Wakolinto8
1Sambi kwambuli ya ndiya zitambikiligwe milungu ya nyang'iti. Chovimanya kua, “Cheye chose china umanyi,” mbali umanyi uwo wowatenda wanhu wawe na magoda, mbali wende wozenga wanhu kuwataza wamwenga.2Waja wotonga kua womanya chila chinhu, kweli hawavimanya chochose kama viilondeka.3Mbali yomtogola Mulungu, iyo Mulungu kommanya.4Kwaivo, kwa mbuli ya ndiya itambikigiligwe milungu ya nyang'iti, chovimanya kua milungu yanyang'iti si chinhu muuisi, kaidi chovimanya kua Mulungu ni imwe tu.5Hata kama hana vinhu vokemigwa “milungu,” muuisi hebu kuulanga kwa Mulungu, na hata kama hana “milungu“ na “wandewa.” wengi,6hata ivo, kumwetu cheye hana Mulungu imwe tu, Tata yalumbile vose, ija kwa mbuli yake cheye chabaha. Ivija hana Mndewa imwe tu Yesu Kilisito, ija kwa mbuli yake vinhu vose vilumbigwa, na cheye chokala kwambuli yake.7Mbali si chila munhu kana umanyi uno. Kwavija hana wanhu wamwenga weli na mazoela ga kufugamila milungu ya nyang'iti, wanhu waja mbaka vino sambi woja ndiya woiona ing'hali kama ndiya itambikiligwe milungu ya nyang'iti. Kwavija hawakangale kumtogola Mulungu, ivo wopotigwa kutogoligwa kumfugamila Mulungu.8Mbali ndiya haidaha kuchigala behi na Mulungu. Hata chahaleka kuja, hachongezekiligwa chinhu, chihaja hachongezeligwa chinhu chochose na Mulungu.9Mbali itiganyeni, umanyi wenu, sekeuwatende wahungukiligwe kumtogola Mulungu wagwe mmalozo.10Kwavija, munhu ija hakangale kumtogola Mulungu, yahakuona gweye uli na umanyi koja ndiya izo muing'anda ya milungu ya nyang'iti, ivo, hagesa mmoyo wake kuja ndiya ilavigwe kwa milungu ya nyang'iti?11Kwaivo miago iyo, hakangale kumtogola Mulungu ija Kilisito kadanganika kwambuli yake, kokwaga kwambuli ya umanyi wako.12Kwaivo, mweye muwagiza wayenu waja hawakangale kumtogola Mulungu watende malozo, na kuwalumiza mioyo yao, baho mokua momhasanya Kilisito mwenyego.13Kwaivo, yahawa ndiya iyo inija yomuhonza mtogola Kilisito miangu yatende malozo, baho sija nyama ng'o, sekenimuhonze miangu yagwe mmalozo.
The Word for the World International