متی26
1ییٚلہِ یسوعنؔ یِمہٕ سٲری چیز ؤنِتھ مۅکلٲوؠ، تٔمؠ ووٚن شٲگردن،2"ازکہِ پتہٕ دویہِ دوٚہؠ مناوو أسؠ فسح عید۔ امہِ وقتہٕ کرِ آدمؔ زادس اکھا مکھا حوالہٕ تِمن یِم تس صلیبس کُن کِلیٚو سٟتؠ ٹھاسان"3یپٲرؠ ٲسؠ امہِ وقتہٕ سردار کاہن تہٕ یہُودؠ زِٹھؠ اعلیٰ کاہن کایفا سنٛدِس گرٕ کِس صحنس منٛز سمِتھ۔4اتہِ کٔر یِمو تِژھ منصوبہ بندی یُتھ یسوعؔ کُنہِ ژھلہٕ رٔٹِتھ قتل ییہِ کرنہٕ۔5ووٚنؠ گوو تِمو ووٚن یِتہِ زِ اسہِ پزِ نہٕ فسح عید کٮ۪ن دوٚہن یہِ کرُن۔ یودوے أسؠ یہِ کرو، لوٗکھ ہیٚکن فساد تُلِتھ۔6ییٚلہِ زن یسوعؔ تہٕ تسنٛدؠ شٲگرد بیت عنیاہ گامس منٛز ٲسؠ، تِمو کھیٚو شمعونؔ سنٛدِ گرِ یُس یسوعنؔ مینٛدِ نِشہٕ بچومُت اوس۔7کال کھٮ۪نس دوران ژایہِ اکھ زنان اتھ گرس منٛز۔ سۅ ٲس پکناوان اکھ لوٗبہٕ وُن کنیٚو مرتبان یتھ منٛز قٟمتی عطر ٲس۔ سۅ آیہِ یسوعسؔ نکھہٕ یُس غذا کھیٚوان اوس تہٕ ترٲونس سورےٕ عطر کلس پیٚٹھ۔8ییٚلہِ شاگردو یہِ وُچھ، تِمن کھوٚت سخ شرارت۔ یِمو منٛزٕ ووٚن أکؠ، "کوتاہ وُچاپہٕ گو ییژ عطر ضایہِ کرٕنؠ!9أسؠ ہیٚکہٕ ہوو یہِ کٕنِتھ تہٕ واریاہ رۅپیہ حٲصِل کٔرِتھ۔ پتہٕ دِمہٕ ہو یِمہٕ رۅپیہ غریب لوٗکن"10یسوعؔ اوس زانان زِ یِم لوٗکھ کیا چھِ ونان۔ اوے ووٚنُن تِمن، "توٚہہِ پزِ نہٕ یہِ خوتوٗن پریشان کرٕنؠ۔ امؠ کوٚر مےٚ سٟتؠ سٮ۪ٹھا رُت۔11یہِ کتھ تھٲیو ژٮ۪تس زِ توٚہہِ منٛزٕ آسن ہمیشہٕ کینٛہہ نادار لوٗکھ تہِ۔ اوے ہیٚکِو توٚہؠ تِمن مدد کٔرِتھ ییٚلہِ توٚہؠ یژھِو۔ ووٚنؠ گوو بہٕ آسو نہٕ ہمیشہٕ سٟتؠ!12ییٚلہِ امہِ یہِ عطر میٲنِس پانس پیٚٹھ ترٲو، زنتہٕ ٲس سۅ زانان زِ مےٚ چھُ جلدےٕ مرُن۔ زٲنتو زنتہٕ تمؠ میون بدن عطر ملِتھ دفناونہٕ باپتھ تیار کوٚر۔13میون ونُن چھُ پوٚز زِ یتھ کُنہِ جایہِ تہِ یتھ سٲرؠ سےٕ دنیاہس منٛز لوٗکھ مےٚ متعلق رٕژ شیٚچھ باون، تِم ونن یِتہِ زِ یمہِ زنانہِ کیا کوٚر مےٚ سٟتؠ۔ تہِ گوو یہِ روزِ ہمیشہٕ لوٗکن ہنٛزٕ ذکرِ منٛز"14یپٲرؠ گوو یہُوداؔ اِسکریوتی۔ ہرگاہ زن سُہ بہن شٲگردن منٛز اکھ اوس، ووت سردار کاہنن نِش۔15تمؠ پرُژھ تِمن، "یودوے بہٕ توٚہہِ یسوعسؔ رٹنس منٛز مدد کرٕ، توٚہؠ کٲژاہ رۅپیہ دِیو مےٚ؟" امکِس جوابس منٛز کوٚر تِمو قبول تمِس ترٕہہ رۅپیہ چاندِ سِکہٕ دِنؠ۔ اوے گنٛزرؠ تِمو ترٕہہ سِکہٕ تہٕ دِتِکھ تٔمِس۔16امہِ وقتہٕ پیٚٹھٕ رود یہُوداؔ کوَس زِ تِم کر بناون یسوعس بٲنٛدؠ۔17خمیرٕ ورٲے ژۅچہِ ہنٛدِس اکہِ ہفتکہِ امہِ مٲلہٕ کہِ گۅڈنکہِ دوٚہہ گے شٲگرد یسوعسؔ نِش تہٕ وونہس، "ژٕ کتہِ چھُکھ یژھان زِ أسؠ رنو یہِ فسح عید ہُنٛد سال تاکہِ پتہٕ کھیٚمو ژےٚ سٟتؠ۔