Mihingo yeBapositoli21
1Takati tapalalana nabo, takayenda ngekepe, takananga kuKhosi, tjimuka takaswika kuRodzi, tibva ipapo takanoswika kuPatara.2Tikawana kepe tjaka tjiyambukila kuFonishiya, tikangina mutjili, tikayenda.3Takati tebona Sayiphurasi, tikayisiyila kulumehwe, tikayenda kuSiriya, tikama kuTire; ngobe kepe tjaka tjinodelusa ntolo watjo ko.4Takati tawana badiyiwa, tikagala ipapo mahhuba ali kutondeka. Bakakumbilisisa Phawuli ngeMeya, kuti asitongotshamba muJerusalema.5Kwakati mahhuba edu apela tikamilika toyendilambeli negwendo gwedu; bakatipelekedza bose, kose nebafumakadzi nebana, tikadza tikanobhuda munzi-nkulu; tikaswika tipfigama munsetje wegungwa titembezela, tikabe tobawoneka.6Takatanha kepe, ibo bakabgwilila kumizi yabo.7Takati tawidza gwendo gwekuTire, tikaswika kuPhitholemayisi; tikabuyisa bagalimoyo tikagala kubali hhuba lin'ompela.8Hhuba linotobela takamilika tikanoswika kuKhesariya; tikaswika kun'umba yaFiliphi, mvangeli, tikagala kuwunli, waka ali umwe webali kutondeka .9Waka ana bakololokadzi bali bana batjimhandala dzakapelela, baka belebesambeli.10Takati tagala ipapo kwemahhuba, kukaswika nlebesambeli unoyi Agabhasi ebva kuJudiya.11Akati ahha kutili akatola mwandabula waPhawuli akazwisunga nawo maboko nemakumbo, eba eti, “Meya Yakayengemala ikati, ‘MaJuta akuJerusalema anowhosunga mweni wemwandabula iwhoyu, bakawuyendisa kuBataya.’ ”12Tikati tikuwha ikoku, iswi kose nebagali bayipapo tikawuntetedza kuti asiyende kuJerusalema.13Phawuli akabe ehandula eti, “Motani wali, mukuwa sayikoku, mundivuna moyo? Ngobe ndakalulamila kusi kuti ndisungwe koga, koga kene iko kuti ndibulawe kuJerusalema ngentha yezina laHe Yesu.”14Takati takon'wa wuntetedza, tikanyalala, tikati, “Kuda kwaHe ngakuyetiwe.”15Hule kwemahhuba iyawa takazwibaakanya tikayenda kuJerusalema.16Bamwe bebadiyiwa bekuKhesariya bakayenda naswi, bakatiswikisa kun'umba yaMinasoni wekuSayiphurasi, umwe webadiyiwa bekutanga, kuyetila kuti tigale kuwunli.17Takati taswika kuJerusalema, bagalimoyo bakatiwamutjila ngekuhanha.18Muhhuba linotobela Phawuli wakayenda naswi kuna Jakobe; bawhola bose bo baka balipo.19Hule kwebabuyisa, wakalondesedza tjimwe netjimwe tjakayetiwa neNdzimu pakati kweBataya ngekusumikila kukwe.20Bakati batjikuwha bakakudza Ndzimu. Bakakoti kuwunli, “Nobona gamu ledu, azwiwulu zwingana maJuta akagalamoyo; ose akazwipila londolodza nlayo,21akatjibudziwa nekuko kuti nodiya maJuta agele pakati kweBataya kuti alahe nlayo waMozisi, uwabudza kuti asithumbile bana bawo kene iko tobela milenje.22Ndizo, tithame tjini? Banowhowha kuti wabuya.23Tjithama tjatinokubudza. Tina balume bana bakatuna;24tjitola balume ibabo unozwitjenesa panhu pan'ompela nabo, ubalipile kuti batesegwe miholo yabo. Kudze banhu bose bazibe kuti akuna malebeswa mundebo inolebgwa ngekuko, nekuti iwe notjila ngetobela nlayo.25Koga Bataya bakatjigalamoyo takabatumila lukwalo, gunoleba