1 PHETHIRO5
1Ndizo ndokuludzila bawhola bapakati kwenyu, senhu whola bo kakale sensupi wedziyidziwa kwaKhirisitu kakale ndili umwe unohanganyila mugudzo linowhozumbunugwa.2Tjengetani gubungano leNdzimu lamuli balisi balo, koga musikuthame ngekubhakhwa nemasimba koga mukuthame makahalabvuka seda kweNdzimu, musingakuyetile wana fumwa koga mukuthame ngekuzwipila,3musingatshambidzile ibabo bamunotungamila koga mubezwilakidzilo kugubungano.4Hapa Nlisi Nkulu ezumbunugwa mowhowamutjila tjiyala tjegudzo tjisingahakale.5Nezila iyeyi zwayo, imwi batjetjana muzwitebamise kubawhola. Mose muzwitebamise umwe kuwumwe, ngobe, “Ndzimu unogwisana nebanhu banozwikudza, koga unangoni kuna banozwitebamisa.”6Muzwitebamise kumasimba makulu eNdzimu, kuti hapa lubaka gwaswika amumilidze.7Kose kunomudziyidza mukuse kuwunli, ngobe unomutjengeta.8Galani makamuka, mulinde. Tjita tjenyu Satane unosumha sumha kose ebomba sehumba inohaka wayingadla.9Muwundzibise, mubhatilile mubugalimoyo gwenyu, muziba kuti makamu enyu anodziyila kunofanana na ikoku hango yose.10Hule kwekube matjitongodziyila kwelubakanyana, Ndzimu wengoni dzose, wakamudanila kugudzo lile lisingapele muna Khirisitu, iye tjekukwe unowhomuthama bakapelela, akamupa matatabuko kakale akamuwahha kakale akamusimisa.11Ndzimu ngaabe nemasimba ngekusingapele. Akujalo.12Ngebhatsho laSilivenasi, gamu linogalikamoyo sekwandinowunziba, ndamukwalila ngebufupi, ndimukuludzila kakale ndimupa busupi kuti idzedzi ndidzo ngoni dzeNdzimu dzemalebeswa, simani mudzili.13Gubungano lekuBhabhiloni, ilo lakahagwa bo samwi, lomubuyisa, nenkololo wangu Mako unomubuyisa bo.14Mubuyisane ngeputana kweludo.
Kunyalala ngakube kumuli mose imwi bamuna Khirisitu.
Kunyalala ngakube kumuli mose imwi bamuna Khirisitu.
The Word for the World International