BaRoma6
1Towhotini ngono? Tiyendile mbeli tili mujinyo, kudza kuti ngoni dziwande?2Akuzojalo! iswi takafa kujinyo; tingatjila tjini mulili kakale?3Kene amutoziba kuti toseni takabvubikiwa muna Khirisitu Yesu takabvubikiwa mukufa kukwe?4Takabiganyiwa naye ngebvubikiwa mulufu, kuyetila kuti sayikoku Khirisitu akamusiwa kubafi ngesimba laTate, naswi bo titjile mubutshwa gwebupenyu.5Hapa kuli kuti takabhatshanyiwa naye mulufu gunonga gugwe, towhobhatana naye kakale mukumuka kukwe.6Ngobe toziba kuti mbumbiko yedu whulukugwi yakakowhomegwa naye, kuyetila kuti mbili wematjinyo upaladziwe, kudze tisibe balanda bejinyo,7ngobe kene yani watjifa watjisunungugwa mujinyo.8Hapa kuli kuti takafa naKhirisitu, togalamoyo kuti towhotjila bo naye.9Ngobe tiziba kuti saku Khirisitu akamuka kubafi, haangapamhe akafa kakale; lufu agutjina masimba pehhugwi kukwe.10Lufu gwaakafa wakafa kujinyo kan'ompela, koga butjilo gwaanotjila unotjilila Ndzimu.11Ndizo ke, muzwibale sebakafa kujinyo koga banotjila kuNdzimu muna Khirisitu Yesu.12Ndizo ke musiletjedzele jinyo likalawula mibili yenyu inofa, limuta kuti muwhilile njemulo dzalo dzakayipa.13Musipe nhango dzemibili yenyu kujinyo kuti dzihingisiwe kusakalulama, koga muzwipile kuNdzimu, sayibabo bakadusiwa mukufa bakahhisiwa mubupenyu, mupe nhango dzemibili yenyu kuNdzimu sezwihingiswa zwendulamo.14Ngobe jinyo alingabe nesimba pehhugwi kwenyu, saku musipasi kwenlayo, koga mulipasi kwengoni.15Ngono ke? Titjinye zwedu ngentha yekuti atita pasi kwenlayo koga tipasi kwengoni? Aa, akuzojalo!16Amutoziba kuti hapa muzwita balanda banowhilila bewumwe nhu, mubalanda bayiwhoyo wamunowhilila. Mubalanda bejinyo, ilo linoyendesa nhu kulufu, kene mubalanda bewhilila, iko kunoyendesa kundulamo?17Koga toboka Ndzimu ngobe, nekene maka muli balanda bejinyo, makawhilila nemimoyo yenyu yose diyiwa kwamakawamutjila.18Matjisunungugwa mukutjinya mabe balanda bendulamo.19Ndolebeleka ndebo iyeyi nezila yelebeleka kwebanhu, ngobe mubanyolonyolo mukutjila kwenyu. Ngezila yamakamupila mibili mukulawugwa nekusatjena nebubi gwakagukula, ngwenu ngayitjilawugwa nendulamo kudze muyengemale.20Lubaka mutjibalanda bejinyo, maka makasununguka musingalawugwe ngendulamo.21Ndiwupi mbhayilo wamakawana muzwinhu zwamatjibe nehoni nazo? Kubupelo zwinhu izwezo zomukokela lufu!22Koga ngobe ngwenu matjisununguka mujinyo kakale matjibe balanda beNdzimu, mbhayilo wamunowana whuyengemala kwekuzwipila kuNdzimu, bhelelo lako ibutjilo gusingapele.23Ngobe mbhayilo wejinyo lufu, koga tjipo tjempho tjeNdzimu, butjilo gusingapele muna Khirisitu Yesu He wedu.
The Word for the World International