1 Johane5
1Wose nhu unogalamoyo kuti Yesu ndiye Khirisitu umwana weNdzimu, kakale wose unoda nzwadzi unoda nemwana.2Hapa tida Ndzimu kakale titjengeta milayo iye, na iyeyo zila toziba kuti toda bana beNdzimu.3Ngobe da Ndzimu whutjengeta milayo iye. Kakale milayo iye ayitolema.4Ngobe tjose tjakazwagwa neNdzimu tjokunda hango. Galamoyo kwedu ndiko kunotita tikatubula kunda hango.5Ndiyani unokunda hango? Ndiwhoyo yega unogalamoyo kuti Yesu uNkololo weNdzimu.6Iwhoyu ndiye wakahha ngevula nange malopa, iye Yesu Khirisitu, kusingevula yoga, koga ngevula nange malopa. Kakale Meya ndiyo nsupi, ngobe Meya ndilo lebeswa.7Kuna basupi batatu.8iMeya, ivula, nemalopa; butatu gwako kobvumilana.9Towamutjila busupi gwebanhu, koga busupi gweNdzimu gukulu, ngobe igogu busupi gweNdzimu gwaakapa nekweNkololo uwe.10Unogalamoyo muNkololo weNdzimu unobvuma busupi gugwe. Usingagalemoyo wathama Ndzimu akabanyepi, ngobe aazogalamoyo busupi gweNdzimu gwaakapa nekweNkololo uwe.11Igogu ndigo busupi, kuti Ndzimu wakatipa butjilo gusingapele, igogu butjilo gumuNkololo uwe.12UnaNkololo unabutjilo; usina Nkololo weNdzimu haana butjilo.13Ndomukwalila ikoku imwi banogalamoyo muzina leNkololo weNdzimu, kuyetila kuti muzibe kuti muna butjilo gusingapele.14Ikoku ndiko zwigalabgwe kwatinako mbeli kukwe, kuti hapa tikumbila kene ini tjinoyendidzana nekuda kukwe unotiwha.15Kakale hapa tiziba kuti unotiwha muna kose kwatinokumbila, toziba kuti tatjiwamutjila zwatawunkumbila.16Hapa umwe nhu ebona gamu lile liyeta jinyo lisingatungamilile kulufu, unolitembezelela Ndzimu akalipa butjilo. Kunajinyo linotungamilila kulufu, anditoti mutembezele nekwejinyo ilelo.17Kose yeta kusakalulama ijinyo, koga kuna jinyo lisingatungamilile kulufu.18Toziba kuti bose bana beNdzimu abatotjinya, koga iye wakazwagwa neNdzimu unobatjengeta, neMbi atobakunha.19Toziba kuti tibana beNdzimu, kose nekuti hango yose inolawugwa nembi.20Toziba kuti Nkololo weNdzimu wakahha akatipa kuwhisisa, kuyetila kuti tiwunzibe iwhoyo ulebeswa, kakale timuwunli iwhoyo ulebeswa ngeba muNkololo uwe Yesu Khirisitu. Ndiye Ndzimu welebeswa nebutjilo gusingapele.21Ngawana dzangu, musibe netjinomuhanganya nemidzimwana.
The Word for the World International