Zumbunulo19
1Hule kwayikoku ndakawha tjinonga whi gulugulu lebanhu banjinji bakudzimu, limimila liti, “Haleluya! Jidzo negudzo nemasimba ndekweNdzimu wedu.2Ngobe tonga kukwe ndekwelebeswa kakale kwakatambunuka, wakawana nlandu fukula whulu iyeya yakatjinya hango nebupombgwe gwayo, wakabgwilizila kuyili ngentha yemalopa ebalanda babe.”3Kakale bakapamha beti, “Haleluya! Busi gwepfuta kukwe goyenda pehhugwi nekusingapele.”4Bawhola bali makumi mabili nebana, nezwipuka zwinotjila zwina bakawila pasi, bakalumbidza Ndzimu ugele patjigalo tjebuMambo, baka beti, “Akujalo! Haleluya!”5Kwakawhika whi libva patjigalo tjebumambo liti, “Lumbidzani Ndzimu wedu, imwi balanda babe bose, imwi munowunhla, bakulu nebatukununu.”6Ndakakowha kwakakunga whi lebanhu banjinji, sewona kwevula njinji, kunga titima kwevula, liti, “Haleluya! Ngobe He Ndzimu wedu iye Wemasimba ose unotonga.7Ayihanheni, tihanhisise, tiwunkudze, ngobe bukwe gweMwizana gwaswika, nlongo uwe watjizwilulamisa,8wakabvumigwa kuti ambale tjiyambalo tjakanaka tjejila lelineni, linopenya kakale libuyanana.” (Ngobe zwiyambalo zwakanaka ndizo zwiyeto zwakakalulama zwebayengemali.)9Ntumwa wekudzimu wakati kundili, “Kwala whoku, Bakakombolegwa ibabo bakakokewa kutjilayilo tjebukwe gweMwizana.” Kakale wakati kundili “Iyawa matama elebesawa eNdzimu.”10Ipapo ndakapfigama pamakumbo awe kuti ndiwunamate, koga iye wakati kundili, “Usithame ujalo! Imi ndinlanda sawe nemakamu awo akasenga busupi nekwa Yesu. Namata Ndzimu.”
Ngobe busupi nekwaYesu ndiyo meya yebulebesambeli.11Ndakabona kudzimu kwakahhulika, ndikabona mbizi njhena! Waka akayitanha unoyi Bugalimoyo neMalebeswa, unotonga, kakale egwa ngwa mukululama.12Meho awe aka enga moto unopfuta, pehhugwi kwen'holo uwe waka enazwiyala zwinjinji, waka enazina lakakwagwa lisigazibgwe nonhu kuhhe kukwe.13Waka akambala tjiyambalo tjakabvubikiwa mumalopa, zina laanodan'wa nalo unoyi “Dama leNdzimu.”14Makubungano ebagwi bengwa ekudzimu, akambala zwiyambalo zwejila lelineni lakanaka, zwitjena zwibuyanana, akawuntobela akatanha mbizi njhena.15Munlomo uwe kwakabhuda bhangatjeke linopiza laanowhokunda nalo njudzi dzose, unowhodzitonga neswimbo yetshipi, unowhoswina tjiswino tjewayini tjebuhongola gweNdzimu iye Wemasimba ose.16Patjiyambalo tjitje nepatjidzwa tjitje kwaka kwakakwagwa zina linoyi, “Mambo wabomambo, He wabohe.”17Ndakabona ntumwa wekudzimu alimile muhhuba, iye wakadanilila kunyunyi dzose dzinopururuka muhhuhhugwi newhi lipehhugwi eti, “Ihhani mukubunganile tjilayilo tjikulu tjeNdzimu,18muwhodla mitumbi yabomambo, neyebalawuli bebagwi bengwa, neyebalume banamasimba, nenyama yembizi, nemitumbi yebanodzitanha, neyebanhu bose, bakasunununguka nebalanda, bose bakulu nebatukununu.”19Ndakabona tjibanda, nabomambo behango nebagwi babo bengwa bakakubungana kuti bagwe na iwhoya wakatanha mbizi nebagwi babe bengwa.20Tjibanda tjakatapwa tjakaposegwa mubibi lemoto unopfuta wesalifa, panhu pan'ompela nenlebesambeli wemanyepwa waka ethama matjenamiso mbeli kwatjo, waka etjebela ibabo baka bena lutjayo gwetjibanda nayibabo baka benamata tjibubgwa tjatjo.21Bamwe bose bakabulawa nebhangatjeke lakalibhuda munlomo uwe iwhoya waka akatanha mbizi, nyunyi dzose dzakadla mitumbi yabo dzikaguta.
Ngobe busupi nekwaYesu ndiyo meya yebulebesambeli.11Ndakabona kudzimu kwakahhulika, ndikabona mbizi njhena! Waka akayitanha unoyi Bugalimoyo neMalebeswa, unotonga, kakale egwa ngwa mukululama.12Meho awe aka enga moto unopfuta, pehhugwi kwen'holo uwe waka enazwiyala zwinjinji, waka enazina lakakwagwa lisigazibgwe nonhu kuhhe kukwe.13Waka akambala tjiyambalo tjakabvubikiwa mumalopa, zina laanodan'wa nalo unoyi “Dama leNdzimu.”14Makubungano ebagwi bengwa ekudzimu, akambala zwiyambalo zwejila lelineni lakanaka, zwitjena zwibuyanana, akawuntobela akatanha mbizi njhena.15Munlomo uwe kwakabhuda bhangatjeke linopiza laanowhokunda nalo njudzi dzose, unowhodzitonga neswimbo yetshipi, unowhoswina tjiswino tjewayini tjebuhongola gweNdzimu iye Wemasimba ose.16Patjiyambalo tjitje nepatjidzwa tjitje kwaka kwakakwagwa zina linoyi, “Mambo wabomambo, He wabohe.”17Ndakabona ntumwa wekudzimu alimile muhhuba, iye wakadanilila kunyunyi dzose dzinopururuka muhhuhhugwi newhi lipehhugwi eti, “Ihhani mukubunganile tjilayilo tjikulu tjeNdzimu,18muwhodla mitumbi yabomambo, neyebalawuli bebagwi bengwa, neyebalume banamasimba, nenyama yembizi, nemitumbi yebanodzitanha, neyebanhu bose, bakasunununguka nebalanda, bose bakulu nebatukununu.”19Ndakabona tjibanda, nabomambo behango nebagwi babo bengwa bakakubungana kuti bagwe na iwhoya wakatanha mbizi nebagwi babe bengwa.20Tjibanda tjakatapwa tjakaposegwa mubibi lemoto unopfuta wesalifa, panhu pan'ompela nenlebesambeli wemanyepwa waka ethama matjenamiso mbeli kwatjo, waka etjebela ibabo baka bena lutjayo gwetjibanda nayibabo baka benamata tjibubgwa tjatjo.21Bamwe bose bakabulawa nebhangatjeke lakalibhuda munlomo uwe iwhoya waka akatanha mbizi, nyunyi dzose dzakadla mitumbi yabo dzikaguta.
The Word for the World International