18یسوعنؔ ووٚن دوٚن شٲگردن زِ تِمن کیا پزِ کرُن۔ تٔمؠ ووٚن تِمن، "نیرِو گٔژھِو شہرس منٛز اکِس شخصس نِش یس سٟتؠ مےٚ برونہٛےٕ امِچ کتھ چھےٚ تھٲومٕژ کٔرِتھ۔ أمِس ونِو زِ یہِ استاد چھُ ونان یِتھٕ پٲٹھؠ: وقت ووت نکھہٕ یتھ متعلق مےٚ ژےٚ وونمُت چھُے۔ بہٕ چھُس یژھان فسح عید ہُنٛد سال پننٮ۪ن شٲگردن سٟتؠ چانہِ گرِ کھیٚون۔ تہٕ بہٕ چھُسکھ یِم زٕ زنؠ یہِ تیار کرنہٕ باپتھ سوزان چون گرٕ۔19لہٰذا کوٚر یِمو شاگردو تی یہِ یسوعنؔ ووٚنُکھ۔ تِم گییہِ شہرس منٛز تہٕ بنووُکھ فسح عید ہُنٛد سال تمِس شخصہٕ سنٛدِ گرِ۔20ییٚلہِ سُہ شام ووت، یسوعؔ اوس کال کھیٚوان پننٮ۪ن شٲگردن سٟتؠ۔21تمؠ ووٚن تِمن، "یہِ کتھ چھےٚ پوٚز تہٕ بوزِو وارٕ: توٚہہِ منٛزٕ اکھ رٹناوِ مےٚ پننٮ۪ن دشمنن اتھِ"22شٲگرد سپٕدؠ واریاہ دۅکھل۔ تِمو لوگ تس ونُن اکہِ اکہِ، "خداوند، یہِ چھُس نہٕ بالکل بہٕ"23یسوعنؔ ووٚنُکھ، "سُہ، یُس میانٮ۪ن دشمنن اتھٕ روٚٹ کرِ مےٚ بٲنٛدؠ بناونس منٛز، چھُ سُہ اکھ یُس زن پنٕنؠ ژوٚٹ بانس منٛز موجود رسس منٛز بُڈناوان چھُ مےٚ لرِ۔24یہِ چھُ پوٚز زِ بہٕ آدمؔ زاد مرٕ، تکیازِ یی چھُ لیٚکھِتھ صحیفن منٛز مےٚ متعلق۔ ووٚنؠ گوو تمِس شخصہٕ سنٛدِ باپتھ آسہِ ویکھت عذاب یُس مےٚ دشمنن اتھِ بٲنٛدؠ بناناوِ۔ تس انسان سُنٛد نَہ زیوٚنُے روزِہے بہتر"25امہِ پتہٕ ووٚن یہُوداہن، یعنی تمؠ نفرن یُس تمِس دغا دِنہِ درامُت اوس، "اُستاد، یقیناً چھُس نہٕ بہٕ یہِ" یسوعنؔ دیُتُس جواب، "آ، ژٕ چھُکھ پانے مانان یہِ"26ییٚلہِ زن تِم کھیٚوان ٲسؠ، یسوعنؔ تُج اکھ ژوٚٹ تہٕ کوٚرُن امہِ باپتھ خدایہِ سُنٛد شکُر۔ تمؠ کرِ اتھ تِلمہٕ تہٕ دِژن پننٮ۪ن شٲگردن یہِ ونان، "رٔٹِو یہِ ژوٚٹ تہٕ کھیٚیِو۔ یہِ چھُ میون بدن"27پتہٕ پہن تلُن اکھ شراب پیالہٕ تہٕ کوٚرُن امہِ باپتھ خدایہِ سُنٛد شکُر۔ یہِ تہِ پِلنووُن تِمنےٕ کُن یہِ ونان، "یمہِ پیالہٕ منٛزٕ چیٚیِو توٚہؠ سٲری۔28یتھ پیالس منٛز شراب زٲنتو چھُ میون خوٗن۔ یُس ؤلؠ نیرِ میانہِ بدنہٕ منٛزٕ۔ پننہِ خوٗنہٕ سٟتؠ کرٕ بہٕ دستخط یتھ عہدس پیٚٹھ یُس خداین تل زِ لوٗکن ہنٛدؠ گناہ معاف کرنہٕ باپتھ۔29یہِ کٔرِو احتیات سان درج۔ یمہِ اپور چٮیٚمہٕ نہٕ بہٕ شراب توٚتام ییٚلہِ بہٕ توٚہہِ سٟتؠ بیٚیہِ چٮیٚمہٕ۔ اتھ آسہِ بدل معنی۔ یہِ آسہِ سُہ وق ییٚلہِ میون بب بادشٲہی ژوپٲرؠ کرِ"30اکھ شُکرانہٕ گیونہٕ پتہٕ ہیٚژ تِمو وتھ زیتون بالس کُن۔31پکان پکان ووٚن تِمن یسوعنؔ، "از راتھ کیُت ترٲیو توٚہؠ سٲری مےٚ اوٕ کِنؠ زِ یہِ مےٚ سٟتؠ سپدِ، یہِ سپدِ یقیناً۔ یِم لفظ چھِ خداین صحیفن منٛز لیکھمٕتؠ:بہٕ تُلکھ لوٗکھ پٔہلِس مارنہِ،تہٕ سارنےٕ تیرن ژانن تِم ہکھ۔ 32
