2 BaKhorinte9
1Akutohaka kuti imi ndimukwalile nekwewahha bayengemali nezwipo,2ngobe ndoziba zwipila bhatsha kwenyu, ndizo ndizwida nekwenyu kubanhu bekuMakhedoniya, nditi imwi beku Akhayiya makatjilulamila pa kubvisila makenyi; zwipila kwenyu kungapa kwatjithama bunji gwabo bakazwipila bo.3Koga ndotuma bagalimoyo kuyetila kuti zwida nekwenyu kwedu kusibe suli mun'hingo iwhoyu, kuyetila kuti muzwibaakanye, sekwandakati mowhobe matjikululamila;4ngobe hapa banhu bekuMakhedoniya bengabuya nami bekowana kuti amuzozwibaakanya, towhobhakhwa nehoni ngobe timugalabgwe, ndisilebe ke imwi tjekwenyu, dzenyu honi dzowhobanjinji.5Ndizo ndakumbula kuti kwakafanila tetedzewa bagalimoyo kuti banditangele buya kumuli, babaakanyile tjipo itjetji tjamakagadzabgwe nekwatjo, lubaka gusanhu gwaswika. Kuyetila kuti tjibe tjalulama, kuli tjipo tjeludo kusi kuti ifanilo.6Kumbulani whoku. Iwhoyo unodzwala kuhomanana unowhokowha kuhomanana, unodzwala kunjinji unowhokowha kunjinji.7Umwe newumwe wakafanila yeta seda kwemoyo uwe, esingan'un'une kene bhakhwa nemasimba, ngobe Ndzimu unoda nhu unopa akahalabvuka.8Ndzimu unotubula mukombolela kupindisisa, kuyetila kuti mugale munako kose kwakamulizana, nekuti muwahhe wose n'hingo mbuya.9Sekwakwaka kwagwa kuti,“Uno andamisa, unopa bahayi;lulama kukwe kuyapo ngekusingapele.”10Iye unopa ndzwali mbewu netjinkwa kuti adle unowhomupa kakale akayiwandisa mbewu yenyu, akawandisa gowho lelulama kwenyu.11Mowhofumisiwa kene nayipi zila kudze mutubule pa makahalabvuka, iko kunowhothama Ndzimu akabokewa, kuhingisiwa iswi;12ngobe thama n'hingo iwhoyu akutohhisa zwinohakiwa ngebayengemali koga, koga kothama neNdzimu bo akabokewa nezila njinji.13Ngentha yen'hingo iwhoyu wamakahinga malakidza tubula kwenyu, bamwe banowholumbidza Ndzimu ngentha yelemekedza kwenyu ndebo mbuya yaKhirisitu yamunosumikila, nangekobelana nabo nebamwe bose makahalabvuka;14ibo bemuhuba bemutembezelela, ngentha yengoni njinji dzeNdzimu dzimumuli.15Ngaabokewe Ndzimu ngentha yetjipo tjitje tjinotjenamisa!
The Word for the World International