.5Muilole goya mweye wenyego mpate kuvimanya kama kweli momtogola Mulungu. Muilole mweye wenyego. Ivo, hamvimanya kua Kilisito Yesu kamgati yenu? Kama sio, baho mweye mpotigwa.6Mbali notumanila kua mweye movimanya kua cheye hachipotigwe.7Chompula Mulungu sekemtende ubananzi wowose, mbali si kwambuli ya kuoneka kama wanhu wamalile kuhuma, hata yahawa cheye chooneka chipotigwa.8Kwavija hachidaha kuulema ukweli, ila udaho chili nao wa kugendelela na ukweli.9Chodeng'helela kua cheye ni wazidilwa, mbali mweye mna udaho, ivo chompulani mkale kwa kutogoligwa kwa chila chinhu.10Baho, nokwandika balua ino nihawa kutali, ili vondanivike kumwenu, sekeniwe na ludoko kumwenu kwa kutumila uja udaho yaning'ile Mndewa. Mndewa kaning'ha udaho wa kuwatenda mgangamale na wala si wa kubomola.11Mbwiga zangu, sambi niye nokomeleza kwa kumlagani! Mukale kwa kugangamala, gogeni ganilonga, mgese dimwe, kaleni kwa utindiwala. Nayo Mulungu yeli na wende na utindiwala kokala hamwe na mweye.12Ilamuseni kwa kulagusa wende wa Kilisito.13Wanhu wose wa Mulungu weli kuno wowalamuseni.14Unovu wa Mndewa Yesu Kilisito na wende wa Mulungu hamwe na Muhe wa Mulungu, vikale na mweye mose.
The Word for the World International