مگر پننہِ مرنہٕ پتہٕ دُبارٕ زندگی پرٲوِتھ واتہٕ بہٕ توٚہہِ برونہٛےٕ گلیلی تہٕ سمکھو تٔتی"33
پطرسنؔ ووٚنُس، "شاید ما تراونے ژےٚ باقےٕ سٲری شٲگرد چون سپدُت وُچھِتھ، مگر بہٕ تراوتھ نہٕ ہرگِز تہِ"34
یسوعنؔ ووٚن پطرسسؔ یورٕ، "پزر چھُ یہِ زِ أزؠ رٲژ منٛز، کۅکر بانگہِ برونہٛےٕ ونکھ ژٕ تریٚیہِ پھرِ زِ ژٕ زانکھ نہٕ مےٚ"35
پطرسنؔ ووٚنُس یورٕ، یودوے تِم مےٚ مارن تہِ ژٕ بچاونس دوران، بہٕ وننہٕ ہرگِز تہِ ز بہٕ زانتھ نہٕ ژٕ" باقےٕ شاگردو تہِ ووٚن یی۔36
أمہِ پتہٕ گوو یسوع پنٕنؠ شٲگرد ہٮ۪تھ اکِس جایہِ یتھ گتسمنی ونان چھِ۔ اتہِ ووٚن أمؠ یِمن، "یتی روزِو ییتِس کالس نہٕ بہٕ تور گٔژھِتھ دعا کرٕ"37
تمؠ تُل پطرسؔ، یعقوب تہٕ یوحنا پانس سٟتؠ۔ سُہ گو انتہٲیی سخ بد دل۔38
پتہٕ ووٚنُن تِمن، "مےٚ چھُ بڈٕ افسوس یوٗتاہ زِ مےٚ چھُ باسان زِ بہٕ مرٕ وُنؠ نتہٕ وُنؠ۔ یتی روزِو تہٕ روزِو ہُشارے مےٚ سٟتؠ۔39
کینٛہہ برونہٛہ پہن پٔکِتھ تروو تٔمؠ زمینہِ پیٚٹھ پان دُبہٕ۔ تہٕ کوٚرُن دعا، "ہے ببہٕ، یودوے ممکن آسہِ مےٚ مہٕ تُلناو عذاب تمہِ آیہِ یہِ بہٕ زانان چھُس۔ ووٚنؠ گوو تہِ تہٕ مہٕ کر یہِ بہٕ یژھان چھُس۔ بلکہِ کر تہِ یہِ ژٕ یژھکھ!"40
پتہٕ آو سُہ واپس پننٮ۪ن ترٮ۪ن شٲگردن نِش تہٕ وُچِھن یِم تریشوے شۅنگِتھ۔ تمؠ وُزنوو پطرس تہٕ ووننس، "مےٚ گوو سخ یِتھے ہیٚو زِ توٚہؠ پیٚیِو نٮ۪ندرِ تہٕ ہیکِو نہٕ ہُشار دٔرِتھ مےٚ سٟتؠ رژھِ کھنجہِ تہِ!41
توٚہہِ پزِ خبردار روزُن تہٕ دعا کران روزُن تاکہِ کانہٛہ شخص کرِنہٕ توٚہہِ غلط کرنس کُن مٲیِل۔ توٚہؠ چھُو یژھان تہِ کرُن یہِ بہٕ توٚہہِ ونَو۔ مگر ژکہِ چھُو نہٕ پوٗرٕ دٔرؠ تہِ کرنہٕ باپتھ۔42
سُہ گو دُبارٕ دوٗر پہن۔ تمؠ کوٚر دعا، "میانہِ ببا، یودوے میون عذاب تلُن ضروری چھُ، تیٚلہِ سپدِن یہِ چون یژھُن چھُ!"43
ییٚلہِ سُہ ترین شٲگردن نِش واپس ووت، امؠ وُچھؠ یِم بیٚیہِ نٮ۪ندرِ۔ تِم ٲسؠ نہٕ وُنٮ۪ندٕرؠ دٔرِتھ ہیٚکؠ مٕتؠ۔44
اوے ترٲوِنؠ تِم أتی تہٕ گوو واپس۔ تمؠ کوٚر تریٚیہِ پھرِ دعا، تِمے لفظ دہرٲوِتھ یِم تٔمؠ گۅڈٕ ؤنمٕتؠ ٲسؠ۔45
پتہٕ پھیور سُہ سارنےٕ شٲگردن کُن واپس۔ تمؠ وُزنٲوؠ تِم تہٕ ووننکھ، "مےٚ چھُ افسوس زِ توٚہؠ چھُو توتہِ شونٛگِتھ تہٕ آرامس۔ وُچھِو کُستام چھُ گناہگارن مےٚ آدمؔ زادس بٲنٛدؠ بناونس منٛز اتھٕ روٚٹ کران۔46
ؤتھِو تھوٚد! تِمن نیرِو بُتھِ سمکھنہِ! یہ کے گوو سُہ یُس تِمن مےٚ بٲنٛدؠ بناونس منٛز اتھٕ روٚٹ کران چھُ۔47
