Filimoni1
1Kubva kuna Phawuli, nsungwa nentha yaKhirisitu Yesu naThimothi hama yedu.
Kuna Filimoni ndhikani wedu nen'hingidzani kan'ompela naswi,2nekuhazwadzi yedu Afiya, naAkhiphasi nghwi kan'ompela naswi, negubungano linonginila munzi uwo.3Ngoni nekunyalala kunobva kuNdzimu Tate bedu naHe Yesu Khirisitu ngakube kumuli.4Ndoboka Ndzimu wangu lubaka gose pandinokumbula nekuko mumitembezelo yangu,5ngentha yekuti ndowha nekwebugalimoyo gwawunago muna He Yesu nekweludo gugo kubayengemali bose,6kakale ndotembezela kuti dlidzana kwedu nawe mubugalimoyo kowhokudza luzibo gwekose kwedu kwakanaka kuyapo munaKhirisitu.7Ndakawana kuhanha kunjinji nenyaladziwa kwakabva muludo gugo, hama yangu, ngentha yekuti wakamusidzila mimoyo yebayengemali.8Ngentha yayikoku ke, nekene ndinatjilopa tjikulukulu muna Khirisitu kuti ndikulaye kuti uthame zwakafanila yetiwa,9koga ke ngentha yekuti ndokuda, ndokukumbilisisa, imi Phawuli nhuntana , kakale ngwenu ndatjiba nsungwa ngentha yaKhirisitu Yesu.10Ndokukumbilisisa ndikumbilila mwana wangu Onesimasi, ngobe ndatjiba tate babe ndilimubusungwa.11Mulubaka gwakapinda waka esina bhatsho kukuli, koga sangwenu watjiba nebhatsho kukuli nekundili bo.12Ndowumbgwiliza kukuli, ndiwumbgwiliza nebuyendasi eyenda nemoyo wangu.13Imi ndandida kuti kadzene agala nemi ngeno, kuyetila kuti andibhatshe alimile mugumbo lilo mulubaka ndili mubusungwa ngentha yendebo mbuya.14Koga ndakumbula kuti andingakuthame tisabvumilana, kuyetila kuti yeta kuko kwakalulama kusibe kwebhata nemasimba, koga kubve muludo gugo.15Pamwe palalanyiwa kukwe nawe kwelubakanyana kwakayetika kudze abgwiliziwe kukuli tjatjose,16haatjisenlanda koga weepinda nlanda, watjiba gamu linodikala kwazo kundili, kakale linodikala kwazo kwazo nekukuli bo, senhu kakale segamu munaHe.17Hapa kuli kuti unonditola sen'hingi panhu pan'ompela nawe mun'hingo waHe, uwamutjile Onesimasi sekwawunowamutjila imi.18Hapa kuli kuti unatjinhu tjaakakutjinyila, kene enakwelete tjitjo, lipisa imi.19Imi Phawuli ndakwala ikoku neluboko gwangu, ndowholipa, anditohaka kukumbudza kuti iwe wagala nondikweleta butjilo gugo.20Ndizo ke hama yangu, ndohaka tjinondibhatsha kubva kukuli munaHe. Hanhisa moyo wangu muna Khirisitu.21Ndina lebeswa kuti nowhilila, ndakukwalila ndiziba kuti nowhothama tjinopinda tjandaleba.22Kakale undibaakanyile n'umba yebezi, ngobe ndakalingilila kuti ngemitembezelo yenyu, ndowhosunungugwa ahanduka kumuli.23Iphafurasi, wandakasungwa naye ngentha yaKhirisitu Yesu unokubuyisa.24Bamwe banokubuyisa ndebanotobela, ndiMako, naArisitakhasi, naDemasi, naLuka bahingi panhu pan'ompela nemi.25Ngoni dzaHe Yesu Khirisitu dzibe nemeya dzenyu.
Kuna Filimoni ndhikani wedu nen'hingidzani kan'ompela naswi,2nekuhazwadzi yedu Afiya, naAkhiphasi nghwi kan'ompela naswi, negubungano linonginila munzi uwo.3Ngoni nekunyalala kunobva kuNdzimu Tate bedu naHe Yesu Khirisitu ngakube kumuli.4Ndoboka Ndzimu wangu lubaka gose pandinokumbula nekuko mumitembezelo yangu,5ngentha yekuti ndowha nekwebugalimoyo gwawunago muna He Yesu nekweludo gugo kubayengemali bose,6kakale ndotembezela kuti dlidzana kwedu nawe mubugalimoyo kowhokudza luzibo gwekose kwedu kwakanaka kuyapo munaKhirisitu.7Ndakawana kuhanha kunjinji nenyaladziwa kwakabva muludo gugo, hama yangu, ngentha yekuti wakamusidzila mimoyo yebayengemali.8Ngentha yayikoku ke, nekene ndinatjilopa tjikulukulu muna Khirisitu kuti ndikulaye kuti uthame zwakafanila yetiwa,9koga ke ngentha yekuti ndokuda, ndokukumbilisisa, imi Phawuli nhuntana , kakale ngwenu ndatjiba nsungwa ngentha yaKhirisitu Yesu.10Ndokukumbilisisa ndikumbilila mwana wangu Onesimasi, ngobe ndatjiba tate babe ndilimubusungwa.11Mulubaka gwakapinda waka esina bhatsho kukuli, koga sangwenu watjiba nebhatsho kukuli nekundili bo.12Ndowumbgwiliza kukuli, ndiwumbgwiliza nebuyendasi eyenda nemoyo wangu.13Imi ndandida kuti kadzene agala nemi ngeno, kuyetila kuti andibhatshe alimile mugumbo lilo mulubaka ndili mubusungwa ngentha yendebo mbuya.14Koga ndakumbula kuti andingakuthame tisabvumilana, kuyetila kuti yeta kuko kwakalulama kusibe kwebhata nemasimba, koga kubve muludo gugo.15Pamwe palalanyiwa kukwe nawe kwelubakanyana kwakayetika kudze abgwiliziwe kukuli tjatjose,16haatjisenlanda koga weepinda nlanda, watjiba gamu linodikala kwazo kundili, kakale linodikala kwazo kwazo nekukuli bo, senhu kakale segamu munaHe.17Hapa kuli kuti unonditola sen'hingi panhu pan'ompela nawe mun'hingo waHe, uwamutjile Onesimasi sekwawunowamutjila imi.18Hapa kuli kuti unatjinhu tjaakakutjinyila, kene enakwelete tjitjo, lipisa imi.19Imi Phawuli ndakwala ikoku neluboko gwangu, ndowholipa, anditohaka kukumbudza kuti iwe wagala nondikweleta butjilo gugo.20Ndizo ke hama yangu, ndohaka tjinondibhatsha kubva kukuli munaHe. Hanhisa moyo wangu muna Khirisitu.21Ndina lebeswa kuti nowhilila, ndakukwalila ndiziba kuti nowhothama tjinopinda tjandaleba.22Kakale undibaakanyile n'umba yebezi, ngobe ndakalingilila kuti ngemitembezelo yenyu, ndowhosunungugwa ahanduka kumuli.23Iphafurasi, wandakasungwa naye ngentha yaKhirisitu Yesu unokubuyisa.24Bamwe banokubuyisa ndebanotobela, ndiMako, naArisitakhasi, naDemasi, naLuka bahingi panhu pan'ompela nemi.25Ngoni dzaHe Yesu Khirisitu dzibe nemeya dzenyu.
The Word for the World International