Zumbunulo15
1Ndakabona tjimwe tjilakidzilo kudzimu, tjikulukulu kakale tjinotjenamisa. Ndakabona batumwa bekudzimu bali kutondeka benamboli dzilikutondeka, dzili dzekupedzisila, ngobe mudzili buhongola gweNdzimu gowhopelela ipapo.2Ndakabona kwakakunga gungwa legilazi lakahanganyisiwa nemoto, nayibabo bakakunda tjibanda netjibumbwa tjatjo nelutjayo gwatjo nembalo wezina latjo, bakabelimile pagungwa legilazi, bakabhata matende eNdzimu mumaboko abo,3bemba lumbo gwaMozisi, nlanda weNdzimu, nelumbo gweMwizana beti,“Mihingo yenyu mikulu kakale inotjenamisa,imwi He, Ndzimu Wemasimba ose!Zila dzenyu dzakalulama kakale ndedzemalebeswaimwi Mambo wenjudzi dzose!4Ndiyani usingake akamulemekedza kakale usingake akakudza zina lenyu, imwi He?nekuti ndimwi moga makayengemala.Njudzi dzose dzowhohhadzikawhomunamata,ngobe mihingo yenyu yakalulama yatjizumbunugwa.”5Hule kwayikoku ndakalinga ndikabona thempeli yekudzimu yakahhugwa, iyo thempeli yejatja letjibvumilano,6batumwa bekudzimu balikutondeka bakabhuda muthempeli, bana mboli dzilikutondeka, baka bakambala zwiyambalo zwejila lelineni linopenyelela, zwifuba zwabo zwakasungwa nemimwandabula yezeezi.7Tjimwe tjezwipuka zwinotjila zwina tjakaswiswa batumwa bekudzimu balikutondeka ndigwana dzezeezi dzilihhele buhongola gweNdzimu unotjila nekusingapele,8thempeli yakahhala busi gunobva mugudzo leNdzimu nemumasimba awe, akuna nhu wakatubula ngina muthempeli kuswikila mboli dzilikutondeka dzebatumwa bekudzimu balikutondeka dzapela.
The Word for the World International