ییٚلہِ زن یسوعؔ وُنہِ کتھےٕ کران اوس، یہُوداؔ پیٚو وٲتِتھ۔ ہرگا زن سُتہِ بہن شٲگردن منٛز اکھ اوس، سُہ آو یسوعؔ سنٛدین دشمنن تس بٲنٛدؠ بناونس منٛز مددگار بٔنِتھ۔ اکھ بوٚڈ ہجوم گۅرزٕ تہٕ تلوار ہٮ۪تھ اوس پتہٕ پتہٕ۔ یِم ٲسؠ سوزؠ مٕتؠ اعلیٰ تہٕ سردار کاہنو۔48
یہُوداؔ اوس یِمن سٟتؠ أٹؠ کرتھ اکھ اشارٕ تہِ مقرر کوٚرمُت۔ تٔمؠ اوس تِمن وونمُت، "یمِس شخصس بہٕ مۅنؠ کرٕ، سُہ آسہِ سُہ یس توٚہؠ ژھاران چھُو!"49
سُہ گو جلدی یسوعسؔ نِش تہٕ وونہس، "وۅستادٕ رٕژر" امہٕ پتہٕ کرن یسوعسؔ مۅنؠ۔50
یسوعنؔ وونُس، "یارا! یہِ ژےٚ کرُن چھُے، تہِ کر ؤلؠ ؤلؠ" امہِ پتہٕ آیہِ یہُوداہسؔ سٟتؠ نفر برونہٛہ کُن تہٕ بنووُکھ یسوعؔ بٲنٛدؠ51
اچانک کٔڈؠ یسوعسؔ سٟتؠ اکؠ نفرن کرتل میانہِ منٛز۔ تمؠ لٲؠ یہِ سردار کاہن سنٛدِس نوکرس قتل کرنہٕ باپتھ۔ ووٚنؠ گوو تس ژھیوٚن چھرا کن۔52
یسوعنؔ ووٚن أمِس، "پنٕنؠ کرتل تھاو واپس میانس منٛز۔ تِم لوٗکھ یِم کٲنٛسہِ کرتل واین یژھن، تِمن وایہِ بیاکھ کانہٛہ کرتل۔53
تُہنٛد خیال چھا یودوے بہٕ پننِس ببس پرژھٕ، سُہ سوزنہٕ مےٚ فرشتن ہندؠ باہ لشکر امے ساعتہٕ مدد کرنہِ۔54
ووٚنؠ گوو یودوے بہٕ تہِ کرٕ، یہِ نبیو پننٮ۪ن صحیفن منٛز لیٚوکھمُت چھُ یہِ کینٛہہ مسیحسؔ سٟتؠ بٔنِتھ ییہِ، سُہ گژھِ نہٕ تیٚلہِ پوٗرٕ۔55
امہِ وقتہٕ ووٚن یسوعنؔ پانس رٔٹِتھ ہجومس، "توٚہؠ چھُو آمٕتؠ مےٚ رٹنہِ کرتلہِ تہِ گورز ہٮ۪تھ زنتہٕ بہٕ کانہٛہ ڈاکو چھُس۔ بہٕ چھُس پرٛتھ دوٚہہ ہیکل کِس صحنس منٛز بہتھ آسان لوٗکن تعلیم دِنہِ۔ توٚہؠ ہٮ۪کؠ ہیٚو مےٚ تمہِ وِزِ گرفتار کرِتھ۔56
ووٚنؠ گوو یہِ سورےٕ چھُ سپدان نبین ہنٛد صحیفن منٛز لیٚکھِتھ پوٗرٕ کرنہٕ باپتھ۔ امہِ پتہٕ ژٔلؠ سٲری شٲگرد یسوعسؔ اتی ترٲوِتھ۔57
یِمو نفرو یسوعؔ بٲنٛدؠ بنوو، تِمو نیٚو سُہ کایفا نٲوؠ اعلیٰ کاہن سُنٛد گرٕ۔ یہُودؠ شریعت ہٮ۪چھناون وٲلؠ تہٕ یہُودؠ زِٹھؠ ٲسؠ اتہِ سٲری سٔمِتھ۔58
پطرس رود ہنا دوٗر روزِتھ پتہٕ پتہٕ۔ سُتہِ ژاو اعلیٰ کاہن سنٛدِس صحنس منٛز تہٕ بیوٹھ اتی پتھر رٲچھ درن سٟتؠ یہِ وُچھنہِ زِ ٲخر سپدِ کیا۔59
اعلیٰ کاہن تہٕ یہُودؠ مجلس کٔر کٲنسہِ تِتھِس نفرس ژھارنچ کوشش یُس یسوعسؔ متعلق اپُز ونہِ تاکہِ تِم ہیٚکن رومین آمادٕ کٔرِتھ تس دارس کھالنہٕ باپتھ60
تِم گے نہٕ کامیاب۔ ہرگا زن واریاہو لوٗکو اپُز ووٚن یسوعسؔ متعلق، تہُنحد اپُز ونُن لوٚگ نہٕ بکار۔ چھیکرس آے زٕ نفر برونہٛہ کُن۔61
تِمو ووٚن، "یمؠ انسانن ووٚن زِ بہٕ چھُس خدایہِ سُنٛد ہیکل بالکل تباہ کرنس لایق تہٕ اتھ تریٚن دوہن اندر اندر بیٚیہِ تعمیر کرنس قٲبل"62
