1 Johane2
1Ngawana dzangu, ndomukwalila ikoku kudze musitjinye; koga hapa umwe nhu angathama jinyo, tinaye nlebelekeli ukuna Tate, iye Yesu Khirisitu wakalulama.2Ndiye tjibhayilo tjesuka matjinyo edu, kakale kusi edu woga, koga kose nematjinyo ehango yose.3Tina lebeswa kuti towunziba hapa titjengeta milayo iye.4Iwhoyo unoti, “Ndowunziba” koga asingatjengete milayo iye unyepi, nelebeswa alipo muwunli.5Koga kene yani unotjengeta dama lile, muwunli da Ndzimu kwelebeswa kopeleledzewa. Ndiyo zila yeziba kuti timuwunli.6Iwhoyo unoti umuwunli wakafanila tjila nezila Khirisitu yaakatjila.7Badikani, anditomukwalila nlayo ntshwa, koga nlayo nkulukugwi wamakaba nawo kubvisila kutangisa, nlayo nkulukugwi ndilo dama lamakawha.8Koga ke ndomukwalila nlayo ntshwa, ulebeswa muwunli nemumuli, ngobe hhalima lopinda kakale tjedza tjelebeswa tjeepenya kale.9Iwhoyo unoti umutjedza, koga iye ebenga gamu lile, utjimuhhalima zwe.10Iwhoyo unoda gamu lile unogala mutjedza, kakale muwunli akuna tjingathama nhu akatjinya.11Koga unobenga gamu lile umuhhalima kakale unotjila muhhalima, kakale atoziba kwaanoyenda, ngobe hhalima latjiwunthama akaba bhofu.12Ndomukwalila, ngawana dzangu, ngobe matjiyetigwa mazwibhatigwa matjinyo enyu ngentha yezina liye.13Ndomukwalila, botate, ngobe mowunziba iye waka elipo kubvisila kutangisa. Ndomukwalila, imwi bahhuhha, ngobe makunda mbi.14Ndomukwalila, bana bangu, ngobe Tate mobaziba. Ndomukwalila, botate, ngobe mowunziba iye waka elipo kubvisila kutangisa. Ndomukwalila, imwi bahhuhha, ngobe makasima, nedama leNdzimu logala mumuli, kakale matjikunda mbi.15Muside hango kene zwinhu zwimuhango. Hapa nhu eda hango, haatoda Tate.16Ngobe kose kumuhango-tjiba kwembili netjiba kwemeho nezwikudza mubutjilo-akutobva kuna Tate koga kobva muhango.17Hango netjiba kwayo kopinda, koga unoyeta kuda kweNdzimu unotjila nekusingapele.18Bana bangu, kwatjiba lubaka gwebupelo; sekwamakawha kuti tjita tjaKhirisitu tjohha, zwita zwaKhirisitu zwinjinji zwatjihha; ndizo tiziba kuti kwatjiba lubaka gwebupelo.19Bakabhuda mutili; ngobe kadzene baka bali bedu baka bewhoyendilambeli naswi; koga bakabhuda, kuyetila kuti kube patjena kuti bose abata bedu.20Koga imwi makahhodzewa ndiWakayengemala, moseni muna luzibo.21Ndomukwalila, kusi ngentha yekuti amutoziba lebeswa, koga ngobe muliziba, kakale moziba kuti akuna manyepwa anobhuda mulebeswa.22Ndiyani nyepi ke ngono hapa kusi iwhoyo unolamba kuti Yesu ndiKhirisitu? Iwhoyo unolamba Tate neNkololo ndiye ntja tjita tjaKhirisitu.23Akuna nhu unolandula Nkololo ngeno ebvuma Tate. Unobvuma Nkololo unaTate bo.24Tjamakawha kubvisila kutanga ngatjigale mumuli. Hapa tjamakawha kubvisila kutanga tjigala mumuli, imwi bo mowhogala muNkololo nemuna Tate.25Ikoku ndiko kwaakatigadzabgwe-butjilo gusingapele.26Ndomukwalila ikoku ndimutjenjedza nekwebanhu banoyedza mutjengela;27koga hhodzewa kwamakawamutjila kubva kuwunli kuyapo mumuli, kakale akutohakika kuti kube nenhu ungamudiya; saku hhodza kukwe kumudiya nekwezwinhu zose, kakale kulebeswa, akuta manyepwa. Sekwakwakamudiya, galani muwunli.28Ngwenuwali, ngawana dzangu, galani muwunli, kuyetila kuti hapa eboneka tizwigalebgwe tisibe nehoni pakubuya kukwe.29Hapa muziba kuti iye wakalulama, makafanila ziba kuti wose unoyeta tjakalulama unozwagwa ndiye.
The Word for the World International