BaRoma4
1Towhotini ngono kuti Abhurahhamu, batategulugulu bedu, bakawanani, kuyendilana nezwinhu zwenyama?2Hapa kuli kuti Abhurahhamu wakalulamisiwa ngentha yemihingo iye, waka engazwiloba fuba; koga kusi mbeli kweNdzimu.3Lukwalo gotini? Goti, “Abhurahhamu wakagalamoyo kuNdzimu, galamoyo kukwe kukabagwa selulama.”4Ndizo hapa nhu ehinga, mbhayilo uwe awutobagwa setjipo tjengoni, koga unobagwa sefanilo.5Koga, kunhu usingahinge, koga egalamoyo kuna iye unolulamisa basina bubuya, bugalibgwe gugwe gobagwa selulama.6NaDavida unoleba bo nekwekombolegwa kwenhu Ndzimu waakabona lulama kukwe kusi ngentha yemihingo.7“Bakakombolegwa ndibabo bakayetigwa mazwibhatigwa tjinya kwabo,nematjinyo abo akafukidziwa.8Wakakombolegwa iwhoyo nhu unajinyo lisingowhobagwa pehhugwi kukwe ndiHe.”9Ikoku kombolegwa ndekwe bakathumbigwa boga, kene nebasakathumbigwa bo? Toti galabgwe kwa Abhurahhamu kwakabagwa selulama.10Kwakabagwa selulama lini, ngentha yeni? Waka atjithumbigwa, kene waka esanhu? Akuta kuli kuti waka atjithumbigwa, waka esanhu!11Wakawamutjila tjilakidzilo tjethumbigwa, lutjayo gwelulama gwaakabanago ngegalamoyo esakathumbigwa. Ndizo, ndiye tate bayibo bose bano galabgwe koga basakathumbigwa, kudza balulamisiwe.12Kakale ndiye tate webakathumbigwa, kusi thumbigwa koga, kakale beyenda munhambo dzegalamoyo dzakayendiwa natate bedu Abhurahhamu esakathumbigwa.13Kwakakusi ngentha yenlayo kwakathama Abhurahhamu neludzi gugwe bawamutjile tjigadzabgwe kuti unowhoba nghalinhaka wehango, koga kwakakulingentha yelulama kunohha ngegalabgwe.14Hapa ibabo banotjila ngenlayo beli bagalinhaka, galabgwe akuna tjilemela, netjigadzabgwe atjina n'hingo,15ngobe nlayo unohhisa buhongola. Kakale hapa kusina nlayo akuna jinyo.16Ndizo kuli ngegalabgwe, kudze tjigadzabgwe tjibe mungoni kakale tjipiwe kuludzi gose gwaAbhurahhamu, kusi ibabo banotobela nlayo boga, koga nekuna ibabo bana kugalamoyo kwaAbhurahhamu, ngobe nditate bedu tose.17Sekwakwaka kwagwa, “Ndakuthama tate benjudzi njinji.” Nditate bedu mbeli kweNdzimu, muwunli waakagalabgwe, ndiNdzimu unomusa bakatjifa kakale unothama zwinhu zwisipo zwikabayapo.18Ngegalabgwe koga kusina tjimwe, Abhurahhamu wakagalamoyo akabatate benjudzi njinji, sekwaakabudziwa, “Ndizo ludzi gugo gowhojalo.”19Haazotongoba nyolonyolo mukugalamoyo paakakumbula mbili uwe, iwo waka wefanana newakafa ngobe waka anamakole angaswika gulu, kene paakalinga haya mbeleko kwaSara.20Azotongonyanyayidza tjigadzabgwe tjeNdzimu, koga galamoyo kukwe kwakakula akapa gudzo kuNdzimu,21enalebeswa kuti Ndzimu unamasimba ethama tjaagadzabgwe.22Ndizo galamoyo kukwe “kwakabagwa selulama.”23Matama anoti, “kwakabaligwa kuwunli,” azokwaligwa iye yega,24akakwaligwa kose naswi bo, Ndzimu unowholulamisa iswi tinogalamoyo muwunli iye wakamusa Yesu He wedu kubafi,25wakabulawa ngentha yematjinyo edu, akamusiwa emusigwa lulamisiwa kwedu.
The Word for the World International