امہِ پتہٕ ووٚتھ اعلیٰ کاہن تہٕ پرژھُن یسوعسؔ، "ژٕ دِکھ نا اتھ جواب؟ ژٕ ونان کیا یِمن کتھن ہنٛدِس جوابس منٛز یِمہٕ ژےٚ راہ چھے کھالان"63
وونؠ گوو یسوعؔ رود ژھوپہٕ کٔرِتھ۔ امہِ پتہٕ ووٚنُس اعلیٰ کاہنن، "بہٕ چھُسے حکم دِوان ژےٚ پوٚز پوٚز وننہٕ باپتھ۔ ژٕ چھُکھ زانان زِ قدرت وول خدا چھُ یہِ سورےٕ پانہٕ بوزان: ژٕ چھُکھا نجات دِنہٕ وول مسیحؔ، خدایہِ سُنٛد گۅبُر"64
یسوعنؔ ووٚنُس یورٕ، "آ، بالکل یتھٕ پٲٹھؠ ژٕ ونان چھُکھ۔ ووٚنؠ گوو بہٕ ونو توٚہہِ سارنےٕ یِتہِ۔ اکہِ دوٚہہ وُچھِو توٚہؠ یہِ آدمؔ زاد خدایس لرِ بہتھ بادشٲہی کران۔ توٚہؠ وُچھِو تمِس اوبرٕ پیٚٹھؠ آسمانہٕ وسان"65
اعلیٰ کاہن گوو یوٗتاہ ژکھِ زِ تمؠ ژوٚٹ پنُن پیٚٹھِم پلو۔ پتہٕ ووٚنُن، "یمؠ نفرن کٔر توہین خدایہِ سںنٛز۔ یہِ چھُ دعوا کران خدایس سٟتؠ ہمسری ہند۔ اسہِ چھُنہٕ ووٚنؠ کانٛسہِ ہُنٛد حاجت أمِس خلاف گوٲہی دِنچ۔ توٚہہِ بوزو امؠ کیا ووٚن۔66
تُہنٛد کیا خیال چھُ؟ یہُودؠ سردارو ووٚنُس، "سانہِ شریعتہٕ حسابہٕ چھُ یہِ راہ لد تہٕ مارُن لایق"67
امہِ پتہٕ لایہِ کینٛژو أمِس بُتھِس تھۅکہٕ۔ کینٛژو واجٮ۪س مُشہِ۔ کینٛژو لایس تھاپرِ۔68
تِمو ووٚن، "چونکہِ ژٕ چھُکھ دعوا کران مسیح آسنُک، ون ژےٚ کمؠ لویہِ نَے۔69
پطرس اوس نٮ۪برٕ کنہِ صحنس منٛز۔ اکھ نوکرٲنؠ آیہِ أمِس نِش تہٕ وُچھنس مُدے گنڈِتھ۔ امہِ ووٚنُس، "ژٕتہِ اوسُکھ نا یسوعسؔ سٟتؠ گلیلی ہنٛدِس أمِس شخصس سٟتؠ"70
چونکہِ اتہِ اوس پرٛتھ کانہٛہ بوزان۔ امؠ کوٚرُس انکار۔ امؠ ووٚنُس، "مےٚ چھنہٕ خبر زِ ژٕ ونان کیا؟"71
پتہٕ دراو سُہ صحنہٕ کِس پھاٹکس کُن۔ اتہِ وُچھ یہِ بدل نوکرانہِ تہٕ ووٚنُن اتہِ اندؠ پکؠ وۅدٕنؠ لوٗکن کُن، "یہِ شخص اوس تمِس ناصرت کِس روزن وٲلِس یسوعسؔ سٟتؠ۔72
ووٚنؠ گوو پطرسن کوٚرُس وعدٕ نِشہٕ بیٚیہِ انکار۔ امؠ ووٚنُس، "خدا دِیِن مےٚ سزا یودوے بہٕ اپُز ونان آسہٕ۔ بہٕ چھُسے ونان بہٕ زانن تہِ نہٕ یہِ شخص"73
امہِ پتہٕ کینٛہہ کٲلؠ آے اتہِ لوٗکھ سمِتھ پطرسس نکھہٕ تہٕ وونہس، "یہِ چھُ حق زِ ژٕ چھُکھ تِمو لوٗکو منٛزٕ اکھ یِم تس سٟتؠ ٲسؠ۔ یہِ ہیٚکو أسؠ ژینِتھ چانہِ لہجہٕ سٟتؠ تہِ زِ ژٕ چھُکھ گلیلی جایہِ ہُنٛد"74
امہِ پتہٕ لوگ پطرسن بڈِ بڈِ ونُن زِ خدا سوزِن تس لعنت یودوے سُہ اپُز ونان آسہِ۔ تمؠ تھوو آسمانن پیٚٹھ خدا پنُن گواہ زِ سُہ چھُ پوٚز ونان۔ بہٕ زانن نہٕ یہِ شخص۔ امہِ وِزِ دِژ کۅکرن بانگ۔75
ادٕ پیٚو پطرسس ژٮ۪تس زِ یسوعنؔ کیا اوس تس ووٚنمُت، "امہِ برونہٛہ زِ کۅکر دِیہِ بانگ ژٕ ونکھ تریٚیہِ پھرِ زِ ژٕ زانکھ نہٕ مےٚ" تہٕ پطرس دراو صحنہٕ منٛزٕ نٮ۪بر ودان رِوان تکیازِ زِ تس اوس پننِس وننس پیٚٹھ دوکھٕ تہٕ افسوس۔
