1 BaThesalonika3
1Ndizo takati tisingatjatubule simidzila, tikabona kuli kuhine kuti tisale mu Athenisi tili toga,2takatuma Thimothi, nghalimoyo saswi kakale eli n'hingi weNdzimu musumikila ndebo mbuya yaKhirisitu, kuti amusimise kakale amukuludzile mubugalimoyo gwenyu,3kuyetila kuti kusibe newunozunguziwa nezwiliko izwezwi. Imwi tjekwenyu moziba kuti zwakatilindila.4Ngobe patakatilitoseni, takamubudza kuti towhowigwa nebulemo; sekwakwakayetikala wali, seziba kwenyu.5Ngentha yayikoku, ndakati ndisingatjatubule whilidzila, ndikatumila Thimothi kuyetila ziba nekwebugalimoyo gwenyu, ndihlila kuti pamwe swiyo nliki watjimulika, n'hingo wedu unoba watjiba suli.6Koga ke saku Thimothi atjiswika kutili ebva kumuli, watibudza ndebo dzakanaka dzebugalimoyo neludo gwenyu kakale watizibisa kuti mogala mutikumbula muyemula tibona, saswi bo tiyemula mubona.7Ndizo ke makamu, mubuyendasi nemukudziyidzika kwedu kose takakuludzigwa namwi ngentha yebugalimoyo gwenyu;8ngobe ngwenu tozwiwha tilibapenyu, saku mulimile makasima munaHe.9Ndekwakatini wali boka kwatingapa Ndzimu ngentha yenyu, tibokela kuhanha kose kwatili iko mbeli kweNdzimu wedu ngentha yenyu?10Totembezela siku nesikati tikumbila kuti tibonane kumeho namwi kakale timupe zwinotayila mubugalimoyo gwenyu.11Ndzimu wedu ibo Tate tjekwabo, naHe wedu Yesu, ngaatjitihhulila zila yekuti tihhe kumuli.12Kakale He ngabate kuti ludo gwenyu gukule kakale guwande kuwumwe newumwe nekubanhu bose, sezila yatinomuda nayo,13kuyetila kuti asimise mimoyo yenyu kudze ibe mimoyo isina nlandu kakale yakayengemala mbeli kweNdzimu Tate bedu, pakubuya kwaHe wedu Yesu nebayengemali babe bose.
The Word for the World International