1 Thimothi6
1Bose bamujogwe lebulanda bakafanila bona bobatezi babo sebakafanigwa nelemekedzewa kuhhele, kuyetila kuti zina leNdzimu nediya kwedu kusilengudziwe.2Ibabo bana bobatezi banogalamoyo basibalingile pasi nentha yekuti batjiba hama, koga bakafanila bahingila kwazo ngobe ibabo babanohingila bagalimoyo kakale badikani. Zwidiyo Zwemanyepwa Nefumwa Yemalebeswa
Diya kakale ubakuludzile nekwezwinhu izwezwi.3Hapa kuna nhu unodiya zwidiyo zwemanyepwa esingabvumilane nematama emalebeswa aHe wedu Yesu Khirisitu nezwidiyo zwinoyendidzana nehla Ndzimu,4unoba alihhele zwikudza, kakale akuna tjaanoziba, unhu unoda nyanyayidzana kusina bhenyu, nekakabadzana nekwematama kunozwala ndandala, negwa, netukana nekumbulilana zwinhu zwakayipa,5nekwebelana kusingapele pakati kwebanhu banamikumbulo yakaleleka bakalahikigwa nemalebeswa banokumbula kuti namata ndiyo zila yewana bufumi.6Koga namata ulihhele gutshikana kopa mbhayilo nkulunkulu,7ngobe akuna tjatakahha natjo munayeyi hango kakale towhobhuda muhango iyeyi tisina tjatakasenga.8Koga hapa tina zodliwa nezwiyambalo, ikoku kwakafanila tigutsha.9Koga ibabo banohaka fuma banowila mukulikwa, nemudati lenjemulo njinji dzebulengwe dzinokubadza, dzinoyeta nhu akakolomoka kakale akapalala.10Ngobe da mari ndiwo ndzi webubi gose, kungentha yeda mari bamwe bakathewuka muzila yebugalimoyo, bakazwikokela buyendasi gunjinji mumimoyo yabo.11Koga iwe, nhu weNdzimu, ibva muna kose ikoku; gwisa kuti ube nekululama, nehla Ndzimu, nebugalimoyo, neludo, nemoyonlefu, nekutebama.12Igwa ngwa mbuya yebugalimoyo, ubhatilile mubutjilo gusingapele igo gwawakadanigwa pawakatula bvuma kubuya mbeli kwebasupi banjinji.13Mbeli kweNdzimu iye unopa zwinhu zose butjilo, nambeli kwaKhirisitu Yesu wakatula bvuma kubuya mubusupi gugwe gwaakatula mbeli kwaPhontiyu Pilatu,14ndokulaya kuti ulondolodze nlayo nezila yakatjena usingawanikwe nlandu kuswikila He wedu Yesu Khirisitu eboneka.15Bon'wa kukwe kowhozumbunugwa nelubaka gwakafanila newakakombolegwa, Ntongi uyega, Mambo wabomambo, kakale ali He wabohe.16Iye yega usingake akafa, kakale egala mutjedza tjisingake tjikaswikiwa patjili, akuna nhu wakatongowumbona kene ungawumbona. Ngaalemekedzewe kakale atonge nekusingapele. Akujalo.17Ibabo bakafuma muhango iyeyi ubalaye kuti basizwikudze kakale basigalebgwe mufumwa dzisina malebeswa, koga bagalebgwe kuNdzimu unotipa nekuhhele kose kuti tihanhe.18Ubalaye kuti bayete zwakanaka babe nezwiyeto zwakanaka zwinjinji, bape kakale bazwipile kobela fumwa yabo bamwe.19Nayiyeyo zila banoba bezwibigila fumwa inowhoba mbviwa yelubaka gunohha kuti ndizo bawane butjilo gwemalebeswa.20Iwe Thimothi londolodza tjawakapiwa. Thubukana nendebo dzebulengwe nehambgwa, nesahla Ndzimu nekakabadzana nekwayikoku kunoyi luzibo kunyepewa.21Bamwe pabakakuwamutjila bakabva bathewuka muzila yebugalimoyo.
Ngoni ngadzibe namwi mose.
Diya kakale ubakuludzile nekwezwinhu izwezwi.3Hapa kuna nhu unodiya zwidiyo zwemanyepwa esingabvumilane nematama emalebeswa aHe wedu Yesu Khirisitu nezwidiyo zwinoyendidzana nehla Ndzimu,4unoba alihhele zwikudza, kakale akuna tjaanoziba, unhu unoda nyanyayidzana kusina bhenyu, nekakabadzana nekwematama kunozwala ndandala, negwa, netukana nekumbulilana zwinhu zwakayipa,5nekwebelana kusingapele pakati kwebanhu banamikumbulo yakaleleka bakalahikigwa nemalebeswa banokumbula kuti namata ndiyo zila yewana bufumi.6Koga namata ulihhele gutshikana kopa mbhayilo nkulunkulu,7ngobe akuna tjatakahha natjo munayeyi hango kakale towhobhuda muhango iyeyi tisina tjatakasenga.8Koga hapa tina zodliwa nezwiyambalo, ikoku kwakafanila tigutsha.9Koga ibabo banohaka fuma banowila mukulikwa, nemudati lenjemulo njinji dzebulengwe dzinokubadza, dzinoyeta nhu akakolomoka kakale akapalala.10Ngobe da mari ndiwo ndzi webubi gose, kungentha yeda mari bamwe bakathewuka muzila yebugalimoyo, bakazwikokela buyendasi gunjinji mumimoyo yabo.11Koga iwe, nhu weNdzimu, ibva muna kose ikoku; gwisa kuti ube nekululama, nehla Ndzimu, nebugalimoyo, neludo, nemoyonlefu, nekutebama.12Igwa ngwa mbuya yebugalimoyo, ubhatilile mubutjilo gusingapele igo gwawakadanigwa pawakatula bvuma kubuya mbeli kwebasupi banjinji.13Mbeli kweNdzimu iye unopa zwinhu zose butjilo, nambeli kwaKhirisitu Yesu wakatula bvuma kubuya mubusupi gugwe gwaakatula mbeli kwaPhontiyu Pilatu,14ndokulaya kuti ulondolodze nlayo nezila yakatjena usingawanikwe nlandu kuswikila He wedu Yesu Khirisitu eboneka.15Bon'wa kukwe kowhozumbunugwa nelubaka gwakafanila newakakombolegwa, Ntongi uyega, Mambo wabomambo, kakale ali He wabohe.16Iye yega usingake akafa, kakale egala mutjedza tjisingake tjikaswikiwa patjili, akuna nhu wakatongowumbona kene ungawumbona. Ngaalemekedzewe kakale atonge nekusingapele. Akujalo.17Ibabo bakafuma muhango iyeyi ubalaye kuti basizwikudze kakale basigalebgwe mufumwa dzisina malebeswa, koga bagalebgwe kuNdzimu unotipa nekuhhele kose kuti tihanhe.18Ubalaye kuti bayete zwakanaka babe nezwiyeto zwakanaka zwinjinji, bape kakale bazwipile kobela fumwa yabo bamwe.19Nayiyeyo zila banoba bezwibigila fumwa inowhoba mbviwa yelubaka gunohha kuti ndizo bawane butjilo gwemalebeswa.20Iwe Thimothi londolodza tjawakapiwa. Thubukana nendebo dzebulengwe nehambgwa, nesahla Ndzimu nekakabadzana nekwayikoku kunoyi luzibo kunyepewa.21Bamwe pabakakuwamutjila bakabva bathewuka muzila yebugalimoyo.
Ngoni ngadzibe namwi mose.
The Word for the World International