مگر پننہِ مرنہٕ پتہٕ دُبارٕ زندگی پرٲوِتھ واتہٕ بہٕ توٚہہِ برونہٛےٕ گلیلی تہٕ سمکھو تٔتی"33
پطرسنؔ ووٚنُس، "شاید ما تراونے ژےٚ باقےٕ سٲری شٲگرد چون سپدُت وُچھِتھ، مگر بہٕ تراوتھ نہٕ ہرگِز تہِ"34
یسوعنؔ ووٚن پطرسسؔ یورٕ، "پزر چھُ یہِ زِ أزؠ رٲژ منٛز، کۅکر بانگہِ برونہٛےٕ ونکھ ژٕ تریٚیہِ پھرِ زِ ژٕ زانکھ نہٕ مےٚ"35
پطرسنؔ ووٚنُس یورٕ، یودوے تِم مےٚ مارن تہِ ژٕ بچاونس دوران، بہٕ وننہٕ ہرگِز تہِ ز بہٕ زانتھ نہٕ ژٕ" باقےٕ شاگردو تہِ ووٚن یی۔36
أمہِ پتہٕ گوو یسوع پنٕنؠ شٲگرد ہٮ۪تھ اکِس جایہِ یتھ گتسمنی ونان چھِ۔ اتہِ ووٚن أمؠ یِمن، "یتی روزِو ییتِس کالس نہٕ بہٕ تور گٔژھِتھ دعا کرٕ"37
تمؠ تُل پطرسؔ، یعقوب تہٕ یوحنا پانس سٟتؠ۔ سُہ گو انتہٲیی سخ بد دل۔38
پتہٕ ووٚنُن تِمن، "مےٚ چھُ بڈٕ افسوس یوٗتاہ زِ مےٚ چھُ باسان زِ بہٕ مرٕ وُنؠ نتہٕ وُنؠ۔ یتی روزِو تہٕ روزِو ہُشارے مےٚ سٟتؠ۔39
کینٛہہ برونہٛہ پہن پٔکِتھ تروو تٔمؠ زمینہِ پیٚٹھ پان دُبہٕ۔ تہٕ کوٚرُن دعا، "ہے ببہٕ، یودوے ممکن آسہِ مےٚ مہٕ تُلناو عذاب تمہِ آیہِ یہِ بہٕ زانان چھُس۔ ووٚنؠ گوو تہِ تہٕ مہٕ کر یہِ بہٕ یژھان چھُس۔ بلکہِ کر تہِ یہِ ژٕ یژھکھ!"40
پتہٕ آو سُہ واپس پننٮ۪ن ترٮ۪ن شٲگردن نِش تہٕ وُچِھن یِم تریشوے شۅنگِتھ۔ تمؠ وُزنوو پطرس تہٕ ووننس، "مےٚ گوو سخ یِتھے ہیٚو زِ توٚہؠ پیٚیِو نٮ۪ندرِ تہٕ ہیکِو نہٕ ہُشار دٔرِتھ مےٚ سٟتؠ رژھِ کھنجہِ تہِ!41
توٚہہِ پزِ خبردار روزُن تہٕ دعا کران روزُن تاکہِ کانہٛہ شخص کرِنہٕ توٚہہِ غلط کرنس کُن مٲیِل۔ توٚہؠ چھُو یژھان تہِ کرُن یہِ بہٕ توٚہہِ ونَو۔ مگر ژکہِ چھُو نہٕ پوٗرٕ دٔرؠ تہِ کرنہٕ باپتھ۔42
سُہ گو دُبارٕ دوٗر پہن۔ تمؠ کوٚر دعا، "میانہِ ببا، یودوے میون عذاب تلُن ضروری چھُ، تیٚلہِ سپدِن یہِ چون یژھُن چھُ!"43
ییٚلہِ سُہ ترین شٲگردن نِش واپس ووت، امؠ وُچھؠ یِم بیٚیہِ نٮ۪ندرِ۔ تِم ٲسؠ نہٕ وُنٮ۪ندٕرؠ دٔرِتھ ہیٚکؠ مٕتؠ۔44
اوے ترٲوِنؠ تِم أتی تہٕ گوو واپس۔ تمؠ کوٚر تریٚیہِ پھرِ دعا، تِمے لفظ دہرٲوِتھ یِم تٔمؠ گۅڈٕ ؤنمٕتؠ ٲسؠ۔45
پتہٕ پھیور سُہ سارنےٕ شٲگردن کُن واپس۔ تمؠ وُزنٲوؠ تِم تہٕ ووننکھ، "مےٚ چھُ افسوس زِ توٚہؠ چھُو توتہِ شونٛگِتھ تہٕ آرامس۔ وُچھِو کُستام چھُ گناہگارن مےٚ آدمؔ زادس بٲنٛدؠ بناونس منٛز اتھٕ روٚٹ کران۔46
ؤتھِو تھوٚد! تِمن نیرِو بُتھِ سمکھنہِ! یہ کے گوو سُہ یُس تِمن مےٚ بٲنٛدؠ بناونس منٛز اتھٕ روٚٹ کران چھُ۔47