tjatakabvumilana, kuti basitongodla zwabhayigwa midzimwana, nemalopa, nezwakasiniwa, nekuti bazwidzibe mubupombgwe.”26Phawuli wakatola balume ibabo, tjimuka akanozwitjenesa panhu pan'ompela nabo. Akakotjiyenda kuthempeli, kudze azibise kuti mahhuba etjenesewa anopela lini nekuti kowhohhisiwa tjibhayilo tjewumwe newumwe wabo.27Kwakati mahhuba ali kutondeka ebva epela, maJuta anobva kuAsiya, akawumbona muthempeli, akabudzila ntome banhu bose akabadzonga mikumbulo, akawumbhata,28emimila eti, “Balume beIsirayeli bhatshani! Iwhoyu nhu ndiye unodiyila nhu wose ntome ntha dzose nekwebanhu bedu nenlayo nange bugalo igogu; pehhugwi kwayikoku unohha nemaGiriki muthempeli, kakale walonga hambgwa mubugalo igogu gwakayengemala.”29Ngobe baka batongowumbona ana Thirofimasi wekuEfesu munzi-nkulu, bakakumbulila kuti Phawuli wabuya naye muthempeli.30Nzi-nkulu wose wakadzongeka, banhu bakalabuka bose kan'ompela; bakawumbhata Phawuli, bakawuhhuhhutila kuhhe kwethempeli, mikoba ikahhaligwa tjinyolotjo.31Bakati batjayedza kuti bawumbulaye, kukaswika matama kunlawuli webagwi bengwa kuti Jerusalema yose yadzongeka.32Nlawuli webagwi bengwa wakamilika nekulibilidza akatola bagwi bengwa nebatungamili bebagwi bengwa, akalabukila ko; banhu bakati bebona nlawuli webagwi nebagwi, bakama loba Phawuli.33Nlawuli webagwi wakaswika akawundzula, akalaya kuti asungwe ngeketane mbili. Wakabhuzwisisa kuti ndiye yani nekuti waka athamani.34Bamwe mumbunga baka bemimila beleba yetji bamwe beleba yetjiya; ngono nlawuli webagwi bengwa akasitubule wha lebeswa ngentha yehhoba, akalaya kuti bawuyendise kunzi webagwi bengwa.35Wakati aswika pamatanho, akasengwa nebagwi bengwa ngentha yebuhongola gwembunga;36kana banhu banjinji bakatobela, beyenda bemimila beti, “Ngaabulawe!”37Kukati Phawuli ebva enginisiwa munzi webagwi bengwa, akati kunlawuli webagwi bengwa, “Ndingaleba tjimwe tjinhu kumuli?”
Akahandula eti, “Noziba TjiGiriki?38Ngono awuta iwe Nghipita wakatanga bupanduki mumahhuba akapinda, akatungamila babulayi bali zwiwulu zwina yenda kutjilambanyika?”39Phawuli wakahandula eti, “NdiNjhuta, ndobva kuThasasi muSilisiya, ndinghali wenzi-nkulu unatjilumbi; ndomukumbila, mundibvumileni ndilebeleke nebanhu.”40Wakati awumbvumila, Phawuli, alimile pamatanho, akanyaladza banhu ngemilidza luboko gugwe; kukati kwatjibe nekunyalala kukulu, akalebeleka nabo neTjiHhebheru, eti.
Akahandula eti, “Noziba TjiGiriki?38Ngono awuta iwe Nghipita wakatanga bupanduki mumahhuba akapinda, akatungamila babulayi bali zwiwulu zwina yenda kutjilambanyika?”39Phawuli wakahandula eti, “NdiNjhuta, ndobva kuThasasi muSilisiya, ndinghali wenzi-nkulu unatjilumbi; ndomukumbila, mundibvumileni ndilebeleke nebanhu.”40Wakati awumbvumila, Phawuli, alimile pamatanho, akanyaladza banhu ngemilidza luboko gugwe; kukati kwatjibe nekunyalala kukulu, akalebeleka nabo neTjiHhebheru, eti.
The Word for the World International