گریند12
1موسیٰؔ سنٛزِ بٔڈ بیٚنہِ مریمؔ تہٕ تمسُنٛد بوٚڈ بوے ہارونؔ ؤلؠ حسدن تہٕ ونُکھ، "کیاہ صِرف چھا موسیٰؔ واحد شخص یمِس اتھِ یہُوواہنؔ اسہِ پٲغام سوزؠ؟ کیاہ یہُوواہؔ چُھنا اسہِ دوٚیو ذرؠ یہ تہِ پٲغام سوزان؟ تِمو بنوو موسیٰؔ تہِ تنقیدک نشانہٕ تکیازِ تٔمؠ اوس کُوشؔ قبیلچہ اکِس زنہِ سٟتؠ نیتٕھر کۅرمُت۔ یہُوواہنؔ بوز زِ مریمؔ تہٕ ہارونؔ چھِ موسیٰؔ سنٛز شکایت کران۔3پزر چُھ یی زِ موسیٰؔ اوس اکھ شریف انسان۔ سُہ اوس تیوٗت شریف یوٗت نہٕ روے زمینس پٮ۪ٹھ کانٛہہ اوس۔4یہُوواہنؔ کٔر فوری طور موسیٰؔ ہس، ہارونَس تہٕ مریمسؔ سٟتؠ کتھ۔ تٔمؠ ووٚن، "توٚہہِ ترٛینونی پزِ گژُھن تہٕ مقدس خٟمس نِش کھڑا روزُن" تہٕ تِمو کۅر تی۔5پتہٕ دراو یہُوواہؔ خٟمہ کِس دروازس پٮ۪ٹھ ابرس ؤلِتھ یُس اکہِ بڈِ ابرٕ تھمبٕکؠ پٲٹھؠ اوس۔ تٔمؠ ووٚن ہارونسؔ تہٕ مریمسؔ برُونٛہہ کُن پکنہٕ باپتھ، تہٕ تِمو کۅر تی۔6پتہٕ ووٚن تٔمؠ تِمن، "میانؠ کتھ بوزیٚو!ییٚلہ کانٛہہ نبی توٚہہِ درمیان آسان چُھ،بہٕ چُھس عمومن پنُن پان تمِس پٮ۪ٹھ ظٲہر کران یُتھ سُہ تصور کرِ،تہٕ بہٕ چُھس خابس منٛز تس سٟتؠ کتھٕ کران۔7مگر بہٕ چُھس نہٕ پننِس خٲدِم موسیٰؔ ہس سٟتؠ تتھٕ پٲٹھؠ کتھ کران۔ مےٚ چُھ یقین زِ سُہ کرِ میانیٚن لوٗکن ہنٛز بہتر رہنمائی۔8لہٰذا چُھس بہٕ تس سٟتؠ روبرو کتھ کران۔بہٕ چُھس تس سٟتؠ سیٚود پٲٹھؠ کتھ کران، نکہِ تمثیلو ذرؠ یہ۔تٔمؠ وُچھ یتہِ زِ بہٕ کیٚوتھ چُھس بوزنہٕ یوان۔تہٕ توٚہہ پزِ میانس بنٛدٕ موسیٰؔ ہس پٮ۪ٹھ تنقید کرنس کھۅژُن۔9یہُوواہؔ سپُد مریمسؔ تہٕ ہارونسؔ واریاہ ناراض سُہ وُتھ تہٕ دراو۔10ییٚلہ ابُر مقدس خٟمہ پٮ۪ٹھٕ ژۅل تہٕ ہاروننؔ وُچھ مریمسؔ کُن تہٕ وچُھن زِ تمسُنٛد مسلہٕ اوس سفید شین ہیٚو گۅمُت تکیازِ تٔمس اوس مینٛدؠ بٮ۪مٲرؠ لاحق گمٕژ۔11ہاروننؔ ووٚن موسیٰؔ ہس، "جناب، اسہِ مہٕ دِ امہ گنہُک سزا یُس اسہِ بےوقوفی کِنؠ سرِزد سپُد۔12مریمؔس مہٕ دِ تس بچس ہِش بننہٕ یُس زیٚوان زیٚوانےٕ مود تہٕ یمسُنٛد نیصف جسٕم بوسیدٕ اوس سپُدمُت۔13اوٕ مۅکھٕ کۅر موسیٰؔ ہن یہُوواہسؔ فریاد تہٕ وُننَس، "اے خدایہ بہٕ چُھسے ژےٚ اِلتجا کران زِ أمِس کر شِفا۔"14مگر یہُوواہنؔ دِتُس جواب، "اگر تمسُنٛد مول تٔمس غلطی پٮ۪ٹھ بےٚ وٲری کرِ تہٕ بُتھِس تھۅکہ لایہ، سۅ روزِ ستن دوٚہُن شرمنٛدٕ۔ تمِس پزِ پننِس کٔرممتِس پٮ۪ٹھ شرمنٛدٕ سپدُن۔ لہٰذا تھٲؠ وون سۅ ستن دوٚہُن کیمپس نیٚبر۔ پتہٕ آسہ نہٕ تس مذید مینٛدؠ بٮ۪مٲرؠ تہٕ سۅ ہیٚکہ پتہٕ کیمپس منٛز واپس یِتھ۔" 15تہٕ تِمو تھٲو سۅ ستن دوٚہُن خٟمہ گاہس نیٚبر۔ تۅتام گے نہٕ یِم لوٗکھ کُنہ دوٚیمہِ جایہ یۅتام نہٕ سۅ واپس آیہ۔16تٔمہِ پتہٕ ییٚلہ سۅ واپس آیہ تہٕ تِم دراے حصیراتؔ منٛزٕ تہٕ گے فاران کیٚن صحراون کُن تہٕ لٲگِکھ تتہِ پنٕنؠ خٟمہ۔
Bridge Connectivity Solutions Pvt. Ltd.