ییٚلہِ زن یسوعؔ وُنہِ کتھےٕ کران اوس، یہُوداؔ پیٚو وٲتِتھ۔ ہرگا زن سُتہِ بہن شٲگردن منٛز اکھ اوس، سُہ آو یسوعؔ سنٛدین دشمنن تس بٲنٛدؠ بناونس منٛز مددگار بٔنِتھ۔ اکھ بوٚڈ ہجوم گۅرزٕ تہٕ تلوار ہٮ۪تھ اوس پتہٕ پتہٕ۔ یِم ٲسؠ سوزؠ مٕتؠ اعلیٰ تہٕ سردار کاہنو۔48
یہُوداؔ اوس یِمن سٟتؠ أٹؠ کرتھ اکھ اشارٕ تہِ مقرر کوٚرمُت۔ تٔمؠ اوس تِمن وونمُت، "یمِس شخصس بہٕ مۅنؠ کرٕ، سُہ آسہِ سُہ یس توٚہؠ ژھاران چھُو!"49
سُہ گو جلدی یسوعسؔ نِش تہٕ وونہس، "وۅستادٕ رٕژر" امہٕ پتہٕ کرن یسوعسؔ مۅنؠ۔50
یسوعنؔ وونُس، "یارا! یہِ ژےٚ کرُن چھُے، تہِ کر ؤلؠ ؤلؠ" امہِ پتہٕ آیہِ یہُوداہسؔ سٟتؠ نفر برونہٛہ کُن تہٕ بنووُکھ یسوعؔ بٲنٛدؠ51
اچانک کٔڈؠ یسوعسؔ سٟتؠ اکؠ نفرن کرتل میانہِ منٛز۔ تمؠ لٲؠ یہِ سردار کاہن سنٛدِس نوکرس قتل کرنہٕ باپتھ۔ ووٚنؠ گوو تس ژھیوٚن چھرا کن۔52
یسوعنؔ ووٚن أمِس، "پنٕنؠ کرتل تھاو واپس میانس منٛز۔ تِم لوٗکھ یِم کٲنٛسہِ کرتل واین یژھن، تِمن وایہِ بیاکھ کانہٛہ کرتل۔53
تُہنٛد خیال چھا یودوے بہٕ پننِس ببس پرژھٕ، سُہ سوزنہٕ مےٚ فرشتن ہندؠ باہ لشکر امے ساعتہٕ مدد کرنہِ۔54
ووٚنؠ گوو یودوے بہٕ تہِ کرٕ، یہِ نبیو پننٮ۪ن صحیفن منٛز لیٚوکھمُت چھُ یہِ کینٛہہ مسیحسؔ سٟتؠ بٔنِتھ ییہِ، سُہ گژھِ نہٕ تیٚلہِ پوٗرٕ۔55
امہِ وقتہٕ ووٚن یسوعنؔ پانس رٔٹِتھ ہجومس، "توٚہؠ چھُو آمٕتؠ مےٚ رٹنہِ کرتلہِ تہِ گورز ہٮ۪تھ زنتہٕ بہٕ کانہٛہ ڈاکو چھُس۔ بہٕ چھُس پرٛتھ دوٚہہ ہیکل کِس صحنس منٛز بہتھ آسان لوٗکن تعلیم دِنہِ۔ توٚہؠ ہٮ۪کؠ ہیٚو مےٚ تمہِ وِزِ گرفتار کرِتھ۔56
ووٚنؠ گوو یہِ سورےٕ چھُ سپدان نبین ہنٛد صحیفن منٛز لیٚکھِتھ پوٗرٕ کرنہٕ باپتھ۔ امہِ پتہٕ ژٔلؠ سٲری شٲگرد یسوعسؔ اتی ترٲوِتھ۔57
یِمو نفرو یسوعؔ بٲنٛدؠ بنوو، تِمو نیٚو سُہ کایفا نٲوؠ اعلیٰ کاہن سُنٛد گرٕ۔ یہُودؠ شریعت ہٮ۪چھناون وٲلؠ تہٕ یہُودؠ زِٹھؠ ٲسؠ اتہِ سٲری سٔمِتھ۔58
پطرس رود ہنا دوٗر روزِتھ پتہٕ پتہٕ۔ سُتہِ ژاو اعلیٰ کاہن سنٛدِس صحنس منٛز تہٕ بیوٹھ اتی پتھر رٲچھ درن سٟتؠ یہِ وُچھنہِ زِ ٲخر سپدِ کیا۔59
اعلیٰ کاہن تہٕ یہُودؠ مجلس کٔر کٲنسہِ تِتھِس نفرس ژھارنچ کوشش یُس یسوعسؔ متعلق اپُز ونہِ تاکہِ تِم ہیٚکن رومین آمادٕ کٔرِتھ تس دارس کھالنہٕ باپتھ60
تِم گے نہٕ کامیاب۔ ہرگا زن واریاہو لوٗکو اپُز ووٚن یسوعسؔ متعلق، تہُنحد اپُز ونُن لوٚگ نہٕ بکار۔ چھیکرس آے زٕ نفر برونہٛہ کُن۔61
تِمو ووٚن، "یمؠ انسانن ووٚن زِ بہٕ چھُس خدایہِ سُنٛد ہیکل بالکل تباہ کرنس لایق تہٕ اتھ تریٚن دوہن اندر اندر بیٚیہِ تعمیر کرنس قٲبل"62
امہِ پتہٕ ووٚتھ اعلیٰ کاہن تہٕ پرژھُن یسوعسؔ، "ژٕ دِکھ نا اتھ جواب؟ ژٕ ونان کیا یِمن کتھن ہنٛدِس جوابس منٛز یِمہٕ ژےٚ راہ چھے کھالان"63
وونؠ گوو یسوعؔ رود ژھوپہٕ کٔرِتھ۔ امہِ پتہٕ ووٚنُس اعلیٰ کاہنن، "بہٕ چھُسے حکم دِوان ژےٚ پوٚز پوٚز وننہٕ باپتھ۔ ژٕ چھُکھ زانان زِ قدرت وول خدا چھُ یہِ سورےٕ پانہٕ بوزان: ژٕ چھُکھا نجات دِنہٕ وول مسیحؔ، خدایہِ سُنٛد گۅبُر"64
یسوعنؔ ووٚنُس یورٕ، "آ، بالکل یتھٕ پٲٹھؠ ژٕ ونان چھُکھ۔ ووٚنؠ گوو بہٕ ونو توٚہہِ سارنےٕ یِتہِ۔ اکہِ دوٚہہ وُچھِو توٚہؠ یہِ آدمؔ زاد خدایس لرِ بہتھ بادشٲہی کران۔ توٚہؠ وُچھِو تمِس اوبرٕ پیٚٹھؠ آسمانہٕ وسان"65
اعلیٰ کاہن گوو یوٗتاہ ژکھِ زِ تمؠ ژوٚٹ پنُن پیٚٹھِم پلو۔ پتہٕ ووٚنُن، "یمؠ نفرن کٔر توہین خدایہِ سںنٛز۔ یہِ چھُ دعوا کران خدایس سٟتؠ ہمسری ہند۔ اسہِ چھُنہٕ ووٚنؠ کانٛسہِ ہُنٛد حاجت أمِس خلاف گوٲہی دِنچ۔ توٚہہِ بوزو امؠ کیا ووٚن۔66
تُہنٛد کیا خیال چھُ؟ یہُودؠ سردارو ووٚنُس، "سانہِ شریعتہٕ حسابہٕ چھُ یہِ راہ لد تہٕ مارُن لایق"67
امہِ پتہٕ لایہِ کینٛژو أمِس بُتھِس تھۅکہٕ۔ کینٛژو واجٮ۪س مُشہِ۔ کینٛژو لایس تھاپرِ۔68
تِمو ووٚن، "چونکہِ ژٕ چھُکھ دعوا کران مسیح آسنُک، ون ژےٚ کمؠ لویہِ نَے۔69
پطرس اوس نٮ۪برٕ کنہِ صحنس منٛز۔ اکھ نوکرٲنؠ آیہِ أمِس نِش تہٕ وُچھنس مُدے گنڈِتھ۔ امہِ ووٚنُس، "ژٕتہِ اوسُکھ نا یسوعسؔ سٟتؠ گلیلی ہنٛدِس أمِس شخصس سٟتؠ"70
چونکہِ اتہِ اوس پرٛتھ کانہٛہ بوزان۔ امؠ کوٚرُس انکار۔ امؠ ووٚنُس، "مےٚ چھنہٕ خبر زِ ژٕ ونان کیا؟"71
پتہٕ دراو سُہ صحنہٕ کِس پھاٹکس کُن۔ اتہِ وُچھ یہِ بدل نوکرانہِ تہٕ ووٚنُن اتہِ اندؠ پکؠ وۅدٕنؠ لوٗکن کُن، "یہِ شخص اوس تمِس ناصرت کِس روزن وٲلِس یسوعسؔ سٟتؠ۔72
ووٚنؠ گوو پطرسن کوٚرُس وعدٕ نِشہٕ بیٚیہِ انکار۔ امؠ ووٚنُس، "خدا دِیِن مےٚ سزا یودوے بہٕ اپُز ونان آسہٕ۔ بہٕ چھُسے ونان بہٕ زانن تہِ نہٕ یہِ شخص"73
امہِ پتہٕ کینٛہہ کٲلؠ آے اتہِ لوٗکھ سمِتھ پطرسس نکھہٕ تہٕ وونہس، "یہِ چھُ حق زِ ژٕ چھُکھ تِمو لوٗکو منٛزٕ اکھ یِم تس سٟتؠ ٲسؠ۔ یہِ ہیٚکو أسؠ ژینِتھ چانہِ لہجہٕ سٟتؠ تہِ زِ ژٕ چھُکھ گلیلی جایہِ ہُنٛد"74
امہِ پتہٕ لوگ پطرسن بڈِ بڈِ ونُن زِ خدا سوزِن تس لعنت یودوے سُہ اپُز ونان آسہِ۔ تمؠ تھوو آسمانن پیٚٹھ خدا پنُن گواہ زِ سُہ چھُ پوٚز ونان۔ بہٕ زانن نہٕ یہِ شخص۔ امہِ وِزِ دِژ کۅکرن بانگ۔75
ادٕ پیٚو پطرسس ژٮ۪تس زِ یسوعنؔ کیا اوس تس ووٚنمُت، "امہِ برونہٛہ زِ کۅکر دِیہِ بانگ ژٕ ونکھ تریٚیہِ پھرِ زِ ژٕ زانکھ نہٕ مےٚ" تہٕ پطرس دراو صحنہٕ منٛزٕ نٮ۪بر ودان رِوان تکیازِ زِ تس اوس پننِس وننس پیٚٹھ دوکھٕ تہٕ افسوس۔
Bridge Connectivity Solutions Pvt